ღ..ღ همـ دفين ـس ღ..ღ

[اسماعيل العقيل]

http://mjd26.jeeran.com/وردة%20مايلة.gif

:: هـمــ دفيــين ــس ::





بكل الأماكن صورتك أشوفك بأية مكان=ياحاضره بين العيون وبالأماكن كلهـا



http://tbn1.google.com/images?q=tbn:9TEN1ErHaEbbZM:http://www.salahws.com/sws/Pictures/Flowers/BPics/Flowers015.jpg

[اسماعيل العقيل]

http://mjd26.jeeran.com/وردة%20مايلة.gif




إهـداء إلـى أميـرتـي وسيدة قلبـي
سعادتي في العيد هي بقربك



((( أرسلت لك بالعيـد شوقـي قصيـده )))


كل شاعرٍ بالعيـد يعـزف جديـده=وأنا عزفت حروف شعري تلاحين
أرسلت لك بالعيد شوقـي قصيـده=مرشوشة ٍ من عطر ورد البساتين
يالغاليـه يالـنـادره يالفـريـده=قدمتها لك حاضر بحاضر ألحيـن
الناس من حولي جمـوعٍ عديـده=لكن غيابك اشغل الفكـر والعيـن
مع كثرهم احس روحـي وحيـده=الكون كله في عيونـي ولا شيـن
النار شبت وسـط جوفـي وقيـده=والله مدري تالي حدودهـا ويـن
بجده نهار العيـد صرتـي بعيـده=وانا هنا في نجـد مابيـن ناريـن
لاتحسبيـن أيـام عيـدي سعيـده=يوم بغيابك يلغـي اقبالـه سنيـن
ولو طال عمري في حيـاةٍ مديـده=انسـان تايـه مابقالـه عناويـن
وإن كان مت الروح لأجلك شهيده=فدوه لعيونك روحي باللي تمنيـن
يا أقرب من النبض ..ودمي لوريده=وللقلب اقرب من جميع الشراييـن
ياللي اسرت القلب واحكمت قيـده=كل عام وإنتِ بخير يالخير تبقيـن

http://docs.google.com/File?id=dcxcv6kc_507z8ffgsct_b

اسـماعيـل العقـيل

2/10/2008












(( كل عام وإنتِ بخير وأيامك سرور ))



كل عام وإنتِ بخير وايامـك سـرور=كل عام وإنتي بخير ياعطـر الأزهـار

دايم خضار بدربـك الـورد منثـور=من وين مارحتي لـك الخيـر ينـدار

ياللي بوصفك لو حصل مني قصـور=لني عليك من الشعـر نفسـه أغـار

وأغار مـن نسمـه تداعبـك بغـرور=حتى من أمك تشتعـل غيرتـي نـار

مجنون في حبك ولرضـاك مسطـور=آرد حياض الموت وتفـداك الأعمـار

ولو جار وقتي ماعلى مثلـي يجـور=ماني ضعيف وكلي اعـزوم واصـرار

أقطع فيافي نجد واسبـح لـك بحـور=صبح ومسا واوصلك في وقت الاسحار

وأقولهالـك مانـي يانوفـا معـذور=حقك نهـار العيـد أعايـدك بأشعـار

محملـه فـلٍ وياسميـن وزهــور=بأزكى العطور تلطـف الجـو بالـدار

ليا شفت خـدك ساطـع كنـه النـور=نسيت كل دنيـاي ولاهمنـي شصـار

إنتي حضورك غير مامثلـه حضـور=دايم بقربـك دنيتـي تصبـح أنـوار

كل عام وإنتِ بخير وأيامـك سـرور=دامت حياتك كلهـا افـراح ازهار



http://docs.google.com/File?id=dcxcv6kc_511gxkbvrfm_b


اسماعيل العقيل

[اسماعيل العقيل]

http://mjd26.jeeran.com/وردة%20مايلة.gif

http://docs.google.com/File?id=dcxcv6kc_465w98xb5g9_b




((كل عام وأنتي بخير ))

إمتداد لماسبقها إهداء إلى حبيبتي بمناسبة العيد


سميت بإسم الله ربك وربي =ياغاليه دامت لياليك بالخير
كل عام وإنتي نور عيني و دربي=ولو دلهمت بغيومها يمك مسير
كل عام وإنتي بخير ياكل حبي=ياللي معاك العيد أزهر نواوير
كل عام وإنتي بخير لبيت .. لبي= من يعشقك حد الجنون المساطير
جيتك غلا والشوق نسمات هبي=يمي وأنا يمك على الشاطي إعصير
أربع جهات وكلها بعيني غربي=وجهتك صارت مالها عنك تغّيير
ياسيدة روحي ونبضات قلبي=ياغير كل الناس جدة وهي غير
لأجلك مشيت الدرب وأبغيك طبي=ماهمني يادواي أقطع مشاوير
ولوه نطحني جيش طاير ويدبي=لعيونك أنطح جيش روس المناعير
ومن الظلوع العوج يانار شبي=في داخلي شوقٍ يهوول الجماهير
كل عام وإنتي بخير يا نور دربي=ياغير كل الناس من مثلك يصير



http://docs.google.com/File?id=dcxcv6kc_461dt9744jm_b



كل عام وإنت بخير ياناعس الطرف=ياللي بقربك كل يومٍ لنا عيد
يامالكٍ قلبي بعذوبتك يالترف=ياتاج راس الحسن ياسيد الغيد
كل عام وإنت الآمر لصاحب الحرف=منصاع لك من دون مايحكمه قيد
أرسلت لك مرسال مايحمله ظرف=قلبي حمّله الشوق ماشالته إيد
مثلك مثل بدر الدجى مابها عِرف= دليلي إليا تهت بالبحر والبيد
ليا غبت لاتامن علي طيحت الجرف=وأصير عقبك من كبار المقاريد



http://docs.google.com/File?id=dcxcv6kc_463fdh44bdm_b

اسماعيل العقيل
20/9/2009