هذيان على أرصفة الهوى

[سالم السويلمي]

ليلة البارحه

كنت اجبن مما كنت اتخيل

لم اكن اعلم انني سأهرب من تلك اللحظات

ربما كان معي حقي في هذا

فهي كل شي

فغيابها غياب كل شي

كنت جباناً في وداعك

ولكني سأكون اقوى الرجال حينما تعودين


من عيوني هاك مجداف السهر = وابحريبه من ورى شط الوداع
ماقويت اوادعك بالمختصر = ثاملن حزة وداعك للنخاع
اتركيني لاضرار ولا ضرر = سافري بسكات واشواقي شراع
والبسي ذكراي فترات السفر = وانظريني في دجا ليلك شعاع
والا انا عشرين يومن بحتظر = بالرجا والخوف عايش في صراع
بنتظرك وبنتظرك وبنتظر = ماسوى موطاك له بالارض داع
وش حياةٍ لاورود ولا زهر = في سهلها ماتجول الا الضباع
ياعديل الذات واشواقي نهر = بقتحم باحساس غيبتك الضياع

[سالم السويلمي]

الدمع حراق يالمحبوبه وجارف = والوقت في كسرتي مع غيبتك يطمع
انازع الروح بغيابك وانا عارف = ان الوفا فيك لايحصى لا يجمع

[سالم السويلمي]

اصحا يانايم ترى حل الوداع = صار لك سهل الفراق المستحيل
خوف قلبي بعد طول الانقطاع = سيف ياسن ينحر الصبر الطويل
واعزم الابحار في بحر الضياع = عقبكم مالي انا غير الرحيل
وابحر واكتب على ذاك الشراع = مابقالي فوق ارض الله خليل

مابقالي فوق ارض الله خليل

[سالم السويلمي]

هي كذا وشلون ؟ مدري !! هي كذا = لاتقول ولا تعيد ولاتزيد
كل ما في الامر مجنونك هَذا = وحام سرب اسراركم من دون قيد
طيفك اللي من خيالاتي غَذا = جاني البارح وانا جالس وحيد
قال طافي ؟؟ قلت له طيب واذا ؟ = وش توقع مني ووصلك يبيد
طحت به واثملني بريح الشذا = لين حس بنبض قلبي والوريد
قال قلبك !! قلت وينه ؟ قال ذا !! = قلت قلبي عن قفص صدري بعيد

[سالم السويلمي]

من هنا رافقت حزني

وضاقت الدنيا علي

بين ربعي وآهلي

ليه غابت

وسكّرتها ليه ذابت

وارتويت من العطش

والحزن فيني بطش

شاحبٍ وجه الليالي ... والعمر

ومابقى بالعمر غالي .. ماخطر

كلهم بعدك فتات .. لا مشاعر لاحياه ... ذكريات

الورود البيض من غبت اذبلت

ونفسي الوجلی من الفرقا اثملت

وعوّد الحزن القديم

وقال ماغيرك نديم

ابتديتك وانتهيتك حلم ... لامنّه تحقق

ظلم !!


لايمكن اصدق

وين غبت .. وكيف غبت .. وكيف اناجالس وحيد

مابقى شي ٍ جديد

غير فرقاك العبوسه

وسطوة الحزن الاكيد

[سالم السويلمي]

الفراق اللي يشّل اعضائي = اسدل اشراعه وعم ارجائي
اتصبر واعتزي في روحي = واعرف انه وضع ٍ استثنائي
بالامل حاير وهو بي حاير = بين تدميري وبين انشائي
من يصبرني وانا كيف اصبر = والغياب يبعثر ب/أشلائي

[سالم السويلمي]

كل مابشكي همومي .. علني القى مجيب = صرت اشوف الكون كله ارض مافيها احد

[سالم السويلمي]

كلمتني في سفرها وابتديت = انهض بجثة غرامن باليه
في ثنايا صوتها حالي لقيت = بعد نيران الضياع الصاليه
صوتها يمسح دموعي لابكيت = وا فديت الصوت صوت الغاليه

[سالم السويلمي]

من اعطاها الحق

بلم الاكسجين في حقيبة سفرها !!

سأحتظر الى حين عودتك


وسأمكث هنا


لأصارع امواج غيابك الهائجه


وكان الله في عوني

[سالم السويلمي]

يالكاتبه شاعرك مبهور = نورك موالف على نوره
انتي وانا كم لعبنا دور = جمهور جمهور جمهوره
لاصار تقرين لي منصور = ولا صار انا اقراك منصوره
لايشغلك عن قلمك العُور = اللي تشوف الهرم كوره
ماقد دعيتك لقاع اوعُور = مار النظر غرته صوره
والمِيت لو يلهم الكافور = طلّع ملهّمه من طوره
من كثر تكريرنا للشور = صار الحكي شبه نافوره
القاع تشكي لهم من بور = والناس بالـ/غي مخموره
والثور لوهو حرثّها ثور = وشلون نمشي على شوره
مابين هدم وعمار السور = طاحت على القاع معموره

[سالم السويلمي]

شحب وجه الظلام وبعّثَرت روحي عليه اسرار = وعجّت بين جدران الظلام الموحش اصواتي
قحط ليل ٍ قرع كاسه ظلامه مقبرة سمّار = قحط صبح ٍ ضوى ضوه وشع وشتت اشتاتي
يضيق البوح في حظرة وداعك والدموع اعذار = وتغنمني سباع الحزن في ساحة معاناتي
معي قلب ٍ قبل حزة وداعك يالغرام انهار = ذهله الموقف الموحش وخبّاني بسكراتي
جبنت ولا جبنت الا من اوداع الغرام الحار = تبدد عزمي وحزمي وضاع من الجسد ذاتي
ذبل روض الورود البيض ياستار ياستار = وثار من الامل صوتٍ تبدد في مسافاتي
تفائلت بورودك لي ولكن صار بي ماصار = وعاود حوت يونس والتهم اغلا طموحاتي
غيابك وَطـّ/ن همومي بصدري والحنين امطار = على بور الفياض اللي سمومه تِيبس اشفاتي

[سالم السويلمي]

عمري نزف ... في غيابك وابتليت
حزني عزف ... لي غيابك وانكويت

وين .. وين

راحت حياتي في قفاك
هايمه تتبع خطاك



وانا وحيد .. في ليلتي


اسرح واجيك .... واوصي القمراء عليك


وجروحي ... ياروحي ....

طفت على صدري الشموع ..... تنزف من اغيابك شعر
والخد غرّقه الـــــــــــــدموع .... والسطر غرقه الـــــحبر


لم الشراع

مابقى باليم ريح
والزمن طبعه شحيح

ببقى ابيح ... بين النجوم

وابعثر غيابك عبث

[سالم السويلمي]

غيابك يجرح عروق المشاعر لين تنزف شوق
.................... يداعب وجنة اللي الكأيب وتذبل ازهاري


انتظرتك وانتظاري ملني

[سالم السويلمي]

هذي دموعي للغلا تظرب امثال
.................. لو غيبتك تطلب للاشواق برهان

[سالم السويلمي]

غيبي وانا لك بالوصل والقطاعه
.............. لمحه من طيوفك تساوي ملايين

[سالم السويلمي]

كلما استنشقت هواءً ملوثاً بالخيانه

نتيجة لأتساع ثقب الذمم

اعلم انني على سطح الارض

فتُقرع اجراس الخطر

وتطفئ الانوار

واحتظر ...

نعم احتظر ...

فالقادم اسواء

والماضي اسواء

والحاظر صدمات

صدمات تخل توازني

وافقد السيطره

واغرق في اليأس

وينتشل جثماني الخيال ...


الخيال ؟؟؟

ما اسهل هذا العالم

فيه كل ما اتمناه

لا مستحيلات

لا خطوط حمراء

كل ما في الامر

كن / فيكون

ما اسهلها من حياة

انها حياة الجبناء


فقد عشت بطلاً في الواقع

فماذا جنيت ؟؟

جروح .. جروح .. جروح

اتحسسها واشعر بها تمزق احشائي


وعشت حياة الجبناء

وها انا اجني الاحلام

اعاشر الحلم طوال عمري

واطرد اشباح الاصدقاء

لأجالسه وحده

وعند تحقيقه !!!

يعز عليّ فراقه

وقد لاأحققه حتى لاأفقده

ويبقى جليسي الدائم

واذا حقَقَته الصدف المزعجه

ينبغي ان أبكي عليه

فقد مات لأعيش انا

لااااااا

يستحيل ان احققه / اقتله

لن اصارع دهاليز الوحده من بعده

لن يغلبني بوفائه

فلقد اعتدت ان لا يغلبني احدا بالوفاء

اني استنشق الهواء النقي

وفاء

اخلاص

صدق

لن اابه في هذا العالم بأتساع ثقب الذمم

فانا الان خارج حدود المجره

ولن ارجع لكوكب الارض مرة ً اخرى

[سالم السويلمي]

نافذه


بوابة حلم


شات


لا اعلم

كل ما اعلمه انني كنت اطل منها

يالبشاعة المنظر


عالم آخر

بنات الليل ملقاة على ارصفة الهوى

وتُعصر ارواحهن العاريه بزمهرير الطيش

لتقدم للسكارى بسيجار كوبي

كنت ابحث عنكِ هناك

اشعر بوجودك . روحك . انفاسك . مراقبتك لي


اشعر بك

ولكن دائما ما اقول : لن اجدها هنا

فهي الطهر بأسره

فلن اجد الطهر في هذه الشوارع

الملوثة بأدارن الشرف

شعرت وكأنني المذنب الزنديق

اللذي يبحث عن الجليد في جنهم

لازلت ابحث عنك

لاصطحبك معي الى هناك

فطفلك لازال يبكي

ويزعجني بكائه . فلا استطيع النوم

أأصدقك القول ؟

ليس هذا مايكدر مضجعي

ليس صراخ هذا الطفل


وإنما الخوف من هذه الهدايا

اخشى ان انام فتخنقني

فانا اخاف الموت

ولي معه تجربة بائسه

فقد حاولت الانتحار ذات خيانه

وشربت سم اليأس

حتى جئتي بنصل تلك الورده

اللتي اعادتني الى رشدي

فاصبحتي لي انت الرشد

وانا الان بلا رشد

وابحث عن رشدي في هذه الشوارع التافهه

أتعلمين

يقول المثل (من خاوى القوم اربعين يوم صار منهم)

اخشى ان يدوم بي البحث في هذا العالم حتى اصل الاربعين

فعندها لن اتررد بإتخاذ مكاني على ارصفة الهوى

[سالم السويلمي]

المسئله ماهي بحاجه لتبرير = المُلك ماتزهى عليه الجواري
لادنست ريشك يدين الصقاقير = ماعوضَتك بنتف ريش الحباري
حت ايش لو صف الخلايق طوابير = عند الكنايس تقتنع في مزاري
البارحه بين الخطا والمعاذير = عاثت شياطين الغرام بقراري
والشعر دلو ٍ ينبش بقاعة البير = والبوح مارطّب لهاة الضواري
تشتت عندي جميع المعايير = متساويه كل الفروق لخياري
وش فرق من همه يلم الدنانير = عن واحد ٍ همه يلم المصاري
كنت انحتك واتخطني بالطباشير = ايمان حبي لك وحبك طواري
كنت اخَذك عزه واعانقك وآطير = وش فيك تهبط بي هبوط اضطراري
تعبت ادور في ذنوبك لتكفير = راهنت لكنّي جنيت انكساري
كم لي وانا ماشي معك عاكس السير = وماصحصح بسمعي نذير البواري
لا والله الا ياصباح المخاسير = بانت على شمسك رسوم ومواري
امفسره ماهي بحاجه لتفسير = ولاهي بمحتاجه طبيب استشاري
وفّر على نفسك تبث المسامير = خليتها لك واهتديت لمساري
لازينة قاع الطمان النواوير = فانا تزيني مواكر حراري

[سالم السويلمي]

إإإإإيه ياقيس .. وعيـــونك ذهـــول واسى = هات ذكراك بحرقها واببكي عليك
ضاع صبح المـــــكـابر في جـــنون المسا = مابقـى عـذر واحد تلتـمسه لأخـيك
مابقى عــود من غـ ـ ـ / ـ ـرس العطا مانسى = اسأل الشوك يمكن ماتناسى يديك
ورد ليــلاك الابيض بالحَـــَمار اكتسى = والمصيبه يقَدم.. مايقَدم اليك !!
مات اخــر طموحــــك بين ليت وعسى = يالثارات طيبك ..تنتخي ترتجيك
مت دخيلك كافايه شـــاعرك واحتسى = في عزاك وحلت له .. قهوة الموت فيك
مابقى للثريا من بعدك اونسا = ومابقى للمشاعر في ضلوعي شريك
ايه فاقد حنان وكنت شوق النسا = تشتري من يبيع وبعت من يشتريك
راح برد الشمال وجاد تمر الحسا = واختلف ذوق ليلى بين هذي وذيك
احتسبها لربك يوم يختك رسى = في سواحل تجود بحضنها واتأويك
الحزن والتعاسه والعنا والقسى = وافيه هالسواحل لو رضت تحتويك

[سالم السويلمي]

ما ابشع من ان تأتي حاملاً لواء الصلح

فاتحاً ذراعيك للعناق


فتجد من اردت معانقته غارقاً بالوحل


حسبته ثريا

فوجدته ثرا


هذا المساء اصابني بالغثيان

فلن اعانق ماحييت !!


وان عانقت


لن اعانق الا من تعالى عن الاقزام


فالجبال لاتعانق الا الجبال




المسأله ماهي بحاجه لتبرير
............ المُلك ماتزهى عليه الجواري
لادنسة ريشك يدين الصقاقير
.......... ماعوّضَتك بنتف ريش الحباري
تعبـت ادور فـي ذنوبـك لتكفيـر
...........راهنـت لكنّـي جنيـت انكسـاري
كنت انحتك واتخطنـي بالطباشيـر
..........ايمان حبـي لـك وحبـك طـواري
كنت اخَذك عزه واعانقـك وآطيـر
.......وش فيك تهبط بي هبوط اضطراري

[سالم السويلمي]

ابطلع واترك المسرح .. دخيلك . واسدل استارك = سأمت الدور وانصار الغرام اشكثر غروّبي
وإذا راودك تأنيب الضمير وبالندم زارك = لك الله أنّب بحالك بعيد ولاتجي صوبي
حملت بقربك اوزاري ولاني ناقص اوزارك = لأنك بعد حلفاني من أكبر واعظيم اذنوبي
بخلّف لك (وصال ايام) و (الاشعار) و (اعذارك) = بقايا حب ياشخص ٍ اظنه كان محبوبي

[سالم السويلمي]

من ذاتي الغربه .. الى غربة الذات = منك وإليك وفيك غرّبت ذاتي

[سالم السويلمي]

ميت من الشوق ؟ .. لاميت ولا حاجه = حلم ٍ قضى من صحيت ولا يموتني

[سالم السويلمي]

قالت قسيت !! وقلت عادي وإذا كان ؟ = في قسوتي حسبة ضرايب وضوحي

[سالم السويلمي]

ملل كل الدروب اشلا = عفن لهو وغرام اطفال
تعبت ادور المفلا = لقيت اسمى الوجيه اطلال
اهيم وعلني اسلا = هقيت ان القلوب اقفال
عرفت اني بعد هدلا = ولا فارس ولا خيّال

[سالم السويلمي]

نامي فديتك ...
ماتعمدت أصحيك !!

لايشغلك قلبي برَعْشَته ...

نامي ...


هذا إهتمامي
باس موطى خطاويك .

ياعز وأغلا من حضى بإهتمامي !!

[سالم السويلمي]

آهـ . ياظلم ]الغياب[ ويا قسى قلب الرحيل = ينتزع روح الوجود و كل جرح استنزفه
مابقى للنجم ليل ومابقى للجفن حيل = ومابقى للناي ]حزن ٍ[ في ضميري يعزفه
ابحث بكل الجهات و لين ماتاه الدليل = مالقيت لطاري الفرقـ ـى ضمير استعطفه
ذابت اصداء المرايا وابتدا بالعمر ليل = وذابت اشموع الاماني بـ إنتظار و أرصفه
بين نظرات الهدايا والوصال المستحيل = تنحر الاشواق حلم ٍ مالقى من ينصفه

[سالم السويلمي]

سهران او سـ هـ ـران ؟؟

ياخوك مدري !!

انا ادري كيف خلتني وراحت ..

تعاتبني ؟؟
انا قدمت عذري

عيوني باحت المكنون باحت

[سالم السويلمي]

آلو

آلو

رد ياجافي

آلو ألو

رد ياعمري

آلو (آلـــــو/ رد )

ذاكافي

ألو آلو رد

لاتسري

[سالم السويلمي]

تعالي ياعصافيري وغني = على ماتشتهي سمع ٍ وطاعه
زماني في شبابيكه ركني = تقبلت المكان لإرتفاعه
امارس عزفي المفرد وكني = شربت من الزمن كاس القطاعه
على موج الاماني سار ظني = هبوب الشوق ماملت شراعه
تعالي مابقى بي شي مني = ولالي عند ليلاتي شفاعه

[سالم السويلمي]

من كثر مو خايف عليك وحوايجك = خايف تناسى خنجرك في ضلوعي
يانهري اللي لاطرالي مدارجك = تيبس لهاتي والحيا في دموعي

[سالم السويلمي]

ملت عذابات الزمان احضاني = والدمع صار من العنا يعصاني
ياوين ابلقى للجروح امداوي = دام الطبيب اللي نصيت اعياني
حتى النجوم الساهره خلتني = منهو بعد مامرني وخلاني
خايف من عيوني تمل ادموعي = وخايف تمل من الورق قيفاني
دامي انا ,,,, مليت انا من نفسي = من يوم ماسهم المنايا اخطاني

[سالم السويلمي]

عجزت اقبل خرافات الخطوط الحمر والمنقول = احس اني بشر غير البشر واستنكر احساسي
لك الله ماورى حول (التشرد بالمشاعر ) حول = ثبات الارض مايقنع وقوف الساق متواسي
تكاثرت الجدال وكل مندوب ٍ يطق اطبول = وانا اللي من سنه واكثر حشى ما دق مرواسي
قضيه !! وش قضيتنا ؟؟ قضيتنا لها مسئول = انا اللي في خفوقي شي ماينبت بقرطاسي
تعاظمته وانا كلي عظيم وآخري مقتول = بموت لنور نبراسي ومت ومات نبراسي
بلاي ان المقص شيخ ٍ شجيع وشاربه مفتول = وبلاي اول من ايكسّر مجاديف الامل ناسي
لك الله يالغريب اللي تلَبسني بعرض وطول = خذلك آخر مفاهيم الوجود بآخر انفاسي
عطاشا نشكي ونحسب دموع المارقه هملول = ذبلنا وامحلت كل الرجاوي والملا ناسي
تبنيتك دليله والضياع اليا حصل مقبول = انا كلي ضياع ٍمن سما راسي اليا ساسي
تعال وصب لي مرّك بكاس العالم المجهول = وهدّمني بهوجاسك وانا اهدّك بهوجاسي

[سالم السويلمي]

صباح النور ياصبح البشاير وانت كلك نور = صباحي جنة الدنيا ونسمة شوق تلفحني
صباحك عنبر وكادي ومسك وباقتين عطور = يا أغلا واعظم انسانه تجي فجأة تصبحني
تمنيتك وناديتك (.....) !!! . غردّ العصفور = بعشق ٍ يعزف انغامه بـ أشواقي ويفضحني
واجي لك واترك العالم جميعه راضي ومسرور = ولو كنتي خطا يلعن ابو من عنك ينصحني
يحق اليا الغرور وبقلب اسمي سالم المغرور = مدام (أطهر بنات آدم) على غره تصبحني

[سالم السويلمي]

مشتاق ؟؟ لا والله ماني بمشتاق = جيتك ضمى هلكان تسبقنى اشواقي
جيتك اعبر عن بطولات الاشواق = لو عافت اخيول القلم ساحة اوراقي

[سالم السويلمي]

بدون اي مناسبه
وبدون ارضيه واقعيه

فقط محاولة لإستعادة اللياقه !!





ان جيتني تسوالك الفين مزيون = وان رحت احط الفين طخش ٍ مكانك
العام خبري فيك يالترف مضمون = والوقت هذا مالقينا ضمانك
يادون !! مالي في هوى صاحب ٍ دون = والحر حر وعظّم الله شانك
لاتحسب اني طالب ٍ منّكم عون = لا والله الا ظنك اليوم خانك
وسوس لك الشيطان وابليس ملعون = وعجَّل بقطفك قبل حلة آوانك
عيّدت بدري والاوادم يصلون = ماتدري انـّـا قد بنينا صوانك
ماتدري ان الناس يومن يهلون = انه على شاني ولاهو عشانك
لو مارفعتك مايشوفونك امزون = ولو ماعطيتك ماترجوا حنانك
الله معك .. تلقى بدالي يسدون = يا عزك اوصالك لهم يا اهانك
والسالفه ماتحتمل (كيف وشلون) = اقدر اجيب الفين عذرى مكانك

[سالم السويلمي]

من السهل ان تكون بـشر
ولكن !!
من الصعب جداً ان تكون إنساناً

طُردنا من الجنة
لذا فنحن بـ شر

ولكن !!
ومع تعدد الرسالات
استطعنا ان نبتكر الإنسانية

والانسانية روحٌ مقدسه
لاتحلق الا فوق رؤوس الاسوياء

آمل ان تكون من الاسوياء
لكي لا تمسي وانت بـ شر
ولا تكون من المغضوب عليهم ولا الضالين

(زهرة)

[سالم السويلمي]

& برغم النزيف الذي يعتريه..برغم السهام الدفينة فيه..يظل القتيل على مابه..أجل وأكبر من قاتيليه..!!


كانت تألف فصول السالفه عني = وحثل الرجال اتدربى خلف قصتها
وانا بليا خبر داله ومتهني = ولا عليه بناس اتكب قيمتها

[سالم السويلمي]

غيبتك غيبوبه خذتني من اشهور = يالذة الدنيا وسبة وجودي
رحتي وانا دمي على البعد منحور = عودي على صدرن تمناك عودي
ايووووووهـ .. يا وردي وياصفوة الحور = ياللي دموعي لك توسّم خدودي
ذي حالتي من غيبتك تقل مسحور = ماغير اغني للهدايا بعودي
اقسم بربي ما يجي منك اقصور = حتى بتجريحي فداياك زودي
زودي واقول افداك زودي ولا ابور = حتى ولو فيك اتجاوز حدودي
الجور ؟؟ ويش الجور ؟؟ ملعون ابو الجور = دامي معك راضي ولابي زهودي
مغرم وساكت لو الاحظ بك اغرور = اشتاق لك واكتم بغيمي رعودي
صدري قفص وانتي ترى مثل عصفور = طرتي .. وانادي لك بالاشواق عودي

[سالم السويلمي]

صاحبي والليل يجلاه النهار = والنهار اسمى الوضوح واصدقه
ماتمررها بدَس ولا جهار = غرسي واعرف وش ايكون اعذقه
عاش بستاني جنون الازدهار = ومايضره وردك اللي تسرقه
تضحك بوجهي وانا عيني شرار = وانت وردي بالخفى تستنشقه
طعنتك خبث ويجي خنجرك عار = بالردى يمشي وخوفك يسبقه
المراجل ماهي اسمن مستعار = ولاهي بحرف ٍ لأسمك ترفقه
المراجل للعديمين الحرار = بعدها من قربها ماتفرقه
لكن امثالك عديمين الوقار = (م . ز . ب . ل . هـ ) يوم وتروح المحرقه

[سالم السويلمي]

مانام بعيوني سؤال ايصارع امواج الفضول = دامي اشوفك بلسمي ياميسمي وانحاز لك
ابكي ولا اشكي واحتضر وانطر ولا عندي حلول = وآهيم بالغيم واشوف اطيوف .. لك . واغازلك
علي اخلي بالعمر جمر ايتعشاه الخمول = دام العمر كله جمر واقد وانا معتاز لك
حاولت / حللت .. مدري ! لكن إحساسي جفول = يارد على مارد حياض الموت لو ماجازلك
شايف وخايف لا يجيلك ينحنيلك يالزعول = ثم تعدمه من يلطمه صدك وهو منحاز لك

[سالم السويلمي]

الشعر شعري والقلم بأقلامي = مالك على وصف ٍ وصفتك قوه
رغم الغياب وواقف ٍ قدامي = ورغم البعاد وساكن ٍ بي جوه
ياملهمتني يافتاة إحلامي = تو الغزل مولود لاجلك توه
ابصم لك بقلبي قبل إبهامي = إني بدونك يالغرام امشوه
لو راح حبك يالغلا واهيامي = ماراح ماباقي بنا من خوه
تبقين اصعب رقم بين ارقامي = وابقى سندك بطيب والا قوه

[سالم السويلمي]

الله ياعشره مضت لي معاك انت = حنيتها من يوم شفتك قبالي
ياصاحبي لاتقطع الوصل لاهنت = اقبل وانا لك سايق ٍ لك وصالي
من دون داعي غبت عنا ولا بنت = ولاعاد لك طاري بواسع مجالي
الله يجيبك لي عشيري اذا كنت = صافي النوايا صادق ٍ لي موالي
والله ينسيني صداقتك لاشنت = مالي ومال امنقّلين الخمالي

[سالم السويلمي]

:)


يؤبرني الشعر والشاعر = يؤبرني جنونك المنشور
ياهوه ماخطها ماهر = جنه ولو بعضها مكسور
هذي شهاده بها جاهر = متعصب ٍ لك من الجمهور

[سالم السويلمي]

ذنبي إني مابغيت اكذب عليك = هذا انا .. مآجيد فن الاقنعه
هي كذا في جزلها والا الركيك = مثل ماهي جبتها لك مقنعه
تحرق اعصاب الصواب وتحتويك = كل نظره صادقه مستجمعه
واتظاهر بالرضى دامي هَلِيك = وانسكب لرضاك عشق ٍ تجرعه
وانتشيبك وانتشيلك وانتشيك = وأظفر بأبيض فؤادك وانصعه
هذا خلك ماثل ٍ لك . في يديك = نزهه عن سوء ظنك وارفعه

[سالم السويلمي]

كل الفصول اشباه يالذة التوت = منك وإليك وفيك دايم هواها
وانا كذا من دون شوفَتك مبهوت = وعيني هطول الشوق منها عماها
يامنيتي ماهي بأشعار وبيوت = وهالمملكه شاعرك لجلك بناها

[سالم السويلمي]

الليل والموت الحمر
وين انت ياصبح النجاه

هالشوق في صدري جمر
والشعر ماينضب عطاه

إيه احتضر إيه احتضر
شوفتك هي آخر مناه

كافي هجر !! ليه الهجر ؟؟
والداء بيدينا دواه

انتي بحر وآنا نهر
يصب في ساحلك ماه

يتْبَخر وثم ينهمر
ويرجع ليمك محتواه

مالي عذر .. مالك عذر
والداء ندري وش دواه !!

[سالم السويلمي]

صدح في غبة ضلوعي صهيل المارد المقهور = وهبّت له مشاعر ساكنه باوكار وجداني
وانا آخبر الشعر فيني قديم وقصره المهجور = خلا .. مابه سوى ذكرى وبذرة ورث جداني
تحديت السكون ولاخضعت لعاشق ٍ مخمور = ثمل .. مدري همل .. مدري .. ولكنه تناساني
لك الله يالسكوت اللي خذاني من سنه وشهور = تعبت اصبر على صم المشاعر.. ليه تبلاني
ابكتب .. ليه ما أكتب ؟؟ وانا آشوف الدفاتر بور = يبعثر في كسل جفني نجوم الليل واشجاني
عبث يستنزف إحساسي .. ينادي للدماس النور = واترجم لا اندفق حبري .. طلاسم جملة اقرآني
ابجمع جملة اضدادي .. بصفحة شعري المنشور = عسى لاضاع مجدافي .. جنون الموج يقراني

[سالم السويلمي]

عندما تكون الحياة مظلمة , سوداء , داكنة .
فتخلخلها لايأثر إطلاقاً على سرعة ايقاع الزمن ...



وش تكون الداكنه بالمعمعه = ماتغير في جنون الريح ريح
من كواليس لستاير لأقنعه = لين شيّد زيفها فيني ضريح
الله اكبر والوفا بي منبعه = خصبة القاع ارتوت والقاع ميح
داكنه موحش فضاها ماآبشعه = دور حظي في ثناياه شحيح
كل مشراف ٍ تمنيت اطلعه = يرتطم بالواقع وفجأة يطيح
ماجنيت الا الجروح الموجعه = والبحر من كثر رميي به يبيح
ماتمنيت الجميل استرجعه = بس ..بآمن .. من شروره واستريح
والبحر لو ضاق فيني ماآوسعه = لو رميت الخير به لا مايصيح
والقمر لو سال يوم ٍ مدمعه = من شكاوي سهرتي .. صبحه يزيح
اما انا حتى الفصول الاربعه = ماتزيح الهم .. من قلب ٍ جريح

[سالم السويلمي]

مبروك وافراحي تراها افراحك = لا والله الا أكثر من افراحي
تدرين لو غطى الدجا مصباحك = بين اضلوع اشعل لكم مصباحي

[سالم السويلمي]

البارحه عايم على غيمة النور = لبسي هيام وداخلي الف سكره
في حضن صفوة مجتمع عالم الحور = هليت انا تسعه وتسعين عبره
اثر المتيم بالهوى فاقد الشور = يسكر طبيعي ماتِسَكِّرْه خمره

[سالم السويلمي]

يعني كذا !!ضيقت صدري وانا اغليك = يعني كذا مبسوط من ضيق صدري ؟
يعني كذا حققت فيني هقاويك? = يعني كذا لاقلتلي لا .. مدري ؟
لا والله الا يابعد من يناجيك = ادري وتدري يامنى الروح بدري
جيت وسألت وما توقعتها فيك = انك تهاون في مكاني وقدري
انهارت امالي بتايه خطاويك = وسكّر حياتك ذاب ماعاد يغري
وتشوهت اسمى معالم مبانيك = وعن ديرتك عابر سبيلي بيسري
هذي بقايا من مجسّم محاكيك = عندك جسد -ماعاد به روح-.. مبري
دايم فديتك لامسي الجرح بيديك = وتذكري ضيقي اليا فاح عطري

[سالم السويلمي]

خربشة !! أو فلسفة !! مدري ولكن = ارتوي .. واضمى ولا كني رويت
انت يامنهو بوسط القلب ساكن = ترتشف قهوة غلاك ولا اكتفيت
اسعد الله هالهدايا .. والاماكن = ترتسم في ناظري لامن غفيت
اكره الدمع بعيوني لا تباكن = والله ان الشوق لوصالك مميت
خبري كل البنات اليا تحاكن = حبنا راقي وفرقانا إتكيت

[سالم السويلمي]

لاتنثر اوراق الخريف
عمر الهوى
مايرحم القلب الرهيف

وفر دموعك للعنا
لليل وجروحك وانا

وان كان لك ذكرى تكدر مضجعك
او كان بك جرح ٍ جرحته مو جعك
سآآفر
ترى الغلا كافر

يا اصعب ارقام الليال
تنساني !! ادري ذامحال

وأنساك !!

لا ماستحيل انساك

لكن تعبنا والزمن.. الزمن جاير
والوقت سكينه وقف .. بيننا حاير

يارحمة الموت اشرقي
ياشمعة الحب احرقي
هالكووووووووووووووووون !!

مابقى عاشق

لا الحلم يروي ضامي اشواقي معاك
ولا الوقت يسعفنا ويسمح في لقاك

هذي النهايه واستلم
كل الهدايا وانهزم

اخر معارك رحلتي مهزوم
لملم شتاتي لو بقالي يوم

جعلك تدوم

[سالم السويلمي]

لاتسألني عن شئ

فأنا لا أذكر
بعد ذِكر الشئ

[سالم السويلمي]

خطايا

وين ماحطت خُطايا

خطايا


أحرق الظلما واذوب

واخترق عتما الدروب

ووين ما أغرس خُطايا

تحصد اياما خَطايا

خطايا !!

[سالم السويلمي]

غناتي والطريق أشلاء صوتي والفضا مزحوم = أمانه ما رعش قلبك ولا مره على شاني ؟؟
سريت بهاجس الذكرى صحاوه ماسريت حلوم = ادوّر دمعة ٍ ماتت على ابهامك من اعياني
مسحتيها ؟؟ دخيلك !! او مسحتي حبنا المرحوم = تلاشيتي مع الدمعه وانا ضيعت عنواني
على موج الضياع ابحر وانا اللي ماجهلت العوم = نسيتي كم انا ضايع قبل وردَتك تنصاني؟
نشلتيني وانا ماني مصدّق حظي المشؤوم = غريبه كيف تحييني بعد ماذاب جثماني
حييت وجيت لك كلي مشاعر والغلا مقسوم = حضنتيني على صدر الحنان ونامت اشجاني
انا طفلك فديتك ماتحمل لو تغيبي يوم = اجل وشلون ووصالك نهاك ومات وانهاني
غناتي لا رجا ينفع ولا ينفع عتاب ولوم = رضخنا للمصير اللي تحداك وتحداني

[سالم السويلمي]

ياشروق الصبح ماتحمل كلام = ياشروق الشمس ما جيت بخبر
ياشروق الشمس واوضاعي حطام = والمشاعر تنزف اشعار وحبر
ايه شوقي خلّف بصدري رُكام = ومالقيت لخاطر ٍ يُكسر جبر
راحت ودمعي عليها مايلام = والصبر عزاااه كيف القى صبر
ياشروق ان جيت من دار الغرام = انتشل منها ولو ريحة عطر
اسألك بالله ترحمني .. حرام = ياشروق الصبح ماعندك عذر

[سالم السويلمي]

صباحك خير ياخير الصباح

[سالم السويلمي]

نامي عسى مانام حظك ولا شان = نامي وخلي لليالي جفوني
فيك السهر والشعر يحلا ويزدان = ياقبلة اشعاري ولذة فنوني
يالي لقيت بحضنك الدافي اوطان = سكّنتني ذاتك وتسكن عيوني
لك في غياهيب الحشى مُلك سلطان = ينساق لك كيفي وكمي ولوني
هذي طلاسم عمري الغامض اتبان = لك يا مبرمجها نظام اكتروني
روّضت شيطاني وكسّرت الاوثان = فدوة عيونك يامروض جنوني
حكمك أمان ولاورى حكمك آمان = من صاخِبي - كلي إنتماء- لـ . سكوني
يابسمةٍ مرت على ثغر الازمان = تغرق بها حت الثماله شجوني
لمعة معادن جوهرك تذهل اذهان = واللي خطفهن ناظري واذهلوني

[سالم السويلمي]

سجد جرح الغلا يِتْعبْد آلآمي = هتك ستر الضلوع وثبّت عروقه
اهيجن للاسى واستفزع إلهامي = واحطب لهالقصيد أعصاب محروقه
امانه يالفؤاد المنهك الدامي = تريث والغريب ايشيل طاروقه
قرى رِتم الاسى في نوتة انغامي = وعزف باوتار دمعات الغلا شوقه

[سالم السويلمي]

زحمة مواعيد وملامح وأسماء = وشوقي لها وقّف طريق الدقايق
اموات لو نتقمص ادوار الاحياء = واطلال لو بين الحنايا خلايق
الوصل شيئ ايعطل اشياء واشياء = والبعد كافر والمفارق حرايق
ياللي ملكتيني من الالف للياء = لو قلت لك رايق فلاني برايق
حالة تأهب واعلن القلب الإخلاء = كنّه يبث افواج ربع ورفايق
اما حظنتيني لك لحالك او لا = كافي كذا زحمة وعود ودقايق

[سالم السويلمي]

محتاج قربك حيل ماعاد بي حيل = تعبت اذوّب فيك سكّر غيومك
امطر شهد .. بدواني تدور السيل = وفصّل من وصالي بقايا هدومك
ياضيفي اللي لو كسرت الفناجيل = تعرف وش سلومي وانا اعرف سلومك
تعال نحرق بالغلا ظلمة الليل = بردان تكفى دفني في نجومك
مالي وليل ٍ يجرحه كل قنديل = انا فدى ليل ٍ يباري رسومك

[سالم السويلمي]

يا أمس ياجرح يا همي = ياظلم ياهجر ياجافي
ياكلمة ٍ قالها فمّي = نيشانها غبة الخافي
يادمعة ٍ مشها كمي = ياقصة قيد الإتلافي
يعوفك العرق يادمي = مشاعرك جمرها طافي

[سالم السويلمي]

مع حلول الليل لانادى الإمام = تسجد رموشك ورمشي يستجن
وحدتي تجلدني بسوط الظلام = وللمنام عيونك السود اسجدن
صرت أخاف الليل تكفى لاتنام = آهـ . وينك من عيوني لابكن
لك مشاعر انزف اشعار وكلام = والورق كنه على هيئة كفن
ليلة ٍ تمطر دقايقها سهام = والجروح -اسراب تبحر - ما رسن
ياغصون الوصل كم ناح الحمام = وأخصب الأشجار ماجاد بغصن
للسراب انساق بدروب العدام = تذبل عزومي على الرمضى واكن
ما عطيت الياس بإحساسي مقام = جيت له ضايع وهو جاني وطن
كل ماقالوا على الدنيا السلام = ابتسم غيض وعيوني غورقن

[سالم السويلمي]

كسر نشوة طرب ,,ذاك البريق بخاطر ٍ مكسور = يناجي بالدجى صم المشاعر بي وتحيابه
تمركا حزنها فيني بلا إحم وبلا دستور = وانا اللي كل ما ناح المعنّا قلت ما آآبه
غريب وعارفن مالي بمسرحها مكان ودور = ولكن ,, يرزم إحساس القصيد وتحرق أعصابه
غرور وكل ماعجّت جهاتي في طيوف غرور = تضيفني الحزن غصبن عليّه وآتقهوابه
وانا لو ماشكيت اليتم لكن حبرها المنثور = تقمصته بوجداني من ابوابه لمحرابه

[سالم السويلمي]

إيه انا قاصد .. أو إني ماقصدت = خمسة أبيات ٍ وجت من كيفها
شاعر ودايم قصيدي لاقصدت = يشرك الناس بشتاها وصيفها
لاصدمت بكل موقف وارتددت = رحت ابشهر للمشاعر سيفها
قلتها والله مدري شستفدت = كان به لوم ٍ فلومي طيفها

[سالم السويلمي]

عرعر وطن عج وصراعات وأضغان = ياخي يضيق الصدر لاقلت عرعر
عرعر عروس اليا تباطيت تزدان = وان جيتها بنت اللذينا تكَشَر
مالي وعرعر غير لاصحت (ويلان) = القى صدى صوتي يردد (تبَشَر)

[سالم السويلمي]

كمّل جميل المواصل لاتعاتبني = كحلت عيني دخيلك لاتبكيها

[سالم السويلمي]

عروسة الريح كيف أقدر أقاومها = ومشاعري ريش ماتقوى على النسمه

[سالم السويلمي]

أذكرك ؟؟ يآآآآآآهـ !!! الحين يعني نسيتك ؟؟ = والا مفرط في بقايا هداياك ؟
والا انام بليلتي مابكيتك ؟ = والا عجزت استطعم بمر جفواك ؟
والا من اوراق القصايد محيتك = والا اشهرين اتمر فيني والا انصاك
شفني وانا ما عَرْف عنوان بيتك = انصاك وادري ما اشوفك ولا القاك
واجلس اواسي هالاماكن فديتك = ماكنها الا قاسمتني برجواك
اذكرك ؟؟ والا تحسب إني نسيتك ؟؟ = (ناظر بلاي بفَقدك اتهون بلواك)

[سالم السويلمي]

دخيلك لاتمادى في جفاك وتنهك اشواقي = ترى ماعاد بي طاقه لجرح ٍ ماتوقعته
أضيق وينكسر فيني متى ماضاقت إخلاقي = شموخ البدو في صدر الشمالي يوم ضيقته
ابيك اشتاقلك .. مدري حبيبي شاقك عناقي ؟ = ورقمي ؟؟ حافظه والا من الاسماء كنسلته

[سالم السويلمي]

هذا أنا .. لاتطمعين بزهابي = شعر ٍ كتبته ماحفظته ولا أبيه
أنا .. أنا .. مازينتني ثيابي = استوطني شعر ٍ حلا لك وخوذيه

[سالم السويلمي]

أذوب في نظرة عيونك وأناديك = تعال انا برموش عينيك ذايب
ودي تذوب وتصهر ايديّ بيديك = ونرسم فصول احداث قصة حبايب

[سالم السويلمي]

سؤال ٍ خوّنت فيه الإجابه = تهاب الجرح والا ماتهابه

غريب ٍ ماعرف طعم إغترابه = وذيب ٍ ماحشم قدر الذيابه

[سالم السويلمي]

فالح وبسم الله على فجة الضي = طافي وشيطانه مع الصبح شاحن
فالح ونايه لابكى يطرب الحي = فالح وابياته من الوجد باحن
فالح مهو فال اح ولا فالك الكي = نوقف بوجه انيابها وايتناحن
ناب الحزن أخلع قوايمه بيدَي = وجروح قلبك يابْعدي يُستباحن
ندفن معالمها بقلبك كما هي = دونك نسوق ارواحنا للمطاحن

[سالم السويلمي]

عروسة الريح مدري كيف اقاومها = ومشاعري ريش ماتقوى على النسمه
عجزت اترجم من الرهبة طلاسمها = في ساعةٍ شح عرق القلب في دمه
حارت جهاتي بوجهتها ومقدمها = تقبل من القمه وتقفي الى القمه
أفتح لها الصدر وتناظر جرايمها = وان سلهم الرمش قمت انا ألبس التهمه
عزيزة القوم لو تمطر ظلايمها = حشمه تجر الخطا وان روّحت حشمه
كانت ملاح وانا بالروح راسمها = واليوم ذي روحها ,, من عيّن الرسمه
وانا اقبل الجمع والطرح بمعاملها = أقبل ولكن تراني ما اقبل القسمه
سبع البحور بسنين الطيش عايمها = من قبل لا ارسي بشط (.....) واشمه
من قبل تحيي عظام .. الوقت هشمها = وروح ٍ ذبل غصنها وارتاح من همه
من قبل ينفخ بوسط القبر مبسمها = واحيا على شانها للعمر وآتمه

[سالم السويلمي]

حزين ؟ لا أكبر من الحزن يانوت = ينتابني وانثر وجودي كأآبه
أهون من الفرقى وأصعب من الموت = موجع ولا كل المواجع تشابه
أبكي جثث وآخذ من الليل تابوت = وأرثي الأمل وأحرق بقايا ثيابه
وأعزف بأوتار المشاعر بلا صوت = وأنزف من اجراحي قصيد وكتابه
وأسبي بساتين النظر وأسرق التوت = وأغفي غريب ٍ زاد حلمه غرابه
فاقد !! ولا فاقد زمرد وياقوت = فاقد !! ولا فاقد من الناس لابه
فاقد عسى مايفقد الدمع مكبوت = ينحت بوجناته طلاسم عذابه
جيتك وفي خدي من الشوق منحوت = مرسى عتاب و كل حزن ٍ رسابه
سجدة رجا ماحرّكت فايت الفوت = أقفى بك وخلا بصدري خرابه
وأنا وأشيائك وأبياتي قنوت = نقطف بقايا رحمتك يامُهابه

[سالم السويلمي]

آخذ من أحزان الزمن باقة أوجاع = وأستنشق أوجاعي وجيه و ملامح
أسقي دفاتر عمري جنون وإبداع = والموت بمزون المقادير رامح
ألبس مع دروب العنا غربة أطباع = أبرد .. وادور للدفاء عن تسامح
أنزف ومن حولي ... معاميل وقناع = أضحك وانا بين الحنايا مرامح
أستمطر ظروفي مجاديف و شراع = ويسوقني موج ٍ مع الوقت جامح
أصرخ و أهز بصرختي عرش الأسماع = مذنب ولا في عاتي الريح دامح

[سالم السويلمي]

ياخاتم الألماس / ياساعتها = / ياعطرها / يالشاطي وكرسينا
يا مطعم ٍ كم عيّد بجلستها = /ياهاف مون الحب / يامارينا
نخيتكم طالت هي بجفوتها = مل الصبر منا ولا ملينا
بشراعها ورياحها ودتها = وماطاوعت صدق إتجاه المينا
إن كانها تستبشر بملكتها = قولوا لها حنا ترى زفينا
أقدارنا ودتني و ودتها = وأيامنا تبكي على ماضينا

[سالم السويلمي]

حزن العليل بزحمة أعراف الأسلاف = ضيّق على صدر الشمالي ثيابه
عج الطمان وجاوب الصوت مشراف = تثلج تراحيبه صدور الذيابه
دام السؤال اللي هتك ستر الأشراف = جفف منابع عذرهم والإجابه
إيه انتحيت وما علي مثلي اخلاف = حولي من عروق المقادير لابه

[سالم السويلمي]

تدري إن الناس ماتعطيك خير = ماعطوكآني وباقي بي محل
وأدري أنك لا غشيم ولا ضرير = تدري إن احساسي لصوبك محل
شمعة ٍ ذابت على سلك الحرير = بارق ٍ عم الزوايا واضمحل
مابقى فيني خطاوي للمسير = ذابت اقدامي على ذاك الوحل
لا تدوّر في زهر عمري عبير = ماينولك غير قرصات النحل
ثلث ضاع بزحمة الوضع المرير = وثلث طار فقلبي الطير ورحل
وانت جيت تواكب الثلث الأخير = تفتح ضلوعي ولا تلقى محل

[سالم السويلمي]

حطبت من ذكرى جنونك تعابير = واشعلت في ستر الليالي جريمه
مزَعت جيب اشواقي وصحت للطير = يامنهو يجيب النديم لنديمه
والفجر ما واعد لعوب العصافير = والدرب ياس وهالمسافه ظليمه
عرّافتي هذي السواني وذا البير = اروي ضمى كبد الزعول اليتيمه
تسرّبت بين الاصابع وش يصير = لاضمها كف المواصيل ديمه

[سالم السويلمي]

لمي من الشوق مايملا الفضا وارحلي = ترسي بك أمواج ذكرانا بمرسى العذاب
ياللي تجرين خطوات الغياب أعجلي = ننحر طيور المشاعر قبل ماتستتاب
ضيقي وثوري وطفي شمعتك وازعلي = ماتروي الدرب خطوات المواصل سراب
غرقان في دم شوقي لك وصلي علي = عجزت للقى لعاري سالفتنا ثياب
تصلا جنايز ظروف الوقت بابك صلي = ضاقت جهاتي وانا اللي خاذلن كل باب
مدري ولكن دخيل الله لا تسألي = أخاف تذرف ملامحنا دموع الجواب

[سالم السويلمي]

حاولت أحب وماقويت
حاولت ابنسى مانسيت
ماعاد لسنيني فصول
حييت يالرمش الكسول
كني معاك ... وفي هواك
لو جسمي المبلي جفاك

ماغيرك أنت وبس
جيتك ادور أمس

يامن تشبّعتك غلا
للحين قلبي ماسلا

رغم الغياب

أعزف لك أنغامي شجن
وانثر من إحساس اللحن

نغمة عتاب

حتى ولو رحتي خلاص
مالي عن اشواقي مناص

بروى سراب

يا آسرتني وش بقى .. بيني وبينك
جيتك أدور بك لقى .. ناصي حنينك

ياما دمحتي غلطتي .. وياما جبرتي عثرتي
وياما خذيتيني طفل .. وياما غفرتي لي الزلل

قصة غرامي ماتهون بيوم
ومجنون حبك ماهو بمهزوم
بثمل من وصالك جنون .. اش مايكون
وآخذ من ضلوعك سجون .. لي يافتون

وأعيش في صدرك دهر
هذا انا .. وهذا القدر

وآوادع أمواج الكدر
فيك الهنا .. ومالك عذر
كلي اماني .. وماسواك المقتدر

[سالم السويلمي]

عنيده .. تشبه البرد الشمالي
تبيني .. مير ماتبغى وصالي
تحبني لكن تغيب .. تودي الشوق وتجيب
إحساسها يمطر حنان .. في كل زمان وكل مكان
وعتابها همسة دفاء .. وطعناتها مصدر امان
ارق من سلك الحرير
وأطهر من الماء والخرير
من ضيقها تضيق الحروف
ويرقص لضحكتها العبير
لكن عنيده !!

تشبه البرد الشمالي ,,,

(زهرة)

[سالم السويلمي]

تدري متى تُصدم وتُخذل وتنهار = لاصفّقت كفك لطعنة خصومك
يامن لقلب ٍ طعنته سر و إجهار = واصعب من سهوم المنايا سهومك
غبتي وانا مغيّب ومن يبني الدار = وانتي على حزوم العواذل رجومك
آلد وجهي وانتحي واشعل النار = واشره على نورك وسطوة نجومك
إيه انخذلت وماعلى جرحك غبار = وافي ويكفيني وبيّن علومك
والدار لو يسأل عن مشيد الدار = يلقى الإجابه في ملامح رسومك
هذا أنا أُصدم وأُخذل وأنهار = وأبقى اتحرى بالليالي قدومك

[سالم السويلمي]

بالضبط هذا أقرب مثال لحياتي = أنام فيك أحلام و أصحى بك أنغام
ليتك تركتيني أجمّع شتاتي = مادامها شاشه وجوال وأرقام
حتى اللحن مدري خليجي / فراتي = لكنه بلحظه ترنم ولا دام

[سالم السويلمي]

تعبت أدور في مداينك حانات = بركان ضيق ,وضاق صدرك وغبّر
أبكي وتبكيني عيون المسافات = و أحيا وتقتلني بقولة تصبّر
متشتت وبيني وبيني متاهات = حتى شموخي شام عني وتكبّر
كم كلمة ٍ ماتت قبل تاصل شفاة = وكم وابل ٍ بين المحاجر تزبّر
لو كان لي بين المرايا مرايات = لأصعد زوارق رحمتك وآصل البر
لكن شمالي واشرب الهم بسكات = لو مرقدي بين الترايب يشبّر

[سالم السويلمي]

تقول :
أمكن عاشقي من صحن خدي
............... وأمنح قبلتي من يشتهيها


نعم إنها المجنونه : ولادة بنت المستكفي
أو كما أنعتها ولّاده
إنتظرتها عندما قالت :
ترقب إذا جن الظلام زيارتي
............. فإني رأيت الليل أكتم للسرِّ
وبي منك ما لو كان بالشمس لم تلح
..... وبالبدر لم يطلع، وبالنجم لم يسرِ




فانتظرتها ولعلها قادمه ,,,



ياولّاده تعب ليل الغناوي ما ملالي كاس = ياولّاده تعبت وملت نجوم السماء مني
ياولّاده عجزت أثمل وأنا في حانة الهوجاس = وفي نخبك زمان الوصل يصدح فيك ويغني
أنا العاشق ولا باقي صحن خد ٍ معك ينباس = بعيد وموطني غصب ٍ عن افكاري يحصني
كفرت بكل ما (عنعن ) / كسرت العقل أبو ترباس = تعنصرت لـطرب كيفي /لذاتي / نشوتي / فني
ياولّاده كثير الكبت وغصون الهوى يبّاس = وعيني وين مالدّت ( عوايد , (...) ) يغبني
تمنّعتي وأنا آصف الثواني في سرى الأنفاس = تمنيتك وفنجاني يقول تموت متمني
أمانه وش بقى فيني : لك و لي و الزمن والناس = عبث كف القدر مدري عبث كفيك لاعني
يأست ومن كثر ماني مْجَرَّم ماحواني ياس = أموت . وما أموت !! ألقى عروق القلب خانني

[سالم السويلمي]

مرثيتي لبست حلقها مواويل = وأتبعثرت في دعوة ٍ للتباكي
هالموت كم غازل حياتي بذالليل = ضاحك وانا مابين شاكي وباكي
دورت لي بين المراجل رجاجيل = مادخن إلا كتف ذيك المراكي
والناس كل ٍ له زوايا وتأويل = وماكل من يهوى سكاكا سكاكي
قرآن توراه وطلاسم وإنجيل = مدري من تخلي ومنهو تحاكي
هذا وبه ناس ٍ تخيل بلا خيل = قطت مجاديفي وشلت حراكي
العلم ماخلا رخوم وجواهيل = يزرع ولاهو بحاجة ٍ للتذاكي
كل عابر ٍ عنده لممشاه تعليل = وأنا أتحمل ماتصيده شباكي
حنا افطمتنا ياحمد كذبة ابريل = وشلون نقلبها نظام اشتراكي
صرنا نقدس للوصايه تماثيل = وهذا شياطيني وهذا ملاكي
تكفى ببعثر لوعة للمساطيل = ماني لبو جهل ٍ وآله معاكي

[سالم السويلمي]

السماء لاتأتي بنتائج , بل تأتي بوسائل مساعدة



على سبيل المثال ,,,,

تأتي بالمطر : والمطر هنا ليس غايه بل وسيله لإحياء الأرض



قال تعالى : (والله انزل من السماء ماء فاحيا به الارض بعد موتها ان في ذلك لاية لقوم يسمعون )



آيه لقوم يسمعون : أليس باستطاعة الله أن يحيي الأرض بلا مطر ؟





السماء تأتي بالصواعق :

قال تعالى : ( وسبحان الذي يرسل الصواعق فيصيب بها من يشاء ويصرفه عن من يشاء )



يصيب بها لأسباب ويصرفها لأسباب !!



أليس الله قادراً على تدبر أمر هذه الأسباب بلا صواعق ؟؟؟





السماء تأتي لنا بالرسالات

لماذا ؟



لتصحيح الأوضاع البشريه والمعتقدات الخاطئة التي وضعها البشر والتي ينتج عنها بطبيعة الحال

كوارث إنسانية





انظر إلى الكون ياعزيزي

ستجده عباره عن معادلات



والسماء لاتأتي لنا إلا بعناصر تساهم بتعديل نتائج هذه المعادلات وتصحيحها



المطر ----> إحياء الأرض

الصواعق --- > لإحداث أو صرف أسباب معينه

الرسالات ---> لتصحيح الأوضاع البشريه للمحافظة على الإنسانية





مشكلتنا ياعزيزي أننا نقدس العناصر وندوس على النتائج التي هي الأصل

ولولاها لما أرسلت لنا السماء هذه العناصر المؤثرة في المعادلات الكونيه





لا أجد تشبيهاً لوضعنا الحالي

إلا بصاحب بستان

لديه في بستانه شجرة مباركة

لا يعلم عنها

في كل صيف وبعد أن تجدب الأرض

يرسل الرب له المطر في أصعب الظروف لإحياء هذا البستان المحيط بالشجرة المباركه



ولشكر الآلهة , إنتزع هذه الشجره المباركة وصنع من أخشابها ضريح لشكر الآلهة التي ترسل له الماء





فهو هنا أفسد الأصل ( الشجرة المباركة ) وشكر الله على الوسيلة ( المطر )





لذا فأننا لن ننعم بمجتمع مفتوح متحضر وراق ٍ

مالم نقدس الإنسانية قبل القيم السماويه

[سالم السويلمي]

ملوك الشعر
أسسوهـ . أهل الشرقية
وطوروهـ . أهل الجنوب
وجرحوهـ . أهل الشمال
وأحتضنوهـ . أهل الغربيه

[سالم السويلمي]

ماخذلتك جعل يخذلني السرور = كل مافي الأمر هيبة وإحترام
يافتاة الكبر يا أخت الغرور = ياعظيمه كيف غيبات العظام ؟
صرت باقه ما توطنها الزهور = أو مدينه جل أهاليها يتام
من رحلتي من حدور ليا حدور = و المحاني من زحام اليا زحام
أستمد الصبر من قاع الجذور = والأمل يُخذل ويرتاع ويضام
وألعب بمأساة عمري ألف دور = وأتجرد من أهازيج الملام
وأعبر لوصلك ملايين البحور = وأغرق بغبة تفاهات الكلام
وأتمنى والأماني ماتثور = وأبتديبك وأظفر بمسك الختام
آه ليتك تعرفين بما يدور = في فؤادي من أحاسيس وغرام

[سالم السويلمي]

حنيت ياعمر الشقى للتعاليل = والا كرهت من السكينه سكينه
وشلون من بعد الصخب والتهاويل = واليوم تجهلني دروب المدينه
ماكني الا من عطى عينه الليل = والليل يستمطر من دموع عينه
واضحى على الذكرى يصف التماثيل = على رفوف اللي بقى من سنينه
حتى رضخ لظروف وقته بلا حيل = ومن وين ماهبّت يسوق السفينه
واليوم ياعمر الشقى طافح الكيل = حنيت لجنون الصخب ياحنينه
انفض غبار الساكنه و أسرج الخيل = وذكّر بصولاتي دروب المدينه

[سالم السويلمي]

كبيره مدينتنا وياخوك أنا الملهود = أسوق القدم مدري على وين وجهتها
تطيع القدم فكري ولو دربها المسدود = يبعثر من اهوال الطريق بمتاهتها
طويله هي ايامي و باب الامل مفقود = أمتّر شوارعها واقيّس مسافتها
وياخوك انا مالي بدرب العنا مقصود = خذت فكري العبره ولبيت رغبتها
عسى تنسقى عيني ولو ماني بموعود = بوابل نظر صدفه وتسعد بشوفتها
وانا ادري واشوف ان مابها بارقن ورعود = ولا غيمةٍ تروي الفِيَاض بغزارتها
ولكن مدينتنا كبيره وانا الملهود = أسوق القدم مدري على وين وجهتها

[سالم السويلمي]

http://mlokshaer.com/vb/showthread.php?p=163482#post163482

[سالم السويلمي]

للحسد بعيون الجماعة مداهيل = مالوم من هاجر ومن سافر وهج
أجوائهم تعطي على الطبع تدليل = متأقلمه مع طبعهم كلها عج

[سالم السويلمي]

من يبتعد عني وانا بقمة الشوق
في رجعته كل المشاعر تساوى

يانجم عمري كان لك وضع مرموق
ماكنت اظن ان النجوم اتهاوى