ناظر عيوني

[الشاعر عبدالله الرفاعي]

ناظر عيوني
ناظـر عيونـي وشـوف الدمـوع=يوم شفت ايدينـك لاحـت بالوداعـه
يوم نويـت الرحيـل بليـا رجـوع=سرت أهل دموع عيني بكل ساعـه
الروح ما بها حيله غيـر الخضـوع=صابره وحدّهـا وقتهـا للخضاعـه
من غيبتـك أنطفـت كـل الشمـوع=بغيابك القلب مـا نـارت أشماعـه
العين تبكـي والقلـب دايـم هلـوع=خايف عليك من ظيم الزمان وهلاعه
ليه الرحيـل ياسيـد كـل الجمـوع=بحالي ترافقنـي ولوعنـدي جماعـه
أرفق بحالي لاتصير يمـي بشـوع=ياكـم قلـوب(ن) فرقتهـا البشاعـه
خلك بجنبي لاتصيـر يمـي قطـوع=ارحم قلب(ن) تعذب من زود القطاعه
تكفى تعود واسكـن بيـن الظلـوع=تكفى ترى من افراقك الروح ملتاعه
أهديك قلبي واحسبه ظمـن الـدروع=حافظ عليه وناظره بالثواني وراعـه
شوف كيف شريانـه بحبـك نبـوع=لاحان طرياك الفرح ساده وشاعـه

[محمد الناصري الحارثي]

ابدعت في المعنى والتصوير

عليك مراجعة الوزن

شكرا لك وبأنتظار مشاركاتك

[مهند الشدادي]

السلام عليكم ورحمة الله وبركاته

اولا:صح نبضك

ثانيا:جميعًا كانت لنا محاولات وافضلنا من استفاد منها

ثالثا:اتمنى تقرء المزيد من الشعر وتلحن بحيث لا تشعر بلسانك ثقل وتبتكر صور جديده

وشكرا لك