المساعد الشخصي الرقمي

مشاهدة النسخة كاملة : اللي يبي يلعب معي فالليل في جوه نقا

البدوي
10-04-2009, 10:04 PM
الليل ياشعار وجه السالفه وجه اصدقا=فيها يبين إمن الرضا وجهه ووجهه مايله
اللي يبي يلعب معي فالليل في جوه نقا=يازين ليل فيه راس المال ثروه هايله
شيهان الحبابي
10-04-2009, 11:44 PM
ارحب تراحيب الحيا

شرف كبير مقابلك ومجاراتك

استلم طال عمرك


يا اللي تنادي كل حلمٍ صعب ما يتحققا=وسادة الحالم تغره في منام القايله
العلم تثبت به فعوله والموارد تنتقا=والتاجر المغمور يا لهفه على غلايله
البدوي
10-05-2009, 08:12 AM
ماغرني اللي غرك وصدوك عن وضح النقا=يصبر على حر اللضا رجل يحب الطايله
الصيرفي سوقه على سوق الهوامير إعتقا =مير اشتر الدولار واقنع مكسبك في شايله
شيهان الحبابي
10-05-2009, 10:50 AM
من شاف وقع جنوب خلق الله تجور واتقا=والنفس يكفيها عنا جرحٍ بدة هوايله
الصيرفي بسياسة التسويق علا وارتقا=عينه على الدر النفيس يزيد في حصايله
البدوي
10-05-2009, 05:18 PM
رزق ورى الكف الشحيح يعيفك طعم اللقاء=ياحارس السدره صلاتك حولها متحايل
الدَر جابه من يغوص بجوف بحر يصفقا=واللي يبي يشريه يتعب رجله ورحايله
شيهان الحبابي
10-05-2009, 06:48 PM
الرزق من ربي وامره في سماه معلقا=ما خاب من يدعيه في خيره وفي فضايله
دارة رحاتك يا زمنا والشقا لأهل الشقا=والدهر من عانده يلقى ردعه لعمايله
البدوي
10-05-2009, 09:18 PM
صح لسانك
وبيض الله وجهك ووصلت ولا قصرت ولي الشرف باللعب معك
وتصبح على خير
شيهان الحبابي
10-06-2009, 01:59 AM
لا هنت اخي البدوي

وانت كذالك صح الله لسانك ودحر عدوانك
شرف كبير ان اجاري شاعر بحجمك
ولك اجمل تحيه
ســـراب
10-08-2009, 10:27 AM
صح لسان البدوي والحبابي...

جزاله واضحه في ماني وافيه...

استمتعت بتواجدي...تقبلو مروري ولا هنتوا...