مرثيه محمد الغراف رحمه الله صوتيه وكتابي

[@تركي القحطاني@]

مساء.....صباح الخير

هذي مرثيه في الراحل محمد الغراف وعياله رحمهم الله
والقصيده \لاحد افراد قبيله شريف قحطان
وأترككم مع القصيده



والله مالوم أبو عادل ولا ابياته=هاضت هجوسه بعد ماودع الغالي
وانا هجوسي تجيب القاف في اوقاته=ترثي زعيم رحل تضرب به امثالي
محمد الشهم والوقفات عاداته=يبرك ويحمل حموله لوهي ثقالي
على علوم الوفاوالطيب بصماته=ماتمحي لو يدور الدهر بحوالي
يفخربها اللي عرف فعله ووقفاته=نعم الرفيق الكفو في كل الاحوالي
من بعد ماغاب كلن هل عبراته=والحزن خيم ولابه خاطرن سالي
والموت في وسط داره رز راياته=هذا القدر والقدر مايعرف يمالي
فقده فجعنا وزاد الدهر ميلاته=اكبر فجيعه علينا يابري حالي
مرحوم يامحمد الغراف وامواته=قال المثل مايموت اللي له عيالي
يالله عسى نلتقي في وسط جناته=ربن كريمن عظيمن معتلين عالي
جبران ياخوي خل الهم لي هاته=ترا غلاكم علينا من غلا الغالي
وابشر بنا لو يجور الوقت نكباته=إزهم حدانا يجيلك ركض في الحالي
فقيدنا واحدن والقرب غاياته=تكفون يالابتي ربعي هل الدلالي
لاينهدم قصرنا من بعد ساداته=ولانستمع للعواذل قيلن وقالي
وختامها ياكريمن في سماواته=اتعوض اللي رحل فردوسك العالي
وصلاة ربي على المبعوث بآياته=صلو على أحمد عدد ماهل همالي

ولسماع القصيده الرجاء الضغط هنا
http://www.qahtan.net/up/download.php?filename=ccbd6749df.mp3

[مسفر القحطاني]

ارررررررحب يا تركي

بيض الله وجهك يا كحيلان

وصح لسان الشاعر

والله يرحم اموت المسلمين

تقديري

طرقي

[سالم السويلمي]

صح لسانك ياتركي


وصح لسان شاعرها


رحم الله على الراحل محمد الغراف وعياله واسكنهم فسيح جناته


لاهنت ياتركي

اضافاتك محل اعتزاز لنا يعلم الله


فلا تحرمنا من روائعك


كل الود

[§اَلنَجَلآءَ آل ْحَرَبْ§]

الله عليك تركي ...
صح لسان شاعرها ..
لاعدمنا مجهودك تركي ...
.
يعطيك الف عافية ...