مقطتفات

[مهند الشدادي]

السلام عليكم ورحمة الله وبركاته

ابيات لم تكتمل وضعتها هنا لانها دون سبع ابيات اتمنى ترتقي لذائقتكم

الأوله


ليت الذي بكثر الهرج ناوي ٍ فيك=يفدى رجولك ياوطن بالعلالي
تبقى الحياه اليا غدينّا مهاليك=ورمز السمو بعيوننا اوّل وتالي
بين المحاني رسمتك والهوى هيك=لو الردى ماليك عنده مثالي

الثانيه


ما ردّ يدّي يارفيقي خوف=الا احترام العشره واتوقير
ما ظنتي الي ما جرالي اصدوف=الا مكايد لطرايد بير
ان صار عزي لك يحرّ الجوف=ارحل وانا راحل بلا تحذير

الثالثه


يا مدوّر الاشعار يمين ويسار=لا تخالط الغيلان و تخرّ ساجد
دام ٍ عيون الذيب ماتنام جسّار=اصح وتصحح يا أفندي بتواجد
عصّرت عجزي من قصاصيد الاشعار=وشوف المعاني غالية كالعساجد
واعرف بإن الرجل دايس للأخطار=وما همّته بلوى الزمن لو تراجد
ولا تشوف روحك تستمي فوق الاقطار=لا يستخف عقلك ل مازن و ماجد
لخصت لك قولي وانا مصنف ابكار=وعندي من البكرات توجد مواجد

الرابعه


يا استاذ ليه الهرج ماني بهلباج===وحاسبك شوفه اصدع الراس واشقى
هرج ٍ تهذريبه و لا منه انتاج=يوم العوالم في حنايايا تلقى
ضيقه من الرفقه وحزن ٍ كالامواج=وانا المراكب بالجبال اتشلقى


سلامتكم

[عبدالعزيز التويجري]

أخي الشاعر المبدع الرائع مهند الشدادي :
منذ دخلت هذا المنتدى وأنا أتابع جديدك بشغف
لأنك شاعر فذ وأحد عمالقة الشعر في هذا الزمن
دمت بخير ودام التوفيق والإبداع حليفك .

[مهند الشدادي]

صح بدنك واسف على تأخر الردّ

وشكرا على مرورك الرائع