سالم السويلمي
05-31-2008, 04:00 PM
من روائع المبدع الشاعر محمد صفوق
محمد صفوق مثله مثل مبدعين الشمال شبه غايب عن الاعلام
ولكن بأعتقادي ان متذوقين الشعر والباحثين عن الابداع يعرفون هذا الاسم جيداً
مقدمة القصيده بقلم شاعرها :
اشتهر البدو بالقيم النبيلة لدرجة أنهم يهتمون بشكل كبير بعشاء (كلابهم) شفقة بها وخوفاً عليها من الجوع لأنها إن جاعت فلن تكون وفية لهم ودائماً ماتسمع منهم (عشيتوا الكليبات) ؟؟ وهم من رحمتهم بها وشفقتهم يصغرون اسمها (الكليبات)
الإهداء:
إلى من لايملك قوت يومه
سريت والصبح توّه ماضحك للعيان = وعقارب الشمس تستنهض شماريخها
وصلت / أظني وصلت حدود بر الأمان = إن شافت الهند مسلمها مثل سيخها
عيّت ذلولي تنوخ بدشّة ٍ من طمان = وأنا تحيّرت مدري وين تنويخها!
(عنّزتها) (راس لاهة)، واعتليت المكان = أصيح للقوم واستفزع مطانيخها
ماني بــ...ضاري ولا بــ جديع راع الحصان = ولاني بفارس (هل النخوة ) ولاشيخها
ولاني مْوَكّل على غيري ولاني لسان = باسم القبيلة ولا الناطق بتاريخها
لها قمرها ليامن شع نوره وبان = أولابها من عطاردها ومريخها
لكني أنقل بشعري مايهز الكيان: = رسالة اللي همومه زاد تفريخها
يقول : من جور فقري صار ضعفي هوان = والجوع ظلما تقادح لي صلابيخها
وصّل ربوعي سلام وحيّهم بامتنان = وذكّرهم إن البدو تشفق على ذيخها
لو (افزعوا لي )مــ عاد ابغى بطاقة ضمان = ولا احتاج بندورة الصِدْقة وبطيخها
دونك كلامي وحطّه حلقة ٍ بالاذان = يصمّ الاسماع لو ما أسهَم بتصييخها
((جماعة ٍ ماتعزّك لا وطاك الزمان = ماتِذهب الجوع صفحة من تواريخها))
الشماريخ = العقارب الصغيرة
دشة من طمان = هي السهل المنخفض
لاهة = هضبة عالية في أقصى شمال المملكة
ضاري الضبيان وجديع راع الحصان من فرسان قبيلة عنزة
الصلبوخ = هو حجر الصوان الأسود
الذيخ = الكلب
محمد صفوق مثله مثل مبدعين الشمال شبه غايب عن الاعلام
ولكن بأعتقادي ان متذوقين الشعر والباحثين عن الابداع يعرفون هذا الاسم جيداً
مقدمة القصيده بقلم شاعرها :
اشتهر البدو بالقيم النبيلة لدرجة أنهم يهتمون بشكل كبير بعشاء (كلابهم) شفقة بها وخوفاً عليها من الجوع لأنها إن جاعت فلن تكون وفية لهم ودائماً ماتسمع منهم (عشيتوا الكليبات) ؟؟ وهم من رحمتهم بها وشفقتهم يصغرون اسمها (الكليبات)
الإهداء:
إلى من لايملك قوت يومه
سريت والصبح توّه ماضحك للعيان = وعقارب الشمس تستنهض شماريخها
وصلت / أظني وصلت حدود بر الأمان = إن شافت الهند مسلمها مثل سيخها
عيّت ذلولي تنوخ بدشّة ٍ من طمان = وأنا تحيّرت مدري وين تنويخها!
(عنّزتها) (راس لاهة)، واعتليت المكان = أصيح للقوم واستفزع مطانيخها
ماني بــ...ضاري ولا بــ جديع راع الحصان = ولاني بفارس (هل النخوة ) ولاشيخها
ولاني مْوَكّل على غيري ولاني لسان = باسم القبيلة ولا الناطق بتاريخها
لها قمرها ليامن شع نوره وبان = أولابها من عطاردها ومريخها
لكني أنقل بشعري مايهز الكيان: = رسالة اللي همومه زاد تفريخها
يقول : من جور فقري صار ضعفي هوان = والجوع ظلما تقادح لي صلابيخها
وصّل ربوعي سلام وحيّهم بامتنان = وذكّرهم إن البدو تشفق على ذيخها
لو (افزعوا لي )مــ عاد ابغى بطاقة ضمان = ولا احتاج بندورة الصِدْقة وبطيخها
دونك كلامي وحطّه حلقة ٍ بالاذان = يصمّ الاسماع لو ما أسهَم بتصييخها
((جماعة ٍ ماتعزّك لا وطاك الزمان = ماتِذهب الجوع صفحة من تواريخها))
الشماريخ = العقارب الصغيرة
دشة من طمان = هي السهل المنخفض
لاهة = هضبة عالية في أقصى شمال المملكة
ضاري الضبيان وجديع راع الحصان من فرسان قبيلة عنزة
الصلبوخ = هو حجر الصوان الأسود
الذيخ = الكلب