نداء للهيلا

[سفر اليامي]

سلام الله سلامٍ مايساق الا على الوافين=بدينا وابتدينا والطريق العسر نندله
عتيبه ياعتيبه وينكم لا قامت الصفين=يجينا شاعر منكم يعقد الحبل ويحله

[][ـالـــــورد][]

أستهلآل ٌ قوي ’’
مآشآء الله عليك ’’
صح لسآنك مليون ’’
بأنتظآر الهيلآ ’’
حيآك الله ’’

[سفر اليامي]

صح بدنك يالورد
اسم على مسمى
ويشرفني متابعتك

[طلال ناشي]

هلا يامرحبا ترحيبة الغالين بالغالين = على وضح النقا واللي يمر الدرب يفطله

تبينا مرنا في منتدى الهيلا وفالك زين = ليا مريت قالوا مرحبا ياحي هطله

هذي مشاركة بسيطه مع كل إحترامي لك سفر

وأعتذر عن الاكمال لست شاعر رد .

[سفر اليامي]

يدوم بك البقا ياشاعر يلعب على الحبلين=فرحنا يوم جا واحد من العتبان في حله
ترانا ياوسيع المعرفه مانطرد المقفين=يشرفني زيارتكم رجال مابها ذله

مرحبا ومسهلا ياطلال وانا ودي تكمل بس على راحتك
ويشرفني اللعب معك

[طلال ناشي]

يقولون الرجال الوحده تكفي عن الثنتين = ترى مافيه داعي يرسل اليامي وأنا ارسله

تشرفك الزياره وأنت صادق والعلوم تبين = وتنقل صورتك عبر الهوى لعيون خلق الله

أعتذر مره أخرى سفر - تحيااااتي

[شيهان الحبابي]

صحة السنتكم ولا عجمتوا

[شمايل]

مبدعين شعراؤنا

متابعين لكم

[محمد الناصري الحارثي]

ليه ماتكملون نبي نستانس يالربع

ماسكين الصف وصحة السنتكم

[البدوي]

سلام سلام
بيض الله وجيهكم
اليل ياشعار
كفو للداعي والمدعو
حاضر ومتابع
ارحب ياطلا ل
وارحب ياسفر

[البدوي]

طلال الليل وكلني وانا وياك بالتمرين =وحظي جابك الليله وعفاك الجمس والفله
يقولون ان سفر ذليل يبغي شاعر وله دين =وله خصه مع الهيلا وانا منهم على دله

[فواز العصيمي]

صح الله للسانك ياسفرر


بيتين جزله من جزل


ولااني بجاملك


من اجمل ماقريت من بيوت الفتل


وصح الله للسانك ياطلاال وطلال كفو وينوب عن الهيلا وصح الله للسانـه


بس والله اني تمنيت انها تطول هالمحاوره


الطرق زين والبحر يهيض


والله لايهينكم


صح اللسنتكم جميع


ولايهون البدووي صح الله للسانه ولاهان



تقبلو مرووري

[سفر اليامي]

انا احب الرجال الطيبه يامعرب الجدين=وانا ماحب رجال بلا مذهب ولا مله
عتيبه وكلوك وياعساك تحرر فلسطين=وش اسمك وين ربعك كان ربعك تمسك السله

[عبدالله بن طلال]

السلام عليكم


وصحت السنتكم يا شعّار .. كفيتوا و وفيتوا


وننتظر استمرار المحاورات في هذا الصرح الجميل (ملوكـ الشعر )


تحياتي للجميع

[ياسر الوادعي]

عشت ياهمداني


عساكم على القوه