%^%^%شمعه بدروب كفيف%^%^% [الأرشيف] - منتديات ملوك الشعر

وايليه

06-27-2010, 09:36 AM

ياسحابه زمجري بالرعد هلي دموع=في ثرى قلبٍ تعود على شح المطر
إنثري وبلك على قاع قلبي في خشوع = واسقي ارضٍ قاحله مانبت فيها شجر
وش اسوي دام ماهل وابلها بطوع = في ربيع العمر وش حيلتي يومه قصر
دامها تطلب ثرى القلب ماطلبها الرجوع = دام قلبي من مخايل بشايرها سكر
لامتى والقلب يعصف وسط حدب الضلوع = لامتى والجرح ينزف من اسباب القدر
وش يسَكن هم قلبي سوى كثر الركوع = ورفعت ايديني وذلي بساعات السحر
ودامها فكره بضوي على الفكره شموع = والا انا لاخلت غيمه ولا شفت المطر

وايليه

06-27-2010, 06:35 PM

رحل... وإبكي على الذكرى مدام ان المحط قّبور = رحل ...وابكي وسط حظني على ذكراه بغيابه
رحل ... وإبكي على وعده ابي ارجع( جهزي لي غرور) = (ابي احظنها والاعبها غنوج وحيل لعابه)
رحل... ماهو على الموعد براجع صاحبك مجبور = رحل والعمر يابنتي وديعه جاه طلابه
رحل ...لاتحتري طيفه يداعب قلبك المكسور = رحل ...قبل الرحيل المر شرع للحزن بابه
تعالي واحظنيني حييييل ونوحي ..مابقى مستور = بريق الدمع بعيونك سؤال ولاله إيجابه
تعالي مايفيد إنا نضوي للكفيف النور = تعالي مايفيد إنا نحط آمال كذابه
تعالي والمسي نبضه مترجم مايبي دكتور= تعالي ...زفرة انفاسه تترجم كل ماصابه
تعالي واقري القرآن عنده بالخفى واجهور =لعل الروح لاجاها نزوع الموت ماتهابه
تعالي سابقي اللحظات قبل يغادر العصفور =قبل لاترجف اغصان الشجر واتطيح مرتابه
قبل يضمى الخفوق لشوفته يصرخ وهو مذعور = (على لمة حّداده )والأماني تِقطع اطنابه
قبل( صرخة يتيمه )قبل لاتبكي عليه (غرور) = قبل لاتلوج بعيون الحضور تّقول( ابي بابه)

وايليه

06-29-2010, 02:12 AM

لوذي بخفايا خافقي والزمي الصمت !!!!!!= والا انحبي ماهي قليله شجوني
ماخذت من كثر الحكي لاتكلمت = ياكود دمعه جاوبتها عيوني
تدرين آكابر ونتي لاتألمت = اخاف دمعاتي تبين شجوني
لاما تدعى حزن وقتك وانا همت = في دنيتي ياليتهم يفهموني
ليه احفرو قبر الأمل في ثرى الصمت =وليه انعشو جسم الألم في سكوني
ليه اسلبوني قوتي يوم عزمت = احمي ورودي في ذرا دفء كوني

وايليه

06-29-2010, 02:16 AM

ابتسم ... رغم الألم ...وانكسارات الهزيمه =لجل مايفرح زماني بلذات انتصاره

وايليه

06-30-2010, 03:10 AM

ياصرت اخفي همومي ليه تفضحني؟ = للشيب قصه طويله وش تبي فيها؟
القلب شب وتشيب وانتهى محني = لوهو سلى عن همومه وش يسليها
متعوده في عتيم الليل تلفحني = وفي وسط قلبي الحفها وغطيها
وعودتها لاضحك سني تسامحني = لان ضحكتي ماتهجدها في محاميها

وايليه

07-01-2010, 02:59 AM

غفت حزت غفل عنها الزمان ونزل السكين = وجاها وسط غفوتها يداوي قسوة سّنينه
يمسّح دمعها ويقول يكفي حزن لاتبكين =دعاني من قبور الصمت حزنٍ ما تخَفينه
على وعدي انا جيتك ..منام بغفلة الحيين = وانا ادري مابقى مني سوى طفلٍ تظمينه
بكيتي ريحة عّطوري ؟؟؟ بكيتي حبنا مّن سنين ؟؟؟ = عبس وجه الزمان وسل في وجهك سكاكينه ؟؟؟
انا الراحل ولا لي دور امسح دمعة الغالين = ينادي قبري المظلم وروحي بسيف تحيينه
ولكن !!! بعتذر منك اذا بقلبك عليا شين = وانا ادري اني سبب حزنٍ من فراقي تعيشينه
صحت من حلمها تصرخ تعال لّواقع المسكين = حبيبي من عشق وشلون يرحل عن محبينه
بكت ,, قالت ابي شيخٍ لعل برؤيتي يفتين= ياعله في جنان الخلد ينعم في بساتينه سألته
سألته قولي الرؤيا وانا بسأل شيوخ الدين = بكت ...قالت لفى خالد مسك يدي بيدّينه
مسح دمعي ...لمس جرحي وقال ارجوك لاتبكين = وتوارى بالثرى وقلبي صرخ من لوعتي وينه ؟؟؟؟
مساااااافاتٍ عجز عنها الوصول بواقع الحيين = على قصر المسافا الفاصله مابيني وبينه انتهى الحلم ولم ينتهي الحزن

وايليه

07-03-2010, 05:33 PM

كنت اظني بعالم الحزن إنفردت =والمواجع تحتويني كيفها
مانت بالمسرح ...ولكن مابتعدت= عن معارك حزنها وعن سيفها
لاتظن إني على شّعورك نقدت =آعرف صدق القلوب وزيفها
شدني وصفك ويوم انك قصدت = كن عينك ماتفارق طيفها

وايليه

07-04-2010, 03:46 PM

خافقي ياصاحبي دِكت حصونه = مابقى شيّن بقلبي له حصانه

وايليه

07-05-2010, 07:13 PM

يعلمني غلاه ومدرسة حبه شعر وشّعور =يعلمني على حبٍ رحل من داخل اعماقي
يبيني اكتب اشّعوري ونسى بان القلم مكسور = كسرته من كثر ماكتب نسيت الحب ياوراقي
تأملت الفضى وكيف الفضى في ناظر المحشور = ليا غابت عليه الشمس وهو في سكرته باقي
عرف بان المشاعر نار وعينه ماتشوف النور = وعرف بان الفضى صدره متى ماضاق به ضاقي

وعرف بان العذاب اكبر من انه يكتبه بّسطور = وبأن اكبر عذابات الزمن لاحل الفّراقي
الا ياشين لوعات الفراق وخاطرك مجبور = يهونها بدمعة ياس على الأطلال تنساقي
تركت القلب به ارضٍ خصيب وبه رميت بّذور = وخايلت البذور اتقول الا يارحمة الساقي
سقيته دمعةٍهلت وصارت عقبها ارضي بور = حرارتها اقتلت زرعي قبل لاشوف الأوراقي

وايليه

07-06-2010, 02:13 PM

لاتروح ابعد من التفكير وانت هّنيا = لايجرك وانت بّمجلسي وتنساني
كل همٍ في ضميرك إعرف إنه فيا = والألم لو ماسكن في خافقك ماجاني
أعّرف اللي لايجن بك لو تبي ماريا = قبل ماتنطق شفاهك ينطق ابّها لساني

وايليه

07-07-2010, 02:08 AM

ليه صمتي ؟؟؟؟ ذوب الصمت وجّبال الجليد = إخترق صمتي وزيد الحراره بجّسدي
إنسرق في غفلة الوقت إحساسٍ فريد = كيف ابِ امشي بعد ماغاب حسي واهتدي
صامته ؟؟؟ ادري ! وكل يوم انا صمتي يزيد = قصة البحث الطويله خذت كل اجّهدي
خارت اقوايا على صخرت الماضي البعيد = وانهمر دمعي على حاضري مادري غدي
(كيف تبغى الورد ينبت وفي صحراً جريد )= (والسموم يّعيث فيها ويَقول الها اوردي)
لاتّعذب خافقي (يكفي إن القلب بيد ) = والأمل ابعد من اسهيل عني والجدي
رجع احساسي وجيب القلم وأخذ القصيد = واسقني حبك وياليت تفهم مقصدي

وايليه

07-08-2010, 02:57 PM

اقدر اقول إن الغلا بيننا مات = ماعاد باقي شي منشان نبكيه
فقدت منك الحب بامس الأوقات = وشلون تبغى فاقد الشي يعطيه

وايليه

07-10-2010, 02:56 AM

لا تعاتبني وتتمنى اماني = لا تقول الحب والدنيا السعيده
شفت حزني حطم احدود الزماني = شفت انا والحزن شطرين بقصيده
لاتلوم القلب ماكثر مايعاني = صابرٍ والجرح في داخل وريده
كان تبغى حب نساني زماني = كل إحساسٍ يخليني سعيده
آآآآآآآآآآآه من قلبٍ سكن وسط المحاني = مقفلات ومحكماتٍ حيل قيده
خلني وارحل انا هذا مكاني = خلني وارحل ودور سيد سيده
والا انا برحل واعيش بجو ثاني = ابكي واصرخ واسوي اللي اريد
لاتحاصر دمعتي لاتصير اناني = خلها تذرف على الفرحَ البعيده
مارثيت الفرح لاكنه رثاني = لاتحسبه هدم بيوتٍ مشيده
مابنى لي شي لجل اوقف ثواني = داخل الأطلال واكتب به قصيد
اقتنعت ان الحزن يربط لّساني = وشفت انا والحزن شطرين بقصيده من دفاتري القديمه

وايليه

07-10-2010, 10:03 PM

صاحبي ...خل العتب جانباً. ماني بمخطي= ولاتظن بيوم تفرح بعذري عن خطاك
كان قصدك عذر مني فوالله كود تبطي = ماتّعرف للحين طبعي . علامك ؟ وش دهاك؟
مثلي الغيمه ليا من عطت بالحيل تعطي = بس شفها لاعطت وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ناظر في سماك

وايليه

07-12-2010, 03:39 AM

خذ بثاري من زمانٍ حطني نيشانه = واطعنه في رمح غدره مثل مايطعني
وانتشلني من عذاب الوقت واستهوانه = وانتصرلي من همومي ومن بعدها اركني
اوتعلم دام قلبي فاتحٍ بيبانه = اسكنه مثل الجروح وليه ماتسكني
اضعف قّلوب البشر قلبي فهز اركانه = او تخلى مثل ماغيرك تخلى عني
شفتني اروي ضمى العالم وانا ضميانه ؟= اسقني ميٍ قراح ولا تخيب ظني

وايليه

07-18-2010, 04:27 AM

انا إنسان من حقي اعيش الفرح في دنياي = ذبحت الحلم في نفسي وموت الأمل فيني

وايليه

07-18-2010, 08:34 AM

لاإله إلا انت سبحانك إني كنت من الظالمين

وايليه

07-19-2010, 04:40 PM

http://i44.servimg.com/u/f44/11/54/16/89/712.jpg

وايليه

07-22-2010, 02:07 PM

http://vb.arabseyes.com/uploaded/4_1199317004.jpg
طلال دندن.. ولا تّدندن على قافي = عزيت قيفان شعري لاتطمنها .
انارفع الشعر لوهي ناعما اكتافي = واخوض اصعب ابحوره واتمكنها
اترك هماج البحور ومشربي صافي = واعانق المزن وانثر غيثها منها
اروي به اكبود ناس فعلها وافي = شامت عن المصخره واللي يدندنها
شعري وسمته وسم بيّن ماهو خافي = ويلان وافعالهم كلن يثمنها عتاب لأبني

وايليه

07-28-2010, 06:20 PM

http://vb.k1e1.com/image/k1e1-5.jpg

اجرحي قلبي وعيثي وسط قلبي فساد = واسكني به دام مافيه غيرك يسكنه
وإسرقي من غفوة العين احلام الرقاد= وإغدري في فرحتي دام جتك مأمنه
إقتليها ! دامها توها وسط المهاد= وش يخليها تعيش ابزمن ماهو ..ازمنه
وإدفنيها دامها ماقوة معك العناد = خلي بقلبي. ضريحه ومن قلبي اكفنه
إسكنيني ..لك بقلبي مساحات وبلاد = دام قلبي مالقى غير( همه )يسكنه

وايليه

07-30-2010, 02:33 PM

http://www.moveed.com/data/media/47/17.JPG

قلبي صحاري قــــاحله مابها مي = وحتى منااخه ......مثل شبه الجزيرهـ
مايجير.... من حـــــامي؛؛ لوهايبــها في = وان جــــا ؛؛هوهــــا ,,,,تقل نارٍ سعيرهـ
وشمسٍ وهجها يرمي الطاير الحي = وطيري رمته الشمس واجهل مصيرهـ
وياستسلمت للغرب...... او قبله اشوي = جتني همومي .....تقل قوم امغيرهـ
اشد وطئه..///// من جيوش المــــــغولي = لو قادها جنكــــــــــيز////// غير مسيرهـ
قال ..اتركو قلب انهكه قلت المي = وحروب ...حطت به جروحٍ خطيرهـ
ياقلبي اللي...... غـــار في داخلك كي = اصبر...... لعل الصــــبر عقباه خيرهـ

وايليه

07-30-2010, 03:14 PM

http://www.khaleelstyle.com/new/2006/3_06/yasin20061.jpghttp://www.palestine-info.info/ar/DataFiles/Cache/TempImgs/2007/1/Images_News_2007_march_21_Yassin_300_0.jpg

قولو لغزه... تعلن احدادها سنين = قولو لها كسرك صعيبٍ اجباره
قولو لها ابكي على الشيخ ياسين= إبكي على رمز الفخر والوقاره
خلى اليهود... اتوه مثل المجانين = شيخٍ يهز اعداه بابسط ...عباره
خلى ثرى غزه..... عليهم براكين = وعلم صغير السن يحمل احجاره

هذه القصيده عندما اعلن خبر اغتيال (استشهاد) شيخ الشهداء احمد ياسين وأعلن الحداد في غزه 3 ايام (من الأرشيف)

وايليه

07-31-2010, 01:19 AM

http://www.acaciabahrain.com/aboelezz/images//9571.jpg

ليل,وقمر ,ونجوم ونسماتٍ اتريح = وصوت البراءه واندفاع الطفوله
وانغام تُعزف مع صرير المراجيح = لاحركتها ايدين طفله خجوله
وطفلٍ خطى اول خطاويه وايطيح = وتركض له امه في خطاوي عجوله
وصوت الشجر لاحركته اللوافيح = لاهي شديده حيل ولاهي جفوله
جوٍ يخلي داخلي تسكن الريح= انسى الهموم وههرج ناسٍ عذوله
ابعدت نفسي عن كلام المشافيح = وريحت راسي من وكالة يقوله

عرعر دائما في عيوني جميله وكان ذلك المساء اجمل

وايليه

07-31-2010, 05:00 AM

يال تلك العبره التي تقف امام هذا الموقف وتحير..

هاأنا استصرخ اناشد الدمع بربك امطرني علي ارتاح مالك تحجرت ؟

تفطرقلبي حزناً مالك تحجرت؟؟؟؟

ضاقت بي الأرض بما رحبت مالك تحجرت ؟؟؟

العبره تطبق على انفاسي مالك تحجرت ؟؟؟

لست عزيزا يادمعي\

.

.[/size][/color]
بل انت في قمة الأنانيه

وايليه

07-31-2010, 06:18 PM

http://forum.te3p.com/members/435602-albums5560-picture44476.jpg

ذكرى العشر سنوات

كل عام... وانتا نور عيني وراحي =كل عام وانتا ؟؟شمعة تنور الكون

كل عام وانت الحب واجمل افراحي = ياحب عمري لو يقولون. مجنون

دنياي ظلمه وانت نور الصباحي= وانت الهوى. والمي. ياشوف العيون

ياغبت عني.. قيل ماني بصاحي = وياصرت عندي .زينت العقل وشلون
اليوم(( عشر سنين ))حبٍ مباحي = حب نمى بقلوب.ناسٍ يحبون

حبٍ رسى ...ماطيرته الرياحي = مايفسده حاس ..وسافل وملعون

خل العذول... بلومنا ماستراحي = وحنا نعيش بحبنا ..وهو مطعون

اليوم اقول بصدق... حبٍ مباحي = كل {عام وانت بخير} ياحب مفتون

لو كان لي ان اغير تسميتها لسميتها الزمن الجميل 1424

وايليه

07-31-2010, 07:15 PM

http://vb.arabseyes.com/imgcache/12069.imgcache http://vb.arabseyes.com/imgcache/12065.imgcache

ليه اقتحم ليلي وحلو احلامي = وليه اقتحم حلّي وهو ترحالي

وليه المشاعر تنهزم لاخلته = تنهار وهي الشامخ المتعالي

وشلون خلاني احب الوحده = واحاوره كنه.. صحيح اقبالي

واعاتبه واشم عطر انفاسه= واظم طيفٍ..... مايفارق بالي

واجالسه لان صورته بعيوني = واتخيله متحمسٍ لوصالي

من بقايا الزمن الجميل

وايليه

08-04-2010, 09:34 PM

http://vb.arabseyes.com/imgcache/61655.imgcache

يمهـ ألم ...تحطمت دونهـ الأآآآآآآآآآآآآه

يمهـ حزن... يطبق على انفاس صدري

يمهـ وهم ...شكل الأمل واترجاااااهـ

يمهـ عدم . راحت بهـ اسنين عمري

يمهـ يموت الضحك...لاحرك اشفاهـ

طيف الفرح يٌغتال من دون.صدري

يمهـ فقدت الفرح...وشلون ابِ القاهـ

يمه نسيت (.....) وشلون ؟؟؟مادري

يمهـ حبست الدمع يوم اني اقوااااه

لا مانشف مابين... مدهـ وجزري

يمهـ يعيش الورد لامن فقد مااهـ ؟؟؟؟؟؟؟؟

ماظنتي يماااااااااا.......اااااااااااهـ!!!

(بيموت بدري)

وايليه

08-10-2010, 08:06 AM

http://pic.jeddahbikers.com/data/media/6/catarinav7.jpg

سقيت الحزن فيني .من دموعي =واداري علتي. واخشى الملاما
واطفي ناااااار تحرق في ضلوعي= تجزي العين ......عن لذ المناما
جزع قلبٍ ..ماحسب انه جزوعي=من اهمومٍ ....على قلبي تراما
تعود حمل ويلااااااات... ووجوعي=ولكن خانني!!!!! !!!مادري علاما

وايليه

08-10-2010, 09:31 PM

اللهم انك عفو تحب العفو فاعفو عني

وايليه

09-10-2010, 05:41 AM

1 -10 -1431

http://tot0.jeeran.com/emp_rz1.gif

http://www.majalisna.com/gallery/14/14_611_1060961502.jpg

وايليه

09-28-2010, 08:27 AM

دقو الطيران جتكم عروس احلا القصايد = وانشدو هب السعد هب يالحفل السعيد

جت عروسٍ تلهم الشعر اعقودٍ فرايد = تلهم الشعار احاسيس واتهز القصيد

وصفها احسن من الحسن في رايٍ مُحايد= كيف اناظر جمة الحسن ومن بعده احيد

العيون اوساع تنذر بأنه موت كايد = والرموش ارماح ماخالفت هقوة عقيد

والخدود اورود جوري على بيض الوسايد= والشعر ليل وعلى الليل في ظلمه يزيد

والنحر هيبة محنك ووسط الحب قايد = خارجٍ من صولة الحرب بالنصر الأكيد

اقبلي ياروعة الحفل ياريم العنايد= ياملاك الطهر ياجمة الحسن الفريد

دَقو الطيران والعيد في طلتك عايد = ياعروس الحفل يافرحة اليوم السعيد

اهداااااء لأحلى عروس

http://pic.jeddahbikers.com/data/media/18/ef7fec1303.gif

وايليه

10-21-2010, 03:56 AM

http://i44.servimg.com/u/f44/11/54/16/89/712.jpg

بحر مغنا

جيت لك والمـوج كسـر مجاديـف الشعـور=واغرق المركب.. وطوق النجا ماهوبيدي

جيت لك .. يابحر مغنا وانا بعز الصقور=شامخه .ماحرك الـذل شعـره باجسـدي

جيـت لـك. والمـوج هايـج وطـارنّ الطيـور=وانتبهت إلا الأحاسيس جت يمي .. تعدي

ماتت الضحكه مع امواج لاطمـن الصخـور=وهلت الدمعه.. تسآءل وش اسباب اجهدي

قلت له... طارت حمامه ورى سرب الطيور=واتــركــت عــشــه تــــدور.. لـعـلــه تـهــتــدي

علّها.. تلقى السعاده بلى سجن الصدور=غادرت عشه وانا همت بالدنيا اوحـدي

ومرن العشرين عامٍ. مع ايام.. وشهور=لارجعـت ليـا. ولا قلـت يالله عّــودي

لين شفت الموج هايج وخلف بي كسور=خلتنـي آخـذ مـن الـرمـل وارمـيـه بـيـدي

ليه ذكرني بطيرٍ. رحل ظلمٍ وجور=تـاركٍ عشـه. يـدور بلـد مـاهـو بـلـدي

يـوم انـا احكمـت سجنـه وخالجنـي شعـور=ان قلبي في ظلوعي واحاسيسي .. بيدي

خلت انا قلبي محصن عن السهم الجسور=وخلت حصني صلب ماراح شينّ يعتـدي

غـادرة.. حمـامـة الـصـدر اســوار القـصـور=وحصنها الصامد.. وجافت عيوني مرقدي

يابحـر مغـنـا لوآجـيـك بـامـواج الشـعـور=غير اشيلك من اعماقك ولا عاد تهدي

حسـبـي الله سـاعـةٍ كنـهـا عـنـدي دهـــور=رجعت ثلثين عمري وهدت لي اجهدي

لين صار الكون عندي مثل صمت القبور=وصــارت الدنـيـا بعيـنـي ظـــلامٍ سـرمــدي

وايليه

11-30-2010, 05:34 PM

http://thumbs.bc.jncdn.com/1d1a070baae98e1580b6777b118738ac_lm.jpg

ادلهم الخطب واحتد الخطيب = وارتعد من قو صوته منبره

ابعد الجمع المبجل والمهيب = ثم نسى ان العفو عند المقدره

معلنٍ حربه بلا قص او رقيب = وسل سيفه واستغل الجمهره

التفت يم ذالك الوجه الكئيب =جااهل كل الحزن في مظهره

وبين صرخات النصر كتمة نحيب = تختنق ماحركة فيه اشعره

اهمس بقلبي لعله يستجيب = اصرخ بصوتك لعلك تذعره