مقتطفات

[بليهيد العتيبي]

تناديني وانا مانيب راسي = سبب هوجاس يلعب وسط راسي

انا يمين وانت بعكس راسي = تحمل لينها تعدي عليه

[بليهيد العتيبي]

مطرنا فيّضت منه المناقع = وقال الطير أوقف إلمن آقع

مطر فوقه وتحته الما ناقع = وتحيّر كيف ياصل للوطيه

[بليهيد العتيبي]

حبال الكذب لو توصل قصيره = يوصلها ابو نظره قصيره


خطير انه يغازل للقصيره = مدام الكذب اصبح به سجيه


الله عليك يابو بسام بغيت اجر هالموال العراقي يابا

[بليهيد العتيبي]

قال أبكي وانت ماهمك الحال الحزين = قلت ماني شايفه بالعيون الساجيه

قال قدامك وشفني وقلت اشوف زين = الحزن بالوجه والا عيونك ناجيه

كيف لامن هلت دموع عينه ماتبين = تختفي مابين عكش الرموش الداجيه

[بليهيد العتيبي]

سحابةٍ خلتها فوق الأفق بشوي وقت الغروب = أيسر من الغرب الاصلي وايمن من الفرع براقها

متجهةٍ ليسر من الشرق واليا صرت عنها جنوب = أب اتّبعها بسرعه ثابته لين ادخل أعماقها

مثقّله والبروق تلوح فيها غادياتٍ شبوب = الله واكبر ابصلي وب اطلب رب سواقها

[بليهيد العتيبي]

للخير يالمنزل اللي مرتفع من فوق ذروة سنام الطايله = وافي وسواك لضيوفك أهلك سواتك الوافيه من وفاهم

سواتهم فيك لضيوفك تعدت فوق طبع الكرام الهايله = يارب تيسر عليهم واعساهم دوم في عافيه لاواعساهم

[بليهيد العتيبي]

غنت حمامه على الغصن الخضرمناديه للسلام = ويوم انتهى صوتها جاها سهم طلع معه صوتها

ياحسبي الله على اللي جاهل ويحب قتل الحمام = مايفرق مهاجره ومواطنه امٍ لكتكوتها

[بليهيد العتيبي]

واهمي اللي عجز لاينهي بصبري = قامت تفتش عليه الناس بغيابي

من صغري مطاولٍ عمري الى كبري = ماينتهي غير يوم اصفي حسابي

برايته منها قلبي غدا مبري = الجرح داير عليه وكيف يبرابي



الله على اللي يجي شبره على شبري = اللي الى جيت دون الظن عدابي

حتى ولو دون شوفه حايلٍ قبري = من الوفا ياقف وينخى على ترابي
عيا السهر والقصيد وبوكي وحبري = وخليت منهن ثلاثه لوهن احبابي

والاول اللي مرافقني رفق جبري = عييت مابيه لكن غصب عيابي

[بليهيد العتيبي]

ماني بهيّن الى منّك تهاونتي = أقدر اخلي عيونك شبر نظرتها

مسلّهمه وآاتفرج فيها وإنتي = السلهمه مادريتي عن إصابتها

[بليهيد العتيبي]

يابن عطاالله بالي اليوم ضايق = وللضيق ماخليت حيله ودبره

عله يعوّد مثل ماكان رايق = وقلبي صبر لاشك مافاد صبره

أحس كن الصدر وسطه حرايق = وظنك ترى ماني على زين خبره

ابن العتيبي صار كله عوايق = اليا جبر كسره رجع كسر جبره

وبيت القصيد اليوم منه اتضايق = مما بقلبي مابقا منفذ إبره

للشعر والمسيار ماني بطايق = راح الذي شبري على قد شبره

أقفا ونيسٍ عشت معه الحقايق = متطابقين الراي صغره وكبره

ياليت لو طوّل حسين الطرايق = عني رحل صار السكن وسط قبره
من روحته وانا للامرار ذايق = والحظ من ثبره يوقع بثبره

من موتته عفت الفرح والخلايق = أصبح مكان الضحك دمعه وعبره


وناستي عيّت تعوّد دقايق = مثل القلم لامن قضا كل حبره

[بليهيد العتيبي]

ناسٍ جلوس وحولهم يجري الما = أقول ناس وحولهم مي جلاّس

إن قلت شفت الفاس بيدين سلمى = أقول سلمى شفت بيدينها فاس

تبي تحاكـِ الناس لاشك بلمى = وشلون بلمى تقدر تحاكي الناس

والادلم اللي يحسب الناس دلمى = مخطي لأن الناس اشكال واجناس
العلم نورويكشف النور ظلمى = والا الجهل راعيه من حفره لساس

قصيدةٍ لو قيل جبعا وصلمى = اشوفها من ساسها لهامة الراس

[بليهيد العتيبي]

صدق احبك حب لو عدّا على صحرا النفود = أنبتت صحرا النفود بفصل صيف الديدحان

وانبتت كل الزهور العاطفيه والورود = وارسلت ريح الخزامى والنفل والقحويان

[بليهيد العتيبي]

لها في فؤادي يامحمـد مكـانٍٍ غيـر=على انه قبل تدخل به مكسرٍٍ جسـره
واخذ له سنينٍٍ في مناعه وفي تحرير=وتخيّل اسيرٍٍ جاه عتقه بعـد كسـره
يسوي سواة الطير ليا أطلقوه يطيـر=بعد ماتعذّب مـن جناحيـن منكسـره
بعد حرّك الجنحان مجبـورة التكسيـر=وطاعن ولاصدّق تيسّر عقـب عسـره
يغرف الهوى غرف المراوح لجم البير=مغربل من التمهيد والربـط والحسـره
ونا سواته الا اني تراجعـت بالأخيـر=بعد طحت في طعم الرطب ناصفه بسره
وتمكن بقلبي شي بـه قـوة التأثيـر=مع البعد ياقوه مـع القـرب يايسـره
وفا والوفا خلى فؤادي كمـا الأسيـر=ملكته فتاةٍ من وفاهـا نسـي أسـره
الا يامحمد ليت ربـي خلقنـي طيـر=معاشي بيومي واللي اخسره اخسـره

[بليهيد العتيبي]

انا ياذيب ضيعت الدليله = غدا مني الا ويش الوسيله

لأني ماأدل الدرب وحدي = وانا في مبتدى سكه طويله

مسافه عدها لوهو بكيلو = تهون وتنقطع لومستحيله

مسافه كلها اوراط ومصاعب = مسافة عمر ماهي خطوليله
مصيبه فعلها تبخل كريمه = وغصيبه فعلها تكرم بخيله
ضئيله بس يحسبها كبيره = وكبيره بس تحسب له ضئيله
تقاللها وهي منه كثيره = وتكاثرها وهي منه قليله

ترى الاول على الثاني يطبق = وترى الثاني على الاول مثيله

طويله لوسواعدها قصيره = وقصيره لوسواعدها طويله

سواة السيف يطول بالتقدم = كما يقصر برضوان الفشيله

[بليهيد العتيبي]

ذوات الدم اللي به بروده = يبيتن كل ماحسن بروده

يداويهن رجل مابه بروده = اليامن شافهن صارن ضحيه

[بليهيد العتيبي]

هو يحسب إنه فوق كرسي جلاله = متبجحٍ من فوق زهره ومريخ
وهوحقيقه مايساوي رياله = لويدفعه ماجاب له غير طخ طيخ
وش يشتري بريال من البقاله= ولوراح للخضار ماجاب بطيخ
دايم كبيرين النفوس الحثاله = رعيان والرعيان دايم منافيخ
المال يجعل فوق عقله خياله = وينفخ مثل ماينفخون الطبابيخ

[بليهيد العتيبي]

سألتك ماتجاوبني علامك = وانشّد عنك ماجتني علامك
ثلاث شطور وصلت لك على مك = ورابعهن قفل ويش القضيه

[بليهيد العتيبي]

صلب الحديد يذوب بالصهر والطرق = ياكيف قلبٍ منصهر دايم الدوم

قطعة لحم ودم تحمس على حرق = فوق الحروق فتوق وطعون وثلوم

قلبي يضخ الدم الاسود مع العرق = واقلبي اللي دمه أسود ومسموم

من ضيقتي سهّرت أنا كوكب الشرق = ولاهو طرب من ضيقتي ياام كلثوم

وكم من سهارى بس من بينهم فرق = أحدٍ سهر ظالم وهاذاك مظلوم

[بليهيد العتيبي]

تكمله لما سبق






أراقب القطبين لين انسرق سرق = ليلٍ بكل اللي بقا به من نجوم

ظليت والنجمين مابيننا درق = وكلٍ له اسبابه على عيافه النوم

تقل يقولون إن قدرت الرقي إرق = وتصير ناجم بعد ماكنت منجوم

واقول قسمة من عطا النوح للورق = منها عليها وسطها صرت محتوم

متى يلوح بظلمة الياس لي برق= لو كذبةٍ من غير راعد ولا غيوم

اغدي به المنفس عن همومي الزرق= وراحة دقيقه تكفي الجسم عن يوم

[بليهيد العتيبي]

النفوس اللي وفيه يريحّها الوصل = المواصل والكرم والصداقه ربعها

المواصل كنه سهيل يطلع له فصل = بين برد وبين حر النجوم وتبعها

ماتهون العشره الا على خاين أصل = ونت من ناسٍ عزيزه واصيلٍ طبعها

[بليهيد العتيبي]

يوم امس معه اليوم صوره لقبل امس = وايامي اللي قبلهن باقي القيل

الأمس مثل الليل واليوم كالشمس = وقبل امس مثل الشمس قبله كما الليل

[بليهيد العتيبي]

يوم امس معه اليوم صوره لقبل امس = وايامي اللي قبلهن باقي القيل

الأمس مثل الليل واليوم كالشمس = قبل امس مثل الشمس قبله كما الليل

لغزٍ جعل بالقلب حرقٍ على حمس = أشباح استفسار صبر وتهاويل

وليل العرب به خافقي منطمس طمس = ماغير انا والليل والجدي وسهيل

غديت رابع يامحمد مع الخمس = الخامس اللي جاب لي خوة الويل

الخامس اللي خلّف بخاطري عمس = وقواي شلت منه ماعادبي حيلالخامس اللي لعن كوثري

يكفي

بكره التكمله ان شاء الله

[بليهيد العتيبي]

يكم جمرةٍ من موق عيني تحدرت = لها حرها لوهم يشوفونها دمعه

بعد سجنها تحولت ثم تكورت = وسالت على وجهٍ كريمٍ لها لمعه

مثل سبحة اللولو اليامن تنثرت = قطع خيطها من عقب ماهيب مجتمعه

كذا شكلها من بعد ماهي تحررت = وتتابع نواقطها مثل سايح الشمعه

[بليهيد العتيبي]

ألا ياصديق البر يالشاعر الرحال = بعد قيل نجم سهيل شافوه له لمعه

على صفحة الأفق الجنوبي غدا شعال = مضيئة سلاح حدود بالحد مجتمعه

رمو قنبله ضوئيه تبين الفنجال = تشعشع ونور جيوبهم طافي شمعه

رموها من الهاون يقصون أثر رجال = تسلل ورجله من حصى التلع منكمعه

عسى الفال طيب ونت في أحسن الاحوال = شمال من الامحاص ون صابت الرمعه

على درب خنياب غشا له ندى وظلال = مفلتر عقب ضحك السحاب وهلل دمعه

ونا خوفتي رحلتك تاقف على الاطلال = حزين الفؤاد ولاحدن شافه وسمعه

[بليهيد العتيبي]

هلا بالرذاذ اللي يجي معـه ريحـة ورد=ألا ماانعـش النفحـه رطيبـه وبـارده
على جاش من مايناسبه غير فصل البرد=أحـب الشتـا واخلـي الـشـرد وارده
أحب المطر واحب أملك سمـان الشـرد=تجيني مطيعه عقـب ماهـي بشـارده
تجيني تبارا ليـن تاصـل بليـا طـرد=ألا مااطعـم الصيـده بليـا مـطـارده
بعضهن فريـد ولاتدانـي لثانـي فـرد=سوى اللي يشابهها مع الشكـل فـارده
طوال المعانق واسعات العيـون وخـرد=الـى شافهـا القنـاص يجيـه قـارده
تبي راميٍ راكد يحوي الطـوال السـرد=ولاتمل من قافـه ولـو كـان سـارده
تبي ماهرٍ مايحـط حرقـان والا عـرد=صعاب القوافي ماتجـي معـه عـارده
تبي فكر حر ومنجرد مايبي لـه جـرد=يعبر المحيـط وعـده الشـط جـارده
تبي من يسوق الصادرات ويقود الـورد=علـى منهـلٍ ياقـل شعـار تــارده
مهو كل حاجه ياجماعه تسـوى ثـرد=وهـو كـل نـوعٍ لازم يجيـك ثـارده
يكسر بزود ونقص يالين تطلـع حـرد=وهو كنه عريمان ( نـارت وحـارده )

[بليهيد العتيبي]

قال أبكي ونت ماهمك الحال الحزيـن=قلت ماني شايفه بالعيـون الساجيـه
قال قدّامك وشفني وقلت اشوف زيـن=الحزن بالوجه والا عيونـك ناجيـه
لين دنّق وانتظرهن بـاكف الراحتين=وحوّلن وانا احسب ان الدموع مفاجيه
لين ضميته وسنّدت راسـه باليميـن=ووقفن وانا اتركه وابتدني : هاجيه..
دمعتيـنٍ هاجيـه راجيـه ودمعتيـن=هاجيـه وراجيـه هاجيـه وراجيـه
حزن حالين وغدينا حزين الحالتيـن=ياإلهي يامعيـن النفـوس اللاجيـه
قال أبكي ونت ماهمّك الحال الحزيـن=قلت مره ثانيـه يالعيـون الساجيـه
كيف لامن هلّت دموع عينه ماتبيـن=تختفي مابين عكش الرموش الداجيه