المساعد الشخصي الرقمي

مشاهدة النسخة كاملة : على عجل ياطرقي؟؟؟؟

رداد الذويبي العتيبي
06-08-2008, 11:09 PM
اخي طرقي

سلام لك ولمن يحضر هنا وتراني طرحت هالبيتين

عسانا نلقى من يجارينا ونتسلى ومنها ننعش

القسم واسمحوا لي اذا بادرت واخللت في الموعد

المرسوم 00 وللكل الموده والتقدير


سلام الله سلامن مايبي تاخير ياشعار = رضي طرقي وحدد وقت ياستار ياكافي

وميدان الشعر يحتاج نشعل فيه مثل النار= ومن يقرب بجنب النار مايحتاج للحافي
مسفر القحطاني
06-09-2008, 02:05 PM
الله الله

والله العظيم ما شفت الموضوع الا بعد ما ارسلت لي الوضحى

المعذره منك يالغالي وابشر بالسعد والوعد الليله الساعه 9

ولا احد يتاخر



هلا يا مرحبا ترحيبة تتجاز الرادار=اكيفها واقيسها مدام الجو لي صافي

الا يا صاحبي رداد كانك للبحر بحار=فلا تقرب من امواج البحر من غير مجدافي
رداد الذويبي العتيبي
06-09-2008, 02:54 PM
مايحتاج عذر نحن اخوان وهدفنا واحد

هو تحريك هذا القسم الجديد بما انك مشرف عليه

وصح الساااانك على الرد الجميل والرائع

والله يعطيني خيرك خخخخخخخخخخخخخخخ

انا شويعر على كد حالي يالغالي

وابشر على الميعاد ان شاء الله مانتاخر

تقبل شكري وخالص تحيتي
العنود
06-09-2008, 03:11 PM
ستكون محاورة رائعة

ننتظرها بشغف فأهلا بكما .
رداد الذويبي العتيبي
06-09-2008, 03:13 PM
يبيض وجهك اختي العنود

وان شاء الله تجدون مايروي ذائقتكم

تحيتي وتقديري لك
محمد الدهمشي
06-09-2008, 07:08 PM
ننتظر الابداع من شعرائنا المبدعين


طرقي ,,, رداد العتيبي
رداد الذويبي العتيبي
06-09-2008, 07:36 PM
اخوي محمد وراك عجل الله يهديك

سويتها فالشريط من شان يحضرون الناس

خخخخخخخخخخخخخخخخخخخخ

ترى نمزح مع بعض انا وطرقي

لكن يالله حنا لها وانا اخوك

وان شاء الله تستمتعون جميعا اذا الله اراد

بس الله فالوقفه معي طرقي بين عليه

خطير

شكرا لك اخوي محمد على الطله الجميله
مسفر القحطاني
06-09-2008, 07:48 PM
السلام عليكم

ارحب بالجميع وحياكم الله
ونحن على الموعد ان شاء الله


رداد والله انا اللي شكلي تورطت معك بس الله يعين

جاهز والليل الليل
رداد الذويبي العتيبي
06-09-2008, 09:09 PM
السلام عليكم ورحمة الله وبركاته

اسمحوا لنا فالتاخير وقت صلاه

وهذا نحن وصلنا


يدوم الك البقا ياللي سوات الضلع ماينهار =ولو صكت عليه النايبه من كل الاطرافي

انا ضيفن على اللي لا لفاه الضيف مايحتار =وموج البحر مايرعب شجيعا للبحر لافي
رداد الذويبي العتيبي
06-09-2008, 09:16 PM
سرى الليل وانا اخوك ياطرقي

سرها لاهنت
][ـالـــــورد][
06-09-2008, 09:27 PM
يدوم الك البقا ياللي سوات الضلع ماينهـار
ولو صكت عليه النايبه من كل الاطرافـي
انا ضيفن على اللي لا لفاه الضيف مايحتار
وموج البحر مايرعب شجيعا للبحر لافـي




رائعه يارداد ولا هان شاعرنا الطرقي

الــورد متابعه لهذا الجمالـ
مسفر القحطاني
06-09-2008, 09:41 PM
ارحب والله العظيم انه اشغلني رجال عزيز ماقدرت اتركه وافتح الجهاز


حاظر بحاظر
رداد الذويبي العتيبي
06-09-2008, 09:43 PM
مافيه مشكله الظروف تصير لكن الصفوف واينهم
رداد الذويبي العتيبي
06-09-2008, 09:46 PM
يدوم الك البقا ياللي سوات الضلع ماينهـار
ولو صكت عليه النايبه من كل الاطرافـي
انا ضيفن على اللي لا لفاه الضيف مايحتار
وموج البحر مايرعب شجيعا للبحر لافـي




رائعه يارداد ولا هان شاعرنا الطرقي

الــورد متابعه لهذا الجمالـ

الاروع وجودك اختي الورد الله محييك

والحمد لله على السلامه وماتشوفين

شر 0 واشكرك على المتابعه
مسفر القحطاني
06-09-2008, 09:51 PM
تقوله يا وسيع العرف وانته ماعليك غبار=تسوق الرجل يا بو زيد في ميدان ما تخافي

مادامك ضيف يا رجال عند اللي يعز الجار=فخلك في ذراه وما يجيك الليله خلافي
مسفر القحطاني
06-09-2008, 10:00 PM
ارسلت لك واحد رساله وعسى الله يجيبهم

وان ما حد جاء فنا وانت نمسك الصفين


انت بصفي وانا بصفك
رداد الذويبي العتيبي
06-09-2008, 10:01 PM
صح الساااانك ولاهنت

استلم استلم


نعم ستين باللي يحتمي ضيفه مع اهل الدار =وانا رجلي موقيها ولا امشي فالدير حافي
موصى من حياة العود لامني بغيت اختار =رفيق فاليسر والضيق يبقى دايما وافي
رداد الذويبي العتيبي
06-09-2008, 10:04 PM
يارجال ماعلينا نسوي واجبنا والناس تعرف واجبها
مسفر القحطاني
06-09-2008, 10:11 PM
ونعم بك وربعك يالعتيبي والزمن دوار=وحاذر وانتبه للرجل يا رجال محرافي

خوي الجنب من دونه نبيع ونرخص الاعمار=وانا في ذمتي ما اخوي اللي في البلد هافي
][ـالـــــورد][
06-09-2008, 10:12 PM
صح لسانكم ملايين ولا يكفووووووووووووووون

تابعو فالــورد متابعهـ
مسفر القحطاني
06-09-2008, 10:13 PM
صح لسانكم ملايين ولا يكفووووووووووووووون

تابعو فالــورد متابعهـ

ارحبي يا بنت الاجواد

وجدوتس له مكانه

تقديري
رداد الذويبي العتيبي
06-09-2008, 10:18 PM
ياسلم عليك ياسلام صح السانك واستلم يالنشمي


انا حاسب حسابي في طلوع الضلع والمحدار = وياكم من نهار فيه طفت الكل مشرافي
مدام انك تحب اهل الوفا وتقاتل الاشرار = ابيك تشوف الي حلين في معدوم الاوصافي
العنود
06-09-2008, 10:29 PM
أقول

يا زين الشعرااء ومحاورتهم ...متابعة بس تراني أحب أعلق .

وين باقي الشعراء ؟؟ وين أبو بسام ؟ والأخوان ؟
رداد الذويبي العتيبي
06-09-2008, 10:31 PM
أقول

يا زين الشعرااء ومحاورتهم ...متابعة بس تراني أحب أعلق .

وين باقي الشعراء ؟؟ وين أبو بسام ؟ والأخوان ؟


الله يزين ايامك وانا اخوك يالعنود انتي واختي الورد

وافيات وافيات وانتم فيكم البركه والخير منورين الموضوع

باكمله لاهنتن
مسفر القحطاني
06-09-2008, 10:32 PM
الله الله صح لسانك=

يقولون البحر يا صاحبي من خلقته غدار=وانا اقول البحر ما يبتلش به كل عرافي

تفضل وانتبه للناس لا تكشف لهم الاسرار=وسرك من ورى حدب الضلوع القاسيه خافي
مسفر القحطاني
06-09-2008, 10:34 PM
أقول

يا زين الشعرااء ومحاورتهم ...متابعة بس تراني أحب أعلق .

وين باقي الشعراء ؟؟ وين أبو بسام ؟ والأخوان ؟

ارحبي يالعنود

حياتس الله نورتي المحل

اقلطي وخذي راحتس علقي باللي تبينه

بالعكس اذا صار فيه تعليق ضبط الجو ويحلو

خصوصا اذا كانت من اللي مثلك


تقديري
رداد الذويبي العتيبي
06-09-2008, 10:39 PM
صح الساااانك ولاهنت


خذيت ايام سد ايام فعماق البحور انكار = وصار النا بعد طول الطريق الصعب منكافي

ندور للجواهر والجواهر تعجب التجار = ومر اطرب لها وامرار اشوف الشين واعافي
العنود
06-09-2008, 10:44 PM
تفضل وانتبه للناس لا تكشف لهم الاسـرار
وسرك من ورى حدب الضلوع القاسيه خافي


هذا البيت عن قصيدة

صح لسانك
رداد الذويبي العتيبي
06-09-2008, 10:47 PM
تعليقك على بيت اخوي طرقي في محله

وانا اقول نعم عن قصيده
مسفر القحطاني
06-09-2008, 10:54 PM
الله الله عليك يا مبدع

ترى لولو البحر يا صاحبي في داخل المحار=ومن لا يعرف المحار ضيع بين الاصدافي

انا ادري ان الجواهر تختلف في السوق بالاسعار=ولكن الذهب ما يصرفه يا كود صرافي
مسفر القحطاني
06-09-2008, 10:56 PM
تفضل وانتبه للناس لا تكشف لهم الاسـرار
وسرك من ورى حدب الضلوع القاسيه خافي


هذا البيت عن قصيدة

صح لسانك

صح بدنك يالغاليه

وهذا من ذوقك

وتعليقك يسعدني

تقديري
مسفر القحطاني
06-09-2008, 10:57 PM
تعليقك على بيت اخوي طرقي في محله

وانا اقول نعم عن قصيده

ماعلاك زود يا رداد

وانت بيوتك كلها عن قصايد

تقديري
العنود
06-09-2008, 11:03 PM
جميلة المحاورة عندما تخلو من المنافسة

تقديري لكما
رداد الذويبي العتيبي
06-09-2008, 11:04 PM
خخخخخخخخخخخخخخخخخخخخخخخ
صح السانننك واستلم لاهنت


انا عيني تدل الدرب لن قررت الي مشوار =ولكن البضايع غُشّها يبلي بلتلافي
ابي زين البضاعه يوم ادور محسب المخسار = ولكن الذهب يطلون ابه مليان وانحافي
رداد الذويبي العتيبي
06-09-2008, 11:09 PM
تسلمين اختي العنود

وهل هناك لنا من منافس يسعدنا ذلك
العنود
06-09-2008, 11:17 PM
رداد

عينك أو قلبك اللي يدل الدرب

وينك عن القول ( على هوى القلب تسير الأقدااام ) ؟؟
مسفر القحطاني
06-09-2008, 11:17 PM
لا يا جتك البضاعه ماعليها يا عملي شعار=فلا تشري البضاعه لو يجيك السعر خفافي

يطول والوقت ويبين الخلل في دقة المسمار=ونور الشمس يكشف لك عيوب اهل التزيافي
رداد الذويبي العتيبي
06-09-2008, 11:19 PM
رداد

عينك أو قلبك اللي يدل الدرب

وينك عن القول ( على هوى القلب تسير الأقدااام ) ؟؟


تسلمين على تعليقك وخيتي

ولكن من غمض عينه طاح والعين مفتاح القلب

لاهنتي ياغاليه
رداد الذويبي العتيبي
06-09-2008, 11:22 PM
الحقيقه سعدت كثيرا بك اخي طرقي وبمن شرفنا

هنا وما اجمل النقاش الهادي والحوار الطيب والله انك ممتع

واعذرني على هذه البيتين ولن يكون لقائنا الاول باذن الله
تشرفت كثيرا بالجميع وشعرت انني بين اخوتي


مساكين العبيد ان دقت الطبله يجيهم زار = وانا احمد خالقي لايبتلينا بالتخيلافي
ياطرقي كان ودك ياعميلي تنهي الادوار = ترى ليل السعد محلاه لو مليون محرافي
مسفر القحطاني
06-09-2008, 11:25 PM
الله الله
\
صح لسانك مليون

والحقيقه انا اللي سعيد بحضورك واللعب معك


زان شاء الله لنا لقاءات ولقاءات


تقديري
العنود
06-09-2008, 11:26 PM
أقول مايزين الطق إلا مع العبيد

بالله من يطق لنا لو ماهم فيه ؟؟

ومن يطربنا ؟؟

والله يا طقاقات العروس عليهم أصواات

لو تسمعها يجيك الزارر..وأسأل أهلك .
][ـالـــــورد][
06-09-2008, 11:27 PM
الله الله الله عليكمـ
نهنئ أنفسنـا بهذه الروعهـ

للدهشهـ محل هنا ’’
تابعو الانـاقهـ ’’
فنحن هنا
رداد الذويبي العتيبي
06-09-2008, 11:27 PM
لكم مني اجمل تحيتي وتقدير

وشكر لمن شاركونا هنا ولي رجاء ان تعمل للمحاوره تنسيق

لتكون مرتبه لمن يرغب مشاهدتها واستودعكم الله جميعا

واعذروني على القصور ان حدث مني زلل
رداد الذويبي العتيبي
06-09-2008, 11:29 PM
خخخخخخخخخخخخخخخخخخخخخخخ
الله يرج بليسك يالعنود

لايكون وقعت بفخ مدري
أبوبسام المجلاد
06-09-2008, 11:32 PM
هنا لفن المحاوره روعته
بين هذين الهرمين
فلاتفوتوا فرصة الاستمتاع
جتى لوجئتم متأخرين كحالي هنا
وبالتأكيد أنا الخاسر الأكبر بهذا التأخر
العنود
06-09-2008, 11:32 PM
لا والله سلامتك

بس حبيت أمزح معك .

شكرا للجميع وننتظر محاورة قادمة منكم .
][ـالـــــورد][
06-09-2008, 11:33 PM
بأنتظاركـ يارداد واعذرنـا عالقصور وبيض الله وجهكـ يالذيب ’’ واكيد الشعراء لهم عذر بالغياب ’’
العنود
06-09-2008, 11:36 PM
هلا بك أبو بسام

تمنيت لو كنت هنا معنا ...

لنعيش دهشة الشعر معك ولكن خيرها بغيرها إن شاء الله .
غلا نجد
06-10-2008, 12:25 AM
تفضل وانتبه للناس لا تكشف لهم الاسـرار
وسرك من ورى حدب الضلوع القاسيه خافي


من أجمل ما قراءت هنا

مبدعين كلكم’,

مودتي

غلا
محمد الدهمشي
06-10-2008, 01:26 AM
تحية اجلال وتقدير للمبدعين الرائعين

الشاعر رداد العتيبي

الشاعر طرقي



بيض الله وجيهكم على هالرديه الاكثر من رااائعه



أبدعتم وأمتعتم النظر



الله يقويكم وصح الله لسانكم جميع
الوضيحي
06-10-2008, 01:31 AM
اع ـتذر لحضوري المتـأخرعن هذا الجم ـآل


أبدعتوا وامتعتوا


صح ـت ألسنتكـــم وبـإنتظـآركم


فلا تدعونـآ نطييل الإنتظـآر


برآيفت طرقي >> ننتظــر تنسيقكـ لهـآ بموضوع مستقل


وـودي
عبد ربه القيسي
06-10-2008, 03:13 AM
صح ابداعكم...!



رداد ..مبدع ومرحبا بك ...!




طرقي ....رائع..../


تقديري
رداد الذويبي العتيبي
06-10-2008, 07:48 PM
بيض الله وجيهكم اجمعين على حضوركم

وجميل ردودكم فهي زياده للثقه بيننا

لنستطيع مشاركات مقبله ان شاء الله

لاهنتوا ومشكووووورين ياغالين
أبو فهد الفدعاني
06-10-2008, 09:33 PM
الرائعين

رداد العتيبي
طرقي

شكراً ملااااااااااااايين
على الروائع الجميلة

ابداع عالي وراقي

ننتظر لكم ملاعبات قادمة
فلا تحرمونا هذا الجمال

لكما أجمل التحايا

دمتم بحفظ الرحمن0000
تركي الشاماني
06-11-2008, 05:32 PM
صحت السنتكم



لنا لقاء ياراد وبعده مع طرقي
رداد الذويبي العتيبي
06-13-2008, 02:04 PM
مشكورين على حضوركم وردودكم ولاهنتوا

وابشر يالشاماني من يدورنا لقانا

مالك اللي يسرك بارك الله فيك

تقبلوا التحيه