هـــــــذيــــان شـــــــاعـــــــر

[عبدالرحمن بن عمير]

تصهل خيول الشعر من .. فكر واحساس = ويصنف الهاجس .. جزيل المعاني
اسرج له الطاروق .. وتزيد الانفاس = واطلق عنان الشعر .. واسرج حصاني
واحكم قوافيها .. على قب الافراس = ويلاااعب المعنى .. سهيل اليماني
شاعر .. ولي في قمة الشعر مجلاس = واطوّع الصعبه ,,, بسحر البياني

[عبدالرحمن بن عمير]

يامن غرامك ،، غير كل المحبين = ياسيد .. الأحساس .. والملح .. والذوق
اشتاق لك شوق" .. يهز الشرايين = ياسارق" (غفوة )منامي من الموق
حبك .. زرعته وسط قلبي من سنين = يسقيه شرياني وتنبض به .. عروق
عذّب خفوقي واسهر افراقك .. العين = اشتاق لك / واحن / واخاف / واتوق
كلي على بعضي لحبك .. براهين = يامن محلّك بين الاضلاع .. مرموق
مهما اشوف من البنات .. المزايين = ماغيرك اللي في سما ..خافقي فوق
خذيت قلبي دين،، ياجاحد الدين = متى ترده لي .. وتحن وتروق
حالي بعد فرقاك .. ياقرة العين = حال الجريح اللي به الدم .. مدفوق
بين الحزن والحب والشعر والبين = عجزت اعبر عن مدى .. قمة الشوق
اشتاق لأهل دبي .. واشتاق للعين = شوق" يخلي صاحي العقل .. مطفوق
لو ينشكى حبك على .. king ..برلين = كان اجتمعنا .. لو غدى الطاق مطبوق
غبت وغيابك .. تشتكيه الشرايين = وماعاد فيّ احساس وضلوع وعروق
واللي بقوله بيت قلته من .. سنين: = وكملّت لعيونك به اليوم .. طاروق
اقسم قسم .. باللي خلقني من الطين = ماشاقني غيرك من الناس .. مخلوق

[عبدالرحمن بن عمير]

كل العذارى مايساون مواطيك = قلبي على شوفك من الشوق طاير

ماخِلٌق منهو في خفوقي يساويـك = ليتك تشوف اللي تكن الضماير

القلب بيتك والحنايا مماليك = بنيت لك فاقصى الضماير عماير

اخذت قلب ٍ فيه نبضك وطاريك = واسرفت في هجري وشفت .. العزاير

بالله ماترحـم حبيـب ٍ مخاويـك = يعطيك من عمره وشعره .. حرايـر

ومهديك فكر ٍ خيله اصبح يباريك = مرسول حب ٍ جرحّتـه النكايـر

واليوم تسكن في قصور ٍ تماريـك = نومك على الديباج واللبس .. حاير

تامر وتنهي والخلايـق تداريـك = تقول جيـش ٍ بالمهمـات غايـر

رميت نفسي بين حضرة معاليك = رمية مريض (ن) فوق بيض السراير

ياكيف تهجرني وتنسى مصافيـك = وتشطب على حب ٍ فدته العبايـر

هذانصيبي وصرت بالود شاريك = وجمر الغلا زاده صدودك جماير

ان جيت والا رحت مانيب ناسيك = منك الحكم برضاه لو كان .. جاير

[عبدالرحمن بن عمير]

لولا.. عيونك واتساعات الاحداق = ماشفت حبك واضح ٍ في عيونك

يام العيون اللي بها الدمع دفاق = لاتذرف الدمعه .. وتحرق شجونك

في عينك اليمنى ..فتيله وبرّاق = وفي عينك اليسرى( كسل) وسط نونك

في داخل البؤبؤ // متاهات وانفاق = شي ٍ يعذب واحد ٍ.. مايخونك

ارحم خفوق ٍ بين الاضلاع .. يشتاق = ضحى بعمره لاجل .. فتنة جفونك

لاشفت زولك.. كن صدري به احراق = نار ٍ توقد .. والحطب من طعونك

عامين .. وانا منتظر لحظة اعناق = عاشق ولالي غير( ضمة مزونك )

جيتك .. وانا قلبي من البعد تواق = مستيسره عشق ٍ طغابه.. جنونك

اهواك // واقدرك // واغليك // وانساق = خلف الغرام .. اللي سكن وسط كونك

ولولا.. غرامك واندفاعات الاشواق = ماجيت بابك واطرقه في ..سكونك

[عبدالرحمن بن عمير]

ياللي تعب قلبك على سبة افراق = قلبي تعب وانصاب يوم .. الفراقي

الموت موت اللي على القرب تواق = يبغى الوصل ,, لو كان مر المذاقي

ياما على شانك سبح بحر الاشواق = يهيم في بحرك وقاعه غراقي

الجرح ينزف وانتشى وسط الاعماق = فرقاك ,, ياخلي كسر عظم ساقي

اسهر واسامر// نجمة الصبح واشتاق = وارجع واجدد ..حرقتي بأشتياقي

ماكنت اصدق فيك عاذل وبواق = ميقن بقربك .. لو جفتك السواقي

بيني وبينك (عهد) ماضي وميثاق = واليوم لاتنقض// قوي الوثاقي

تدري// وش اللي يطوي ادروب وانفاق = ان الغلا,, يفرض علينا التلاقي

وياللي رميت الشال في حزت افراق = احلف .. ياغيري بالوفا ماتلاقي

[عبدالرحمن بن عمير]

الله على اللي شوفها يطرد الهم = وتقفي ركايب جيش همي وتبعد

هذي منات الروح ياراعي النم = خلك على نمك وعيبك .. على الجد

يامقطعين .. الوصل بالحكي والذم = مافاد فيكم طب وعلاج .. من جد

واللي نوانا بالردى .. يشرب اليم = وان كان ماكفاه .. الخمس بالخد

والا ترى فينا شموخ ٍ تولم = ماهزته بقعا ولا عمره انهد

شامخ شموخ النير والكل يعلم = لكن ريّح واسترح واترك الهد

مالك ومال اطوالها دامك الجم = مادام حنا فيه // لاتعاند السد

كم واحد ٍ روح وجرحه نزف دم = من رمحي // اللي مالقى بينكم ند

ياهيه .. خلّي ماتزعزع وتمتم = ولا حركه كثر الطواري وتردد

احبها حب ٍ من سنين ياعم؟ = وان كان تنشدني ... تراها ورى الحد

[عبدالرحمن بن عمير]

ياشرّد القيفان ماعنّك صده = دايم على فكري معانيك تجتاح

الشعر اصّدر نادراته وارده = اقولها واثق ولانيب مزاح

بحر الشعر يأتيك جزره ومده = مايسبحه ياهاجسي غير سباح

وانت الذي من قو باسك توده = عرمرمٍ فيضك من العز نضاح

اشيل برقع مفرداتك واهده = للصيد ماهدك على كل ملواااح

شاعر وليّه بالطواريق مده = دايم ورااااسي للجزيلات مفتاح

اليا هرج قافك عن الهرج سده = متوشح عزهـ على صدري وشاح

غضنفرٍ زااافر مع المجرهده = صمصام ساطي حاسمٍ كل صحصاح

يحّرم علّي الشعر لاجيت اعده = ان كان ما نال المثايل والامداح

وانت الذي تكرب عليك الأشده = يفدااااك منهو حزة الكايده طاح

وانا الذي ما ارتاح سيفي ونده = في ذمتي ما هتز نصفي ولا طاح

إني لامن قومٍ اذا جد جده = سم ٍ على كبد المعادين ذرنااااح

[عبدالرحمن بن عمير]

فتحت لك صدري من الجال للجال = واظهرت لك در ٍ من اللوول مكنوون

ماشافه الحاسد ولا مر عذال = مستوطن ٍ بين المغاليق مصيون

وحطيت لك عرش الصناديق منزال = عرش ٍ كساه النور من قلب .. مرهون

القلب قصرك .. مايجي فيه زلزال = حافظ لك اركونه من .. سهام وطعون

لو مالت سنينه ترى القلب ما مال = شامخ شموخ النير .. لعيون مفتون

واليوم جار الوقت والبعد لا زال = من منطلق واقع .. ومن جوف مغبون

يا آسري خلّك عن الفين رجال = إمهمته صعبه .. وللصعب دندون

حر ٍ تعلى فوق هامات وجبال = يكفخ مع طيوفك ولململك مزون

والله واللي مالك الكون بآ جال = إني على شوفك من الشوق مجنون

ويالجوهر الناريز لاتشكي الحال = اصبر على بلوااك وابليس ملعون

[عبدالرحمن بن عمير]

تركتني عايش على حلم ذكراك = ونور الامل في داخلي دوم مشتاق

طّول غيابك وانتظر شمس لقياك = تشرق علّي وتجّمع قلوب عشاق

ودي يميني تلتحف كف يمناك = ويبقى حنانك دنيتي كلها اشراق

راحت سنين العمر وانا اتحراك = اعد دورات الليالي ..بالاوراق

تعال.. طال البعد واقفت مطاياك = شفني قتيل العشق في ..نعش الاشواق

مالي ولالي غير شوفك.. ورجواك = مهما المشاعر بيننا تندب ,,افراق

القلب قصرك والحنايا حناياك = حصن ٍ حصين ٍ ماقدر// فيه بواق

لا .. والذي وزع بجسمك خلاياك = مافيه غيرك ساكن ٍ وسط الاعماق

ياعلها تبقى على الارض ماطاك = وياعل قلب ٍ مايحبك .. للأحراق

العمر كله ياهوى البال.. يفداك = ولاشفت زولك جو الاحباب لي ,, راق

[عبدالرحمن بن عمير]

لاتذرف الدمعه ولا تحرق الموق = جرح المشاعر ..للعواذل مطلي

سليت سيفك وانجرح كل معلوق = بعض الغلا يجرحك ..فيه التغلي

تجرح وتقسى والمشاعر لها طوق = جرح ٍ نشى وانساق له كل كلي

حافظ ودادك من هل الطيش والبوق = وارقى معه في عالي ٍ مستقلي

يبقى سنا ذكراه في خافقي فوق = حبِ ربى في داخلي ..وامتعلي

مانساه لو ان الزمن صار به عوق = ولانسى غرام ٍ كان يسقيه ..خلي

يأتيه من طيفه نسانيس ..معشوق = وتلملم اشواقه .. دموع ٍِ تهلي

واصحى على لهفة // ويقراني الشوق = والقى مع الاشواق جرح ٍ يتلي

دامح له الزله وانا //كلي اتوق = وتفيض من زود الغلا.. عبرة لي

ماكان فالعالم من الناس مخلوق = يأتي لخله .. شايل الجرح شلي ؟؟

[عبدالرحمن بن عمير]

للشمس نور وللكواكب مدارات = آيات ربي ماعليها اعتراضي

وانا من اللي شفت في خلقه آيات = واصبحت تايه في جميع الفياضي

ياليل جيتك من عنا الحب بسكات = عاشق وعشقي لاح برقه وناضي

ياشعر ,, لا دارت عليك المجرات = انثر لها شعر ٍ على الارض ياضي

يشوش راسي كل ماشفتها جات = تسحب خطاها غصب ماهو افتراضي

مزيونة ٍ غاضت جميع الجميلات = حتى العسل من ريق فمها يغاضي

هيهات ياكل المزايين هيهات = ان غاب يصعب من مكاني انتهاضي

في عينها راحت معارك وجولات = تاقف لجيش الروم دون الحياضي

وفي رمشها سلطه على سبع دولات = يخضع له الحجاج ميقن وراضي

وفي خدها برق ٍ له ايام مابات = اشتاق له قلـب المولع وهاضي

والخشم سيف ٍ من سيوف ٍ صقيلات = والمبسم الفتان حاكم وقاضي

والعنق يحكي كيف طول المسافات = ومتونها متغطرسات ٍ عراضي

في صدرها المركوز كم راحو اموات = يعلن نحرها لحظة الانقضاضي

والخصر تايه في عصور المجاعات = والردف يرعى في ربيع الرياضي

ابصم لها باصابعي عشر مرات = الزين كله عقبها هرج فاضي

[عبدالرحمن بن عمير]

ليلي قضيته صمت ومخاصم هروج= ومن التعب كني على الرجل حجاج



تلعبي الدنيا ويلعبي الموج= واثبت رغم كل العواصف والأمواج



مابغى اصير هروج في مجلس علوج= ولابغى علي يضحك حسودٍ وهراج



من خوف لايقولون الأصحاب مرجوج= اكبت هموم النفس درئاً للأحراج



ماتغبن الرجال لاجاته العوج= الغبن لا من صار للنذل محتاج



لاهنت ياراسي ولو يزعل الفوج =والله ماهينك لو وقف ضدي أفواج



الحق مثل الضلع ثابت ولايموج= يبطي على روس الشواهيد ماماج



الطيب قدمته ولاني بمحجوج= مرفوع راسي دايم ومطلق حجاج



وليّه مع اهل الطيب وقفه ومنتوج= حطيت فوق الأرض بصمات وابراج



يوم المهار تشد بلجام وسروج= فعلي مع اهل الفعل ظاهر وفجاج



واليوم صار العلم ماتك ومسموج= تلعبه الأرياح من فوق مزلاج



أثر العسل مع سم الأيام ممزوج= وبعض الدروب اقصاه يصبح تعوّاج



لو ارجع لحالي على الرجل وادوج= اخير من كوني مع الغير دواااااج

[عبدالرحمن بن عمير]

لليوم ... ذكرى خالده وسط الاعماق = تباشرت فيها جميع الخلايق

هديّة السبعه .. من السبع الأفاق = ساعاتها مرّت مرور الدقايق

كوكب بزغ .. يحرق سنا نجمه إحراق = تبخترّت فيه القيّم والحقايق

مولد فخر مولد كرم مولد اعراق = ميلاد .. زهره في عظيم الحدايق

طفولة ٍ فيها حوّت كل مالاق = والكون من ضحكاتها صار رايق

ذوق ٍ تمنى هيبته كل الاذواق = ولا ضاق ... لو الارض تالع حرايق

بنت الشيوخ .. اللي يفكون الاعناق = ماعاقهم عن فعلة الطيب عايق

تاريخهم .. يعجز عنه حبر الاوراق = أهل الصداره بالفعل والوثايق

مافيهم اللي فاللقى يركز الساق = يوفون .. لا عرّى الزمن كل بايق

في مدحهم .. كل الطواريق تنساق = وفي غير أهلها المدح ماهو بلايق

[عبدالرحمن بن عمير]

هات القلم وإكتب على الطرس ياخوك = من واهج ٍ يحرق خفايا حنيني

على الذي صيته مع الناس مشروك = (صـــدام) وأسمه معتلي الفرقديني

حاكم وله في قمة المجد داكوك = بصمة شرف تبقى لطول السنيني

في هيبته تخضع سلاطين وملوك = أقولها وأرفع بذكره جبيني

ومن لايعرف الحق يمشي على الشوك = ويشوف طعنات ٍ بجسمه تبيني

كل الخلايق وقّفو يوم قادوك = تنطق شهادة حق والحق دِيني

كشفت عن راسك ولا يوم غطوك = يوم الروافض جو متلثميني

وعساك تسكن جنة الخلد بصكوك = وتآخذ كتابك رافعه باليميني

صدام..وإكتب بآخر القاف ياخوك = من هو بعد صدام يحمى العريني؟

[عبدالرحمن بن عمير]

يالشيخة .. والله ودي اقول بيتين= واحترت مدري وش أسجل أنا لك



من شاف زينك ,, ضاع ماقال حرفين = شيخه.. وش تسوين في اللي قبالك



لو بوصفك مثل البنات المزايين = بلقى حروفي حايره في جمالك



شيخة فخر شيخة نسب شيخة الزين = وكل الصبايا تستحي من ظلالك



وأن عودت .. للقد والخد والعين = كل شي مميز طلته من خلالك



وفعلا تفوقتي من سنين وسنين = لأنك خذيتي الزين كله لحالك



الكنز .. ماهو بالذهب والملايين = الكنز .. كنز اللي يفوز وينالك



ماضن يالشيخة يجي مثلك اثنين = حتى القمر يمكن يشابه خيالك



انتي عروس الحسن والملح والزين= كن القمر خلى مكانه وجالك



الله يحفظك من عيون الحسودين = والناس تدعي كل ماجاء مجالك

[عبدالرحمن بن عمير]

اكتب جُمل في هذه الاثنائي = مٌعَبِّره من فكرتي وإنشائي

هجسي وراسي واكتمل ثالثهم = حرفٍ يفجِّر ثورة الاحشائي

ارقى ولا انظر حادرات الوادي = من الذينا حدّروا واللائي

حرفٍ جزيلٍ ماوجد نقّاده = يشوم عن مستنقع الاخطائي

ودّي بموضوعٍ يشوش براسي = من دون ذكر اشخاص والاسمائي

إنّي لِمن قومٍ سعوا للمجدي = من فوق نجم سهيل والجوزائي

سليل عزٍّ للعُلا يرتادوا = بلسم شفاءُ وللعليل الدائي

افعالنا تُذكر وعبرَ اجيالٍ = مثل الكرم شيمه في إسم الطائي

اقول.. لايمكن تشوف مطيري = يترك رفيقه يمشي الرمضائي!!

من دون قاصر في القبايل لله = كلّن وله حشمه بلا استثنائي

من عادتي ماحقر بشر لاوالله = احشم صدوقٍ لو مايجيب اطرائي

هذي تواقيعي وهذا ختمي = افادة اقوالي ووقع ادلائي

والعذر منكم في قصورٍ فيّه = المستمع ومشاهد وقرّائي

[عبدالرحمن بن عمير]

ياوجودي كل ما اذكرك ياظبي العدام = اتوجد وجد مااااله مع العالم شبيه

ليت قلبي مايعرف الموده والهيام = وليت عقلي قبل اعرفه مثل عقل السفيه

وش جنيت من الموده وسكرات الغرام = وش جنيت من المحبه سوى مالا ابيه

كل ماقلت البخت زارني والحظ قام = قال حظي لا تعّجل على شيٍِ تبيه

يادبي العز .. مني لسكانك سلام = اهل المعروف والجود والعلم الوجيه

لي حبيب يغار من نظرته بدر التمام = انتحى عني لكم والمقادير اتحديه

علموه اني بعد حبه اعلنت الصيام = وعلموه اني على درب ذكراه احتريه

وعلموه اني ليا اشتقت له زرت المنام = دام شوفه صعب يمكن ليا نمت التقيه

وعلمو قلبه ترى ذبحة المسلم حرام = وعلموه اني الى الآن تحت أمرت يديه

وعلموه اني اسير النواعس واللثام = وعلموه بحالتي ياعساي اطري عليه

وعلموه اني هجرة المجالس والكلام = وعلموه اني بروحي ومالي افتديه

يا أهل دبي الله انه لا يلحقني ملام = اشهد ان الصد ذوّب خفوقِ ذاب فيه

وان نساني بعد ذيك المواثيق العظام = الله يسامح خفوقه .. ويرحم والديه

ويا هل دبي الوصيه هي مسك الختام = بلغووووه اني على درب ذكراه احتريه

[عبدالرحمن بن عمير]

ياللي غرامك ثابت" في مكانه=مستوطن" مابين حدب الضلوعي

يضماك قلبٍ يرتوي من حنانه=اضما على شوفك وتضما سموعي

لي مدة" مالي مع الناس خانه=امشي مع العالم وقلبي جزوعي

علامة الجوده وختم الضمانه=ضمانها قلب" يعاند خضوعي

حبك بقلبي صار مثل الآمانه=وانا الوديع اللي تحدا الجموعي

اروي عطشها من منابع كيانه=طال الهجر والعين تنزف دموعي

عليك ياقلب" نساني زمانه=ترك لي الفرقا وجرح "يلوعي

اقفى وانا من صدته في إدانه=اجمع وارتب مابقالي رجوعي

عزاه ياحب".. رسمنا بيانه=وعزاه ياقلب",, خشع من خشوعي

لو الغلا يشرى دفعنا رهانه=لو كان يجبرني على حب كوعي

لكن خذها كلمة" من لسانه=دنياك ياخلي تراها فجوعي

تبي الحقيقه مارضيت الاهانه=من راح يرجع ياغناتي قنوعي

[عبدالرحمن بن عمير]

تو ماهدا فكري وريحت بالي = تو ماشعرت اني مع الناس موجود



يومٍ عرفتك يابعد كل غالي = عقبك وانا كني لي ايام مولود



ياتاج راسي والغلا ياحلاالي = العمر دونك ياهوى البال محدود



شف كيف كان اول وهالحين حالي = حالي عقب طرياك يازين في زود



ياشيخة الشيخات ياراس مالي = ياريحة العنبر مع المسك والعود



قبلك وانا قلبي عن الحب سالي = والنبض في قلبي بلاك انت مفقود



واليوم منك ياشبيه الغزالي = صارت حياتي كلها حب وعهود



تو ي لقيت الحب وارتاح بالي = توي شعرت اني مع الناس موجود

[عبدالرحمن بن عمير]

للشمس ياليل الثنا معك ميعاد = نور القمر كاتبك ونجومه شهود

صبري نفذ ياليل ياستر الأجواد = أطلق عنان الشعر بعيونك السود

ان كانها بعنــاد انا كلي عناد = وأن كانها بالطيب حنا هل الزود

ماكل مدحِ ..لا.. بغيناه.. ينقاد = الا .. لا .. صار المدح في هامة الجود

تاريخكم يجبر فكر كل قصّاد = على المديح ..ومدح الأبطال محمود

أمجادهم من عصر نوح وعصر عاد = وتمجيدهم في كل مخلوق موجود

بنت الفخر نسل الثنا رمز الأمجاد = بنت الذي سيفه على العز مجرود

رمز الشرف بنت الترف عز الأجداد = ياعون راسِ من عنا الوقت مضهود

يافخر .. حوى.. يابعد كل من جاد = كل المدح لك مال عنقود عنقود

كل العذارى غيرها ... صفة أعداد = وتبقى فخر .. للطفل .. والرجل .. والعود

[عبدالرحمن بن عمير]

عداك ياعطر الشعر كل عيبه = الشك في مثلك جحود وتجنّي



أنت الدوا للقاف وأنته طبيبه = وانت الذي بالغصب طيبك سكنّي



لارحم ابوه ورحم جده وصيبه = قافن لاجا طاريك مايرجهنّي



صعب القوافي لابغيته تجيبه = كل القوافي لاجلك انته تحنّي



فيك المشاعر كلبوها عجيبه = اللي لفن واللي من اول مضنّي



كل الشعر عداك نقصه وعيبه = والشك في شخصك جحود وتجنّي

[عبدالرحمن بن عمير]

افتح جهازك حبيبي باخذ علومك = ملّيت اطقطق على الكيبورد وحداني

يالله عسى يومي الغالي قبل يومك = وألا عساني معك في عالمِ ثاني

اجلس معك وانقل همومي مع همومك = واشرّبك من غلاتك دم شرياني

الوم انا الوقت قلي كيف آبالومك = حسبي على الوقت كانه عنّك اقصاني

حنيت للماضي اللي فيه محرومك = كان يتغلا على القاصين والداني

ان قاله الله لطيّر بالشعر نومك = ووّصفك وصف شفقانٍ لشفقاني

اغار من عطرك وردك ويشمومك = والمبسم اللي كما خاتم سليماني

واغار من ساعتك واحقد على هدومك = هافي حشى ظامرٍ والردف ملياني

ياناعس الطرف طرفي يشكي سهومك = تعال شف رمش عينك وين وداني

لاجيت ابا انام كثرت حولي حلومك = اودّع الحلم الاول يأتي الثاني

واتوووه لامن صدرلي خط مرسومك = تقول ( شو بدك ) آمرني وتنهاني

واقول ريّح وأنا شفّك ومقسومك = لو تطلب القلب جيتك يالغلا عاني

مفهومي بحبّك يوافق لمفهومك = أهواك وأدري بأنك حيل تهواني

ولا صرت محبوب كل الناس مالومك = من شاف زولك يغني عذب الالحاني

يكون في بالك وفكرك ومعلومك = أنه فلا غيرك احدٍ مالي أعياني

ياكثر منهو بشعره ودّه يسومك = لكن بدررري مدامه ينطق لساني

[عبدالرحمن بن عمير]

لاتذرف دمعةٍ تجرح خدودك = أخاف الدمع يزّعل كحل سودك

تصبّر يابعد روحي تصبّر = على وقتٍ خذاني عن حدودك

تموت قلوب حسّادي وتفنا = ونصمد رغم عاذلّك وحسودك

على قولة عربنا ( ماعلينا ) = نسوق الموت لابارت جنودك

وانا ماني بطماعٍ لك الله = ولكن جود مدك من وجودك

انا اللي اعشقك حد الثماله = اعشقك لو تمادى في صدودك

احبك حب ماحبّوه قبلي = كثر مالقلب ذايب في برودك

وانا اللي كل عرقٍ فيّ ينبض = بحبك يابعد صفة جدودك

[عبدالرحمن بن عمير]

بسم الله اكبر على قلبي من همومي = إستوطنت واحرمت عيني من أحلامي

أحيان من كثر أنا ماني بمحرومي = عن الملذات أفكر أعلن صيامي

لا الناس تفزع ولا يدين البخت تومي = الله يصبر على حمل الشقا عظامي

والله لا لا عزتي والنفس وسلومي = لا الهم همي ولا الهندام هندامي

تعبت أنا من كثر ما أطيح وأقومي = إليا متى يالبخت تجريحك الدامي

ماباقي الا يبلل دمعي كمومي = "الهم خلفي وجيش الفقر قدامي"

يالله ياللي تذل الفرس والرومي = تفرج لقلبٍ شكى من جور الايامي

مليت صبري وملة صبري عزومي = إليا متى عايشٍ في غبة اوهامي

يادمع يكفي وياعين الشقي نومي = والله لا اصبر مادام "العزه احزامي "

فضفضت عني حسب عرفي ومفهومي = والحمد اللي بسر الخلق علامي

[عبدالرحمن بن عمير]

لابوك حبٍ كواني كيّ = ولا بو حنانك وتحنانك



دمحت عنك الخطا والسيّ = وعزيّت نفسي عن اجنانك



ماعاد تسوى بعيوني شيّ = لو دقّت طبول شيطانك



شربت كاسٍ رواني ريّ = وأعلنت للخلق حرمانك



أقسم بربي ورب الحيّ = ماهين نفسي على شانك



أشرب ضمى من ضماه الميّ = لين أمحلت منه ريضانك



أرحل وبطوي غرامك طيّ = وأزلج عن الود بيبانك



أبشر بهمٍ تربى فيّ = ويضيق به واسع بطانك



ريّح ركابك وهرجي زيّ = ثورت براكين شريانك



ولابوك حبٍ غرامه نيّ = ( ماجاد ) من زود نيرانك

[عبدالرحمن بن عمير]

لا لا ماعاد فيكم يالعواذل حسوفه = شبت النار تاخذ من ضلوعي حطبها

من سببكم غدا العاشق يصفق كفوفه = حسبي الله على اللي زاد فيني لهبها

جعل من لامني نور الضحى مايشوفه = يقضي العمر وعيونه تزايم سببها

والله أني لسوق النفس لو هي كلوفه = وآتعلا دروب الكايده مع صعبها

صاحبي لا وقف يازين حتى وقوفه = وقفة الفارس اللي غزوته قد كسبها

لو رسمته تضيع المحبره في طيوفه = ولو كتبته قصيده عاذلي مالعبها

من ورايه رماح وقدم عيني سيوفه = ويل حالي عيونه يوم ترخي هدبها

ليل غدرا جديله يوم غطى كتوفه = وشمس خدّه حبيبي لثمته ماحجبها

والبلا في عيونٍ ماتعرف المروفه = فوق عينه هلالٍ يعجبك من عجبها

والهدب لانظرته يبهرك في وصوفه = وأحمدالله روحي يوم حبّه وهبها

باتبسّم ونفسي بغير وصله عيوفه = والمحبه بجوفي والله اللي كتبها

قلت ماعاد فيكم يالعواذل حسوفه = خلوا النار تاخذ من ضلوعي حطبها

[عبدالرحمن بن عمير]

لابوك حبٍ مايجي فيه تقدير=ولا بو غرامٍ ينتهي في ثواني

عليت شانك لين حد المشاهير=لين اصبح اسمك بين قاصي وداني

لاتحسبني بنكر الحب تنكير=اغليت حبك لين عشقك خذاني

والحب مثل النفط يحتاج تكرير=لابد يصفي من شوايب زماني

حبك خيانه مايبي فك تشفير=خنت الامانه والعهد يا أناني

اسقيتني مرك بشين التدابير=اكبر مصيبه تنكتب في كياني

لاتذرف الدمعه علشان تبرير=اقُسم بربي ماتثنى بثاني

حل الفراق وموقعك جمة البير=لا عاد ترجي حب ولا حناني

ياصاحبي روّح ودور على الغير=ارحل ودور في ضياعك اماني

لكن خذها كاش من دون تفكير=لا بو غرامك دام ينزل طماني

وانا اببقى في شموخي كما النير=ماهزني ريح الزمن لو عصاني

[عبدالرحمن بن عمير]

من غيرك اللي يمسح دموع اليتيم = ستر الثكالا فالديار وعونها

ياخادم الكعبه وزمزم والحطيم = ياهيبة ٍ كل البشر من دونها

ماكن ربي خالق ٍ غيرك زعيم = هابتك قبل إنس البلاد جنونها

ماتلفظ من القول يسكن فالصميم = وافعالك أعداء القيم يطرونها

مالك شبيه الا الصراط المستقيم = ياهامة اصحاب الذمم وامتونها

رحم ٍ ماينجب مثل (ابو متعب) عقيم = المملكه ليلى وهو مجنونها

عليتّها لينٍ ثراها صار غيم = ولدّت لسادات النجوم عيونها

وساد الأمن دار المواطن والمقيم = وانهارت الفتنه على فرعونها

وللعز يادولة هل ألراي الحكيم = يادولة ٍ شرع ألولي قانونها

واللي عطاناها عطى دار النعيم = والله يخليها لنا ويصونهااا

[عبدالرحمن بن عمير]

ثلاث لامن جات في رجل لو يوم = ملك زمام الكون عرضه وطوله



حمدان وبن محمد وآل مكتوم = ماظنّ بعده فخر نقدر نقوله



في حضرته عذر القمر كان معزوم = عنده وشاف الطيب درّه ولوله



منزّه(ن) عن كلّ ناقص ومذموم = وله مع الابطال صوله وجوله



بسوق المراجل عشت وتبيع وتسوم = على الوفاء منشاك ماهيب سوله



ياشيخ وحروفي وفت مابها زوم = واسمك كبير(ن) والقصيده خجوله



كلمة وفاء ماهي سواليف وعلوم = اقوال حقّ(ن) والمواقف صموله



الشعر الآخر كوم وفــ / حضرتك كوم = قبلك احسّ الفكر ماشبع فضوله



لاصرت ماكتب لاجل فزّاع واقوم = وش فايدة عمري وحرفه وقوله

[عبدالرحمن بن عمير]

بسم الله ابدا بشعري والله البادي = ولعيونها صغت من عذبات الألحاني



كتبت شعري بحبٍ يكتب امجادي = ابيات شعرٍ تروّي كبد ظمياني



العشق في خافقي كل يوم يزدادي = للصاحب اللي خفوقي فيه هيماني



ابوصف اللي سلب عقلي مع فوادي = واصبحت مثل السفينه دون رباني



روّح بقلبي ولا به عنه نشادي = قلبي بيدّه كما خاتم سليماني



عيونها عين حرٍ بالسماء سادي = اضيع بعيونها والموت بي داني



واليا نظرت الهدب ابطلب الهادي = سبحان من صورك ياسود الاعياني



والخد بستان فل ونرجس وكادي = ريح الخزامى يعطّر وجهها الحاني



هذاك لاشفت زوله خلفه انقادي = يتل قلبي من اقصى حد شرياني



والموت في جادله لاجاك متهادي = ماكنه الا سواد الليل لاجااني



اموت واحيا بشوفة غض الانهادي = فيه الحلا والشهد والجسم روياني

[عبدالرحمن بن عمير]

في عينك اليمنى مكاتيب واشعار = والثانيه فيها قلوب الاناما

في ذمتي ماشفت مثلك بالاقطار = ياشهر زاد الوقت عذب الكلاما

يا(جوهره) يا(در) يا(قوت)( محار) = ياريحة العنبر وريح الخزاما

في وصفها غطت على كل الامهار = ومن حسنها كل(ن) رمى للثاما

وفي صوتها تسمع موسيقه وقيثار = الحان (بت هوفن) جعلها مقاما

ظني حبال الصوت خلقت من اوتار = اليا هرج لحظه عن( الفين عاما)

[عبدالرحمن بن عمير]

ماكن غيرك على سطح البسيطه يسير = سمّوت حتى غديت لكل الأمه مزار

صمتك بذاته .. بيان .. وصوت شخصك زئير = وغيرك ولو طال صوته .. طال عمرك ..خوار

لو هيبة الرجل تجعل من يشوفه يطير = في ذمتي كل من شافك ..تبخر وطار

بالمختصر كل ما أستصعب امامك يصير = يا أسطورة الجود كله في قبايل نزار

لو إن به شخص غيرك في صفاتك خشير = ماعاد .. للهم فقلوب الاوادم ديار

قلته وكلّي فخر..مثل ماتفخر مطير = بأنك أحد رووسها يانسل راس الحرار

لك تنحني هامة الامجاد يابن شقير = مثلك لنا عن ظروف الوقت ..درع وجدار

إسترسل القاف وأنها قافه إبن عمير = وعن الكلام المطوّل يحمد الاختصار

[عبدالرحمن بن عمير]

روحي فمان الله يابنت الأجواد = روحي مراح مقيط في ساقة رشاه
لاتحسبني جيت للعشق .. وراّد = درب ٍ مشيته نعنبو جد ,,ملفاه
درب ٍ يذل الروس ,, ماذل جحّاد = اقفى عن دروبك وعقلك بنا.. تاه
ماتدري إني جيت لعيونك عناد = شاعر وشعري جاب قلـبك من اقصاه
سطّرلك امجاد ٍ على روس الأشهاد = تبقى دفينه ,, يالعروق المّثناه
علّيت شانك لين صارت لك امجاد = وكل ٍ يبي مجدك ..على راس شلفاه
مادام راسي حي وعيوني احداد = تبقى عروشي فوق عرشك ..مبنّاه
وماكل شيخ ٍ بالهوا صار ينقاد = ياطى على العليا ويضرب بيمناه
ويعز مجده لاذكر فخر الأجداد = ويبقى عزيز النفس ,, ذخرٍ لمجناه
ياهيه روّح جعل يومك .. ماينعاد = جعلك مهف مقيط في ساقة رشاه

[عبدالرحمن بن عمير]

إن كان تبغاني ترى خافقي حي = حافظ لك بصدره ودايع قديمه
ماخان عهدك والوفا باقي ٍ في = ومازال فيني دام بالقلب شيمه
تأخذني العزه على راحة يدي = وأطرد عن الخافق وجيهٍ سقيمه
وابقى انا والليل والثالث الضي = في عالي ٍ مافيه هرج ونميمه
وافتح من الصفحات وجروحها لي = والقى على الصفحه رسوم العديمه
قلب وسهم والسهم بالقلب يكوي = والدم رشاته من الوبل ديمه
غيثٍ يبل عروق محتاج له ري = وآثر العروق اليابسه مستهيمه
ذابلة ٍ غصوني وانا صاير ٍ زي = مجنون ليلى والسنين الأليمه
اخذ المهم وكلمة الصدق من في = مامات حبك دام للحب قيمه
فإن كان تبغاني فأنا جيت لـ دبي = آتيك كلي والنوايا سليمه

[عبدالرحمن بن عمير]

لاصرت بايعني وانا فيك مفتون = وش فايدة دنياك من بعد فرقاي
كلي أندفع لك غصب .. وابليس ملعون = بس ! المهم اني عزفتك على الناي
جيتك فرح جيتك ولع جيتك امون = جيتك وانا دنياي ماهي بدنياي
سقت القدم قدمك ولاني بمجنون = لكن في راسي طناخه ياليّلاي
هزمت قبلك جيش كسرى وفرعون = وبعد النصر نلت المعزه بيمناي
وشيدت لك قصرٍ من الدر مكنون = ماطاله اللي يرتجي مدة إيداي
اقسم قسم يامن فتني بهالكون = إني لسوق الدم واجلب لك إعداي
واجمع جماجمهم وتبقى لنا حصون = واقلط على موتي وانا صامل الراي
ماتدري إن القلب عاشق ومفتون = وماتدري ان العشق ليلي ومسراي
تبغى الحقيقه مابقى شي مدفون = تبطي ولا تعرف وش اخر نواياي
جيتك وانا في تالي الوقت مطعون = اليا متى مشتااق لك واتبع اهواي
جبت القوافي فيك والناس يقرون = تسمع صدى صوتي وتطرب على غناي
ليت الهموم ,, هموم عاشق ومرهون = وليت البلا كله من جروحك وجاي
مير البلا لا صارو الناس يدرون = وانا عليك اضرب يميني بيسراي
ترى الجمل لاطاح ميت ومغبون = تكثر سكاكينه وانا اقول لولاي
اغليك لاشفت العواذيل يحكون = عني .. وانا ابديلك هموم شكواي
وان حلّت الفرقى على مايقولون = إن قلت بيباي اقوللك بيباااي

[عبدالرحمن بن عمير]

يامعجزه .. هزت قلوب الرياجيل = قااام الغلا يصفق من الجال للجال
مبطي مامر القلب برق المخاييل = لين أمطرت فالقلب واستمطر وسال
أنا قتيل الرمش ماعاد بي حيل = خلوووني .. اكتب في هوا الريم الأمثال
لحظة لقاها ,, يلعب الجدي لسهيل = وأجزل قصيدي يبتديبي على الحال
عن حسنها القتال لو قيل ماقيل = ماظن يوصفها كلام ٍ وينقال
ياليل لو نسهر ليا الصبح ياليل = في وصفها ما اوفيت لو ربع مكيال
ان كانو اهل الحب (قوم ٍ مهابيل) = تراني اولهم ,, وانا اكثرهم هبال
فوق الهبال جنون عشق ومواويل = لاشفت ذاااااك الحسن جريت ,, موال

[عبدالرحمن بن عمير]

اشهد ان القصايد لأجل عينك تحنّي = واشهد ان القوافي نابعه من سلاحي
واشهد ان العواذل في حضورك تجنّي = باهيه في جمالك مثل نور الصباحي
ومن يناظر عيونك ابتعد وامتحنّي = فاتنه في عيونك والبشر في صياحي
ياجميله جمالك سالب العقل منّي = العسل من صفاتك والعطر منك فاحي
جادل(ن) ساقني للموت ساعة فتنّي = مرهفه ياخجوله والعنا من وشاحي
حالتك مثل حالي والشقا ممتحنّي = وحبنا مثل طيرٍ من كسربه جناحي
هايم(ن) في هيامك والليالي جفنّي = ويل قلب المولع دوم سده يباحي

[عبدالرحمن بن عمير]

الله ..كريم ولاعليـه ..استحـالا = ياللي عشانك نحت أنا نوحة الـورق
سبحان من هـو كمّلـك بالجمـالا = يالجادل اللي سارقٍ خافقـي سـرق
من شاف حسنك قال ..وصفك خيالا = صليت بالمسلم على ..وجهة الشرق
انتي لحالك والعذارى ..لحالا = بينك وبين مضمرات الخصر.. فرق
تعبت من (بعدين , مدري , ولالا) = وش حيلتي والقلب في حبكم غرق
أجر طاروقي وأغني.. يالالا = أصرّف القيفان وأبني على الطرق
يانجمة ٍ بين الكواكب.. تلالا = ويا برق ٍ اليا ناض غطى على البرق
لا..شفت زولك قلت.. بدر الكمالا = أضيع بين الناس وآضيع الطرْق
ولا..شفت عنقك قلت عنق الغزالا = يجلي هموم ٍ بالحشا كلها.. حرق
ولا.. شفت خدك صار فّيّ اختلالا = كنك تقود الشمس من مطلع الشرق
ولا.. ذقت ريقك قلت مي ٍ.. زلالا = تروي ضما العطشان من مارد ٍ غرق
وفي رمشتك تطلق علّي النبالا = سهم المنايا مايجي دونه الدرق
سبحان من سواك جل وتعالى = من كل وصف ٍ للحسن حط بك ..عرق
أنا تليتك والليالي ..تتالا = شح الزمن وأختلطت البيض بالزرق
ياهمـلالا .. صـدق .. ياهمـلالا = احرقت قلبي بالجفا يالغضي .. حرق
ياليت من هو ياخـذك .. بالحـلالا = على النقـا مايزرقـك باللقـا زرق

[عبدالرحمن بن عمير]

بالشعر مدحك فرض ... وأعراضي عن أفعالك كفر = وجهة نظر مؤمن بها طول الليالي ماحييت
وكان الفعل له مهدي .. انت المهدي اللي ينتظر = كبرت حتى ذاع صيتك فالبسيطه كمبليت
يالصارم البتار ياوجه البشاير والنصر = بديت قبلك وانتهيت ,, ومن بعد شوفك بديت
من غيرك اللي يستحق المدح واصناف الفخر = خالقك ربي ,, غيث كم أرويت من ناس وسقيت
خالد ولد عبدالعزيز اللي ليا منه شهر = فعله مثل فعل أنفجار القنبله والدناميت
المدح مهما طال يبقى فيك يالشامخ بكر = واللي بغيرك من مدح كنه بشخصك بيت بيت

[عبدالرحمن بن عمير]

السلام عليكم ورحمة الله وبركاته





أحبتي فرسان وزوار منتديات ملوك الشعر



أقدم لك هذه القصيده وهي مهداه الى معالي الشيخ



( خالد بن عبدالعزيز التويجري )



( رئيس الديوان الملكي )





لكم ما اردت ان اقوله



تصهل خيول الشعر ..من فكر واحساس = ويصنف الهاجس .. جزيل المعاني

اسرج له الطاروق ..وتزيد الانفاس = واطلق عنان الشعر .. واسرج حصاني

واحكم قوافيها على .. قب الافراس = ويلاعب المعنى .. سهيل اليماني

شاعر ولي في قمة الشعر .. مجلاس = واطوع الصعبه .. بسحر البياني

واصدح بشعر المدح .. من دون مقياس = واختار من جزل القصيد .. السماني

وارفع مقام الشعر .. عن حنة الياس = بالصف الاول .. كان به صف ثاني

وشاش المطيري .. والمخاليق نعاس = قصده يترجم مالجا .. بالمحاني

ابيات شعر ٍ صاغها فوق ..قرطاس = ونقى بيوته عن .. هيال وطماني

في مدح من صيته .. جلا كل الاعماس = بالطيب اللي نوض برقه .. دعاني

خالد ولد عبدالعزيز .. اصعب الراس = مضرب مثل لأهل .. الوفا والتفاني

مثله مع اهل الطيب .. قمه ونبراس = شيخ ٍ ولد شيخ ٍ .. عريب المجاني

نار ٍ تلظى لعالم ٍ .. تضرس اضراس = ويقول ذا وقتي .. وهذا زماني

حلحيل صاطي .. بالمواقيف مقباس = ريف الضعيف .. وحاتمي اليماني

ليث ٍِ قوي عزوم .. لادقت اجراس = كنه المنايا .. لاقسى الوقت باني

في يده اليمنى .. جيوش ٍ وحراس = وفي يده اليسرى .. عنان الحصاني

صمصام صارم .. فالميادين قرناس = تفخر به .. اجيال .. وربوع .. وعواني

هتان ياهداج .. يامعرب الساس = ياليعربي .. ياللي وفاك اكتساني

شوفك شفى .. ومصافحك منوة الناس = واشفق على شوفك .. بوقت ٍ هجاني

وتستاهل التمجيد .. والمدح نبراس = ولك جل تقديري ..وكل امتناني

والعيد ..قرّب وانبلج كل عرماس = وارفع لك ايات .. الفرح والتهاني

[عبدالرحمن بن عمير]

إن كان تبغاني ترى .. خافقي حي = حافظ لك بصدره .. ودايع قديمه
ماخان عهدك والوفا .. باقي ٍ في = ومازال فيني ,, دام بالقلب شيمه
تأخذني العزه ,, على راحة يدي = وأطرد عن الخافق // وجيهٍ سقيمه
وابقى انا والليل والثالث الضي = في عالي ٍ مافيه .. هرج ونميمه
وافتح من الصفحات وجروحها لي = والقى على الصفحه رسوم العديمه
ذكرى تهز جبال // والقلب به كي = والدم رشاته من الوبل .. ديمه
غيثٍ يبل عروق محتاج له .. ري = وآثر العروق اليابسه ,, مستهيمه
ذابلة ٍ غصوني وانا صاير ٍ زي = مجنون ليلى .. والسنين الأليمه
اخذ المهم وكلمة الصدق من في = مامات حبك دام للحب قيمه
فإن كان تبغاني فأنا جيت لـ دبي = آتيك كلي والنوايا سليمه

[عبدالرحمن بن عمير]

ياواقع ٍ مره ,, تعدى الغمامه = شلّع بقلبي مثل مايشلع الطير
احرمت قلبي لذته وإنسجامه = شتت فكري وانعدم فيه .. تفكير؟

[عبدالرحمن بن عمير]

يلعنك ؟ يالشيطان مليون لعنه = أغويت من آمة محمد ملاييين

[عبدالرحمن بن عمير]

عانيت من صدك وبعدك وهجرانك = يالين ذقت العذاب اشكال والواني
الصد .. بحرك وموجه صار طوفانك = وانا الضحيه بوسط الموج غرقاني
والبعد .. عذب مشاعر واحد ٍ صانك = وآسرفت فالبعد والخفاق ينخاني
والهجر .. يحرق بناره كل خلانك = واصبحت من ضمنهم مير الله انجاني ؟

[عبدالرحمن بن عمير]

ياماخذ ٍ قلبي كفاك الله عيون = يكفيك شر الناس قاصي وداني
نهبت عقلي واصبح القلب مفتون = وانا آسيرك دام سهمك رماني

[عبدالرحمن بن عمير]

لايشره العاقل على طيش عذال = كم عاذل ٍ ..عينه جفاها المنامي

بينه وبين الذات .. تحقيق الآمال = يجبر عزى نفسه // بصدق الكلامي

ياقلب لاتشره على فعلة انذال = كم عاذل ٍ قطّع بحور إنسجامي

واليوم ضاق الكون في .. عين رجاّل = حتى نفذ صبره ... وسل الحسامي

ياقلب لك باسك ولك مضرب أمثال = ويصعب على مثله .. بلوغ إنهزامي

تدري وش اللي يقهرك وانت تختال = لاصار جرحك بين الأضلاع .. دامي ؟

ياقلب بعض الشوق.. يقتل له رجال = وبعض العرب .. شوقه تعدى الغمامي

دخلت باب الحب من .. طيش وهبال = وقامت تحكّم بي ,, دروب الغرامي

خذلك مثل واضرب على مثله احوال = العشق ’’’ ياردبك حياض الهيامي

عانت من صده .. وانا منه مهتال = خمسة اعوام ٍ // كلبوها حيامي

وبعد السنين اللي سناها .. كوى اجيال = يمرها طيفي .. مرور الكرامي

جتني تقدم لي من الوصل فنجال = وتقول .. لايلحقك شك وملامي

وحاسبتها .... من واهج ٍ زلزل جبال = قصورها في القلب راحت ... هدامي !

(أخطت) على اللي منتظر لحظة وصال = واعطيتها وقتي وجل إهتمامي

قلت انتظر واصبر على اشهب اللال = وعذرك جرح قلبي وشل العظامي

غابو خلايق ... وانت دايم على البال = نسيتني .. ربعي وكل العمامي

تبغى الصراحه من لساني على الحال = منساك لو انك ... بعيد المرامي ؟