<>< الخافي أعظم ><>

[جمال الرويلي]

تهادي .. ياهمومٍ في خفوق الشاعر المحـزون=تهادي .. وافرحي حلمي توفـى قبـل ميـلاده
تمادي .. واجرحي قلب الشقاوي واوسعيه طعون=وعليك الله قبل نـزف القصايـد هبـي زيـاده
ابي دم القصيد ايسيل .. ياخذ من عذابي لـون=ابي شعرٍ يجي مثلـي .. يصـور ذات قصـاده

[جمال الرويلي]

الخافي أعظم , بس ابقولك شي ..؟= رغم المشاعر والأحاسيس فيني

احيان أشوف الوت موتي وأنا حي =من كثر ماتحلــــم بشوفتك عيني

[جمال الرويلي]

اليوم سابع يوم والراس ما مـل=يكتب ويمسح من سبايب جنونك
اكتب واعيد البيت وأرجع واكمل=من كبر قدرك يطربني لحونـك
يأخي وفي دايم ودايـم مجمـل=وبنيت في داخل خفوقي حصونك

[جمال الرويلي]

ياسالم أسمعني وتكفـى تأمـل=ببيوتك اللي راوياتـن مزونـك
انت الجنوون مرافقك كنه الضل=والشعر عرشك والملايين دونك
وان كان مالي حل ياسيد الكـل=ترني وقفت ومندهش من فنونك

[جمال الرويلي]

وش ولعك بالجوف . ياقلب الاحزان= من قال ناقص هم . وتزيد همه .!

ماشفت عيني تسهــر لوقت الإذان= وماشفت شرياني تخثر بدمـــــه

[جمال الرويلي]

طال أنتظاري طال ياراعي الجـــــــــــوف =ولامتى يرجيك محروم قـــارا
مدري حداني الوقت مدري هي ظروف =ولا القـــدر خـــلأ دموعي تبارا

[جمال الرويلي]

كان ألخطأ منّك . فأنا أقول مسموح =وكان ألخطأ مني . فأنا حيل أسف ؟
ياروح روح الـــــروح يانشوة الــــروح=مشتاق لك والشـوق للقلب هاتف ؟

[جمال الرويلي]

كذبت نفسي بالوهم عدة شهور=والحين قلي كيف اكذب شعوري
ماني على طرد المقفّين مجبور=ماوالله أتبع من تجاهل حظوري
يكفيه كون أسمه بألأعماق محفور=ولا حظوره صار ماهو ضروري

[جمال الرويلي]

ليت الرساله تاخذ الشخص كله =واعيش بحضانك ليا>>تم الارسال !
الله وكيلك ياهوي البال والله =تقرير تسليمي لكم يشرح البال !!
من شوقي اللي كل عرق ن يتله =الناس في حالآ وانا وشوقي بحال !!

[جمال الرويلي]

عدنا نجدد الولاء لجميع النبلاء ,

بعد غيااااب ,

أسعدالله أوقاتكم جميعاً ,

(كما كنت ولازلت لاأجيد المقدمات)




ماني على خبرك طواني الزمن طي=وانت الله أعلم ماتعديت خبري
تدري بقلبك عند قلبي ولا شي = والمشكله ياكبرها وانت تدري
غرك زمانك لو تفننت بالغي =وانا معك يااطول روحي وصبري
لاصار تقفلها بوجهي وانا حي =وشلون يامريت من عند قبري ..!!


لكم صادق حبي

أخوكم \ جمــال

[جمال الرويلي]

(الهدوء الذي يسبق العاصفه)




.

.

.

طعًني ياعين أمك وجنًب مسيلي ؟؟=شف كارثة جده وركز بألامثال ..
ماهي شماته بس لو فاض كيـلي ؟؟=يجيك سيلاً يلطم الجـال بالجـال..
اسأل قبل تقدم على المستحيلي ؟؟=حتى تكون بعلم في كل الاحوال ..
وابحث(بقوقل)عن جمال الرويلي=واقطع يميني كان ماصابك اجفال

[جمال الرويلي]

((على الكيبود يابومحمد))








ياخليــــــل المـــــرجله راس الدليل=والله اعلم ماخفى بيــــني وبيني
بالحشا ينحتني السيــــــف السقيــل=وبالوفأ شيمه وتظهرلك بعيــــني
ياخليـــل انـــشهد أنــــــك ياخليــل=فوق دينك صار لك تسعين ديني

[جمال الرويلي]

(( يفكر بصوت عالي))






بعض البشر لاذكرته هانت همومك ؟؟=وبعض البشر بالبسيطــــه ماتذكرته!!
لوهو ملازمك واقرب لك من هدومك ؟؟=مسحت كرته . او أنه محـــترق كرته !!
لاضاقت الارض . وقًف ساعة قدومك؟؟=حتى يجيك الكثـــــير اللــــي تكاثرته !!
واكتب رساله ولو ترفع من عزومك ؟؟=مادام هـــــانت عليـــــك لياتذكرته!!

[جمال الرويلي]

ياسعدعلوش مافيها كلام =عين ماصلت على روح النبي
تقطع البيداعلى درب الظلام=وأتجاهلها على ضو احطبي
لين طارت بي مع اسراب الحمام=ياخساره ماكشفت اني غبي

[جمال الرويلي]

تحت الطبع ..؟


الحوت ماطوّل بيونس وهو حوت ..؟ وانت تحسبها ياحبيبي طواله ..!

[جمال الرويلي]

أسعد الله أوقاتكم

بعد السفر

<< جوهرة المملكه >>


من نبي الله لوط . لصفوة الخلق الامين ؟=والكرم طبع وعقيده . والسفر قطعة عذاب !
ياسلام الله عليه . وجاهم بعجل سمين ؟=والنبي وادي غنايم . ماحسب فيها حساب !
وانت يامعلم علامك . لاتشين ولا تزين ؟=حتى بالعمله تعذر . عن عزيزين الجناب !
شفت هالوحه كبيره . قلت وين الناس وين؟=هالله الله يعلم الله . جوهره فوق التراب !
والجواهر في وطنا . دره وماسه تبين ؟ والوحش يبقى وحش . وغرابها يبقى غراب !
يامعلم لو تعلم . تعلم أن الطيب دين .=حتى في بند التعاقد . يرتبط باب وجواب !!


جمال مغيض

[جمال الرويلي]

(المعنى في صدر الشاعر)


ماكل عذرآ ينقبل بعض الاحيان ؟=ولاقول عذرآ بس تحصيل حاصل !
الظرف خلاني مثل طير برمان ؟=هد وكفخ واقفى بليا محاصــــل !!

[جمال الرويلي]

(والخافي أعظم)



جسمي تجسم لك على شكل تابوت = ميت تحمّل حي فوق أحتماله
والحوت ماطوّل بيونس وهو حوت= وانت تحسبها ياحبيبي طواله

[جمال الرويلي]

من 1 \1\ 1431هـ ..!!


اليوم مادام السنه عمرها يوم= يلزم لها بصمه بتاريخ واحد
كل عام وشمل ملوك بالشوق ملموم= لن الوفاء يصعب على كل جاحد

[جمال الرويلي]

كتبت رد ابيات وأرسلت الإهداء=لكن شريط المنتدى ماكفاها
راحت ولاحصلتها ضمن الانباء=واخاف سالم صاحبي ماقراها

[جمال الرويلي]

أحيان تكتب لكي تكتب فقط ..

ومن لايشكر الناس لايشكر الله ..!!



الشكر. لك ياشموع ياشوق ياذوق=شكراً جزيلاً قالها قلب صـادق
ماني بمتعوَد على الغدر والبوق=لشوق شوق وللبنـادق بنـادق

[جمال الرويلي]

الهلال اللي طلع فوق السماء=والسماء تحته ولا نوّر سماه
والغزال اللي نفر مابه ضماء=مرتوي وشله بصياد ٍ رماه
بس أنا عيني عساها للعمى=كان تتبع من يلقيني قفاه

[جمال الرويلي]

مع التحيه لمعلمة الصف الأول أبتدائي



يامعلمة ، هاجر تبي منك تعليم ؟=طفله ، وبحدود الإدب علميها !!
قدام لايصدر خطاب ومراسيم؟؟=أخاف ياستاذه تروحين فيها !
طفله عن ابوها خذتها المقاسيم ؟=بغياب والدها حرام .أرحميها !
يكفي ترا ماعاد قدره على الضيم ؟=وإنتي بقلبك فكري واحسبيها !

أبوهاجر\جمال الرويلي

[جمال الرويلي]

بعد الغياب



حياالله هالزول هو والصـوت والريحـه=وحيـاالله هالساعـه الـلـي جابـتـك يـمـي
وحياالله حتـى زمـان ٍ ذقـت تجريحـه=مــــادام فــيــه أجـتـمـعـنـا وانــدثـــر هــمـــي
أرمـي عباتـك وضمينـي عـن الطيـحـه=علـى أنتظـارك بهالموعـد نشـف دمــي
من يوووم لاشف زولك درتها صيحه=وأزعجت حتى خويايه من كثر همـي



تحيتي لمن مر هنا

[جمال الرويلي]

عدنا لكم ..

لكم مساحه داخلي ماترتوي الا بحضوري عندكم ..

على عجل لكن جديد



ماللخطاء غير العذر ثم تصحيح=مثل أختبار الأسئله والاجابه
أقلها لوهو على شكل تلميح=غابت رعودك ياشبيه السحابه


تحيه عاطره لكم

[جمال الرويلي]

الصوره تتكلم


الكبير الله وانا ماني كبير = بس كبرني على غيري غلاك
كل هالعالم مع الجمع الغفير= صدقيني يابعد عمري فداك

محلكم القلب

تحياتي وتقديري لكم

[جمال الرويلي]

مادام مافيها تحيّز وتصويت=بعد أذنكم جاكم جمال الرويلي
ماهو قصّور ولكن أدري ليا جيت= كم سيلاً يحّدر على فرع سيلي
تخضع لي الكلمه على ماتمنيت=على حسب ماجيتها تستويلي
دام الحسام القاف جيناك ياكويت=جيتك وانا طامح لضلاً ضليلي

[جمال الرويلي]

تدرون وش تعني لنا كلّمت صوير=لونها عند أكثر الناس عنوان
تعني لنا هيبه مثل هيبة الزير=نفخر بها قدام من كاينن كان



محلكم القلب ياملوك

[جمال الرويلي]

لغز



ياأمة التوحيد والدين وايمان=أبسأل التاريخ عن وضع حره
وهل جزاء الاحسان الابالاحسان=والاسم بالبيتين مذكور مره
مهرة عزيز القوم ياطب ميدان=يشهد له الميدان لله دره
ياسعد من صار بنظرها كحيلان=أنا أشهد انه بالهنا والمسره

تقديري

[جمال الرويلي]

لاهنت



العام أشوفك كل من يسكن الكون=واليوم أشوف الكون مافيه غير انت
راحت سنه لايلحقك شك وضنون=على الوفاء مع أبيض الوجه لاهنت
واذا تبيها سالفة كاش وديون=تراء القساوة شوهة صورة البنت
عقبال 100عام بشواق وشجون=واشوف لين الورد واقول هذا انت

[جمال الرويلي]

الحياة دروس




الله وكيلك ياهوا البال مانمت=والنوم من فرقاك ماهوب مرغوب
كنت احسب اني بالتجارب تعلمت=واقول يمكن عين ولا انه أسلوب
لن الغلا في داخلي يلزم الصمت=مسكوب في وسط الشرايين مسكوب
ماعاد ينفع لو تعبت وتألمت=مكتوب مايجري على العبدمكتوب

[جمال الرويلي]

ضاق صدري والفضا ماهو ر حيب=شي ٍ أشوفه بعيني واكتبه
مايذل من البشر غير الحبيب=ومايصح من الشعر غير اعذبه

[جمال الرويلي]

قلبي به هموم ٍ خفيّه عن الناس=محد ٍ عرف كم عددها غير مسباحي .!
وعيني بها الهقوة تشيّد على ساس=لاشك رمدا والضحيّه كفاحي
وروحي بها عذب المشاعر والاحساس=جابهتها بسلاح ماهو سلاحي
جتني على الميراج ناطحتها بفاس= كانت هنا مدينتي والضواحي ..!

[جمال الرويلي]

أذكريني كل ماهب النسيم =وأذكر يني كل ماحل الظلام
واذكريني كل ماشفتي يتيم= دمعته سالت على خده وقام
ماتت أمه وشتكى جور الحريم =زاد همه بين بسما وأبتسام
ينتظر بسمه على وجه الغريم= في رجا كلمه غدت بين الكلام

[جمال الرويلي]

غصب أزعج الونات والبال مزعوج=ياصاحبي مليت كثر أنزعاجه
أطق عوجا والليالي تجي عوج=أطرد ورى حاجه وأنا بلف حاجه

[جمال الرويلي]

عيدك سعيد ٍ ياعسى الله يعيّده=وانا ترا ياخوك ما مرني عيد

[جمال الرويلي]

لولا التنافس . والبشر مايعذرون !=لولا جمال الروح . ماثار بركان !!
لولاي خايف من وكالة يقولون=ماجيت بعد ايام من موت سلطان .
لوهي على المليون . كم راح مليون ؟=ماهي على الألقاب . وتلمّع الشان
المسألة شطراً من عبيد . مجنون = (عيبٍ على اللي يتقي عقب مابان)

[جمال الرويلي]

ياحداك الوقت وظروف الزمان=فوق ماشلته من الحمل الثقيل
دامها وطيه عساها من حصان=داخل ن بالله عن وطية ذليل

[جمال الرويلي]

ياذيب خل الصوت من داخل الكوت ..=تسمع صداه الفرس واهل الجزيره ..
لنك عقاب الشعر والقافيه نوت.=وعندك على طرق المعاني بصيره ..
ياذيب ازعج دامك اقوى من الصوت .=هذا شعور الخالدي واتعبيره ...

أخوك / مهند الخالدي

[جمال الرويلي]

مساءالورد . يادفء و برد . !!


قالت كويت وقلت نادوني كويت.؟=مادام زينه قالت تمووت فيها.!
قالوا تمنى قلت ياليت .! ياليت .=ياليت لو تلمس يميني يديها .
تدري يابوسامي يوم انك تغنيت؟= أنا ترا قبلك مسدد عليها ..!

[جمال الرويلي]

اذا ماتزعجك عينن تبي تنظر بصيص النور .!=واذا تسمح تراني بنتظرك بساعة قدومك .؟؟
اذا اني مخطي ن عفوآ . واذا منك الخطاء معذور.!=حرام انك تعذب من سهر مع ريحة هدومك .؟

[جمال الرويلي]

ياحداك الوقت وظروف الزمان=فوق ماشلته من الحمل الثقيل
دامها وطيه عساها من حصان=داخل ن بالله عن وطية ذليل

[جمال الرويلي]

مساءالورد . لو جونا برد .


قالت كويت وقلت نادوني كويت.؟=مادام زينه قالت تمووت فيها.!
قالوا تمنى قلت ياليت .! ياليت .=ياليت لو تلمس يميني يديها .
تدري يابوسامي يوم انك تغنيت=أنا ترا قبلك مسدد عليها ..!

[جمال الرويلي]

حوّلت رقمي على موجود=رغم اني معارض الخدمه
مشغول جداُ بليا حدود= ومصدوم من هالزمن صدمه

[جمال الرويلي]

يلي نويت السفر لديار زينه كرم=تكفى تسلم على زينه ونظراتها
اللي تجي للمسارح ماتجي بمحرم=تمشي وهي واثقه من كل خطواتها
تعرف من المحترم واللي ماهو محترم=وليا هقت هقوتن ماتخيب هقواتها
ماتسمع اللي تطفل كن فيها طرم=تنظر له بسخريه تعبير عن ذاتها
البركاان

[جمال الرويلي]

دون سابق أنذار


أفرحوا واستانسوا ياهل السواد=من سواد قلوبكم شفت الصحيح
تلبسون لفرحتي ثوب الحداد=وتفرحون بضيقة الصدر النصيح
كم صديق صار من ضمن البعاد=وكم بعيدن من معاناتي يصيح
يوم صدري واسع ٍ مثل الحماد=ضاق من قلب المقصّر والبجيح

[جمال الرويلي]

ياسارقه قلبي بطيب النوايا = أقلها رديلي اللي سرقتيه

ردّيه لو كانت جروحه عرايا = لاتاخذينه وانتي اللي طعنتيه

رديّه لو ماباقي الا بقايا = رديّه يارمز الشعارات رديّه

وش جاك منّه غير طيب السجايا=وانتي على راس الهرم واستبحتيه

[جمال الرويلي]

مع التحية للأخ سعد الشيباني


طريت في بالي وأنا ناقل ٍ هم = وحبيت أسلي خاطري باتصالك
لو ماجمعني فيك خالاً ولا عم = أشوف حالي مدبره مثل حالك

[جمال الرويلي]

(يامرحبابك يارويلي وتسلم=وحي اتصالك واتراحيب فالك )
(ومدام حالي مثل حالك وتعلم=دور بدال إلي يدوربدالك)
(ماينشرح بالك من الهم والغم=لاصار فاالدنيا خويك ظلالك)
(وجهه الحياه ابدون زين الملثم)=وجهن يجيب الظيم ويسم حالك)

§سعدعبيدالشيباني§المعذره فاالتاخير،،خوي جمال

[جمال الرويلي]

يالمختلف كان أختلافك دعايه=أنا أختلافي واقي صدقوني
رااحت سنين وقصتي بالبدايه=يااااكثرهم في هالزمن أخذلوني

[جمال الرويلي]

(تعددت الالوان والحبر واحد)



وقتنا خلا المربع مستطيل = والادله واضحه ليه الشهود
واحدٍ جنب عنه سيل المسيل = عايشٍ من بينهم ماله وجود
والحضور ليا حضر ماله بديل = لكن الايام تجزاء بلجحود
لو يميل الحيل زوله مايميل = لو يجوّر البرد مايطلب وقود
سيدي شعبك وفي ماله بديل = والحقيقه نصفنا دخل محدود

[جمال الرويلي]

(تعددت الالوان والحبر واحد)



وقتنا خلا المربع مستطيل = والادله واضحه ليه الشهود
واحدٍ جنب عنه سيل المسيل = عايشٍ من بينهم ماله وجود
والحضور ليا حضر ماله بديل = لكن الايام تجزاء بلجحود
لو يميل الحيل زوله مايميل = لو يجوّر البرد مايطلب وقود
سيدي شعبك وفيّ ماله بديل = والحقيقه نصفنا دخل محدود

[جمال الرويلي]

(( مواكبة الاحداث ))


صاحبي مالك على صاحبك دين=بختيارك صاحبي هذا أختيارك
لاتحسبني من فراقك حزين=نومتي مانامها حسني مبارك


1/3/1432هــ

[جمال الرويلي]

يالمختلف كان أختلافك دعايه=انا أختلافي واقعي صدقوني
راحت سنين وقصتي بالبدايه=ياكثرهم في هالزمان أخذلوني
ياطول صبرك يازمن الروايه=ياقصّر عمك ياألامل في عيوني
ياكبّر قدري بالعنا من عنايه=ياصغر ذاتي بالفرح من حزوني
ياقو قلبك المهزلة بالحكاية=ياضعف حال الكايده وتركوني
اللي على الطابور صفو معايه=علامهم بالكايده ما زحموني

[جمال الرويلي]

..........من الفرن،،،،،،،،،

على الكيبورد وقبل التدقيق




ياأسامه والله إن الحظ صيت=وعلتي يابوك هذي من زمااان ؛؛؛
والله إن أبوك فوق اللي هقيت=والله إن أبوك ما عاش بهوان ،،،
لعنبو ظرف ن نهاني وأنتهيت=والبدايه تنتهي بنفس الإوان ،،،
لكن إنت من الاماني وش لقيت=غير حلمك كل يوم ن في مكان ،،،
شفت حلمك يوم في قربي غفيت=قلت ياغفران تبحث عن ليان ،،،
لاتحسبني عن الصرخه سليت=داخلي مضغة كسافات وحنان ،،،
تنفرد بي ثم تصبح دانميت=كم صحاح ن صاح مع وقت الاذان،،،
كم بحثت ذنوب كم ذنب ن جنيت=لو جنيت ذنوب ربي مستعان ،،،
بس هالعالم علام الحي ميت=لو تغيب العين وش دور الآذان ،،،،،؟،،،،
ليه يدفعني دفاع المستميت=ليه دايم رابط حزام الامان ،،،
كل حديث وله حدث وين أختفيت=ساعة الوقفه .مضت .وفلان كان ،،،
ماتجي من روح لا مني حكيت=تفقد الهيبه وترجع لطمان ،،،،
والطمان الموت يااكم احتريت=ياهلا بالموت في عز ن وشان ،،،
لو عشان المسأله بعت وشريت=واعتبرت المسأله كبوة حصان ،،،
بالنهايه كلها شفت ودليت=والمواطن عايش ن بمن وامان
ياأسامه . ياحبيبي . لا صحيت?=مثل أبوك أذهب ضحيه لزمان ،،!


.....البركان.....

15/3/1432هــ

[جمال الرويلي]

(أهداء للمولودالجديد)



وضع البشر . وظروف . والوقت محدود=وبيني وبين المجتمع شبه عازل ،،،
حتى أتصالي يعطي الرقم . موجود=صرت إنطوئي بالقيم . يا لمهازل ،،،
وصدفه. سمعت .اليوم ميلاد مولود=فيصل!وابوه الشيخ نواف نازل ،،،!!
عسى الله يصلحه . ويمدكم بالزود=ويوصله بالعلم لأعلى المنازل ،،،
وحق الله.وحق الواعد بيومه الموعود=تخيلت الخبر غيمه ! وزخات البرد نازل،،،

[جمال الرويلي]

رد الشيخ / نواف نازل



{ أقول ،،، ~




جتني رسالة ود مكسيه ورود=من راعي العليا رفيع المنازل
يقول ما شاالله رزقتو بمولود=فيصل ولد نواف والجد نازل
ياصاحبي منزلك بالقلب موجودهاذي حقيقه صدق ماهي مهازل
غيرك مكانه دوم ضيق ومحدود=وإلا إنت ما يهزك قوي الزلازل
تبرك على القالات وتشيل وتذود=كل مشترك عندك له ألفين عازل
أطلب إله الكون هو راعي الجود=يجعل مقامك فوق عالي المنازل
وفي آخر أبياتي أطيبك بالعود=يا جعل ما يفقدك نواف نازل ،،،

[جمال الرويلي]

الابيات التالية وصلتني متااخره بالحييييل تحت أسم الشاعر/رخياان الرويلي

وللأمانه اني بحثت عن رقم للأخ الشاعر رخيان الرويلي
ولم أجد له عنواان لإيصال شكري وتقديري له ولما يحمله من نقاء وصفاء



مبروك للبركان قبل النهائي=ذيب يشرف في حضورة ومسعاة
أطلب من الله كل صبح ومسائي=يوفق لنا البركان ويحطم اعــــداه
يفوز ويعلن بالاعلام الفضائي=ويرجع لنا والسيف يلمع بيمنـــــاه

رخياان الرويلي ,, شكراً ياأبن العم

[جمال الرويلي]

ياخساارة متحف مصر .

شااعر شايف حاله يقوول :

مافيه اقوى من ثلاثة خساير 1 . يوم سرقوا متحف بغداد 2 . ويوم راح متحف مصر 3 . ويوم ضاع جوالي ..!:sm275:


(

)

(


صاحبي مالك على صاحبك دين=بختـيـارك صاحـبـي هــذا أخـتـيـارك
لاتـحـسـبـنــي مــــــن فـــراقـــك حـــزيـــن=نـومـتــي مـانـامـهـا حـســنــي مــبـــارك

(

)

(

)
صاحبي مالك عليّه من يمين=أنها دارت علينا أم المعارك
صفحة الأيام خافيها لعين=ماتميزبه فشلك من أنتصارك
به تزين أوياعساها ماتزين=أحتفظ في نسختك واحفظ شعارك
صاحبي ياكم لناحرن سجين= وأنت تقدر فكته رهن أختيارك
وقدرة الله خلت الخافي يبين=والحكومة طييحت حسني مبارك



تصبحوون على مايحبه الله ويرضااه


تريونا

[جمال الرويلي]

ييناكم .. يسعد صباحكم وممساكم .

مدخل .

الحكمه تقول ( من لايقبل العذر . لايستحقه )

مخرج
لاتعتذر . هذا بخت . مابه اعذار=وادري بحظي . بس . ياليت لي حظ
داايم تخالفين ظروفي والاعذار=واصد عن هذي . واعدّي . وأغمض
والمشكله ! ماضيّق الوضع بشهار=غير الترف . والمهزله . والمفوض
والخوه اللي ثلجها صالي النار=الله على بعض الاخوه يعوض


لنا لقاء

[جمال الرويلي]

قلبي به هموم ٍ خفيّه عن الناس=محد ٍ عرف كم عددها غير مسباحي ؟
وعيني بها الهقوه تشيد على ساس=لاشك رمدا والضحيه كفاحي
وروحي بها عذب المشاعر والاحساس=قاموتها بسلاح ماهو سلاحي
جتني على الميراااج ناطحتها بفاس=كانت هنا . مدينتي والضواحي



وداعاً مؤقت

[جمال الرويلي]

( المرآة نصف الحياة )




مجتمعنا ياجماعه وش بلاه=يتبع الحكمة ويطمرها طمر
من يقول ان المرآة نصف الحياة=يعني مثلي عايش بنصف العمر
لا.وإلي يسلمك مافيهن نجاه=ليت نصفك مايخلنه جمر ..!!
الا .. من ربي على السنه هداه=والعدد به قل . والباقي بحر


لي عودة بإذن الباري

[جمال الرويلي]

مرااحب ..

آآخر ماوصلني من قاامت الشعر الاخ الصديق الشاعر / سعد بن عبيد الشيباني

(ياالغزال إلي سعد ملكك الحالك)
(ياسعد دنيااا سعد وينك ويني)

(مانحل حالي وخلااااه متهالك)
(غير لوعت غيبتك يامعنيني)

(واعذابي يوم ادورك والقالك)
(وسط صندوق الرسائل عناويني)

(وش تبقالك معي وش تبقالك)
(مابقالك غير ذكرن تبكيني)

(كل مادخل في رسايلك وأقرالك)
(تنزل الدمعه على طووول من عيني)

(وكل مااشوف أسمك ورقم جوالك)
(الهيام وحرة الشوووق تكويني)

(وكل ما اذكر صوتك الخافت أضمالك)
(واحترق من وجعتن بـيـن ضلعيني)

(احزن الفرقاك واتأمل اوصالك)
( يا الونيس إلي عن الناس ملهيني)

(في رجاك انا هينا واتحرالك)
(ميتن من غيبتك لييييين تحييني)

| ســعـــد عبيــد الـشـيـبانـي|

[جمال الرويلي]

كتبت تعليق في احد الصحف الالكترونية ..

وقالوا لي من انت ؟ ياصاحب التعليق .؟



أنا البركاان من قارا . أنا قارا من البركاان=أنا صعبه ترتبني . أنا متبعثر بذاتي
تمنيت الوهّم يصدق , ولو مره مع الانسان=تبعتك يالوهم , حتى توصلت لنهاياتي

هذا أنا وأعوذ بالله من كلمة أنا ..

[جمال الرويلي]

لاتفاخر بالقطاعه يالقطوع == ماوراء عرق القطاعه مفخره
ولا أنا في ماكتب ربي قنوع == والله انك ماتحرك بي شعره
والطعون اللي بقت بين الضلوع = قبلهن صدري شبيه المقبره
يمته يمت شماليٍٍ بـتــــوع = ماأستدار الا بوقت المغفره
لودقايق غيبتك صارت اسبوع = لو سهرني ليل من قبل اسهره

[جمال الرويلي]

أتخيلك صوره من الماضي .؟ أغليك .!=وأتصورك موقف من الحاضر.؟أكرهك ..!!
مابه وسط ، وشلون بالله أجاريك .!=ليتك تموت ، وليت ربي يسامحك .....!!!

[جمال الرويلي]

غصب أزعج الونات والقلب مزعوج=ياصاحبي مليت كثر أنزعاجه
أطق عوجا والليالي تجي عوج=أركض وراء حاجه وأنا بالف حاجه

[جمال الرويلي]

على الطاير ........
((لعيون أبومتعب))


ماجيت غير أطلب عدل ؟ مالي أطماع .؟=ولا الهدف سامي ولافيه طمعه .!
بس الحقيقه تجبر الصاع بالصاع ..???=لاصار عيب الأسم ؟ مافيه لمعه ..!!
يبقى النجم وسط السماء يرشد القاع .؟=له هقوه وسطوه وموقف ورمعه ..!!
يكنها عن كل راعي ومرياع ... ؟؟=وأن أضلمت يضوي تقل نور شمعه ....؟؟
وأن عودة للفعل والشبر والباع ..؟؟=للشعر قول . وللمساكين دمعه ...!!!
مسرى الضبي يفرق عن الذيب لاجاع .. ؟؟=ولطيب طيب وللمعادين قمعه .......!!!

[جمال الرويلي]

.يموت الحكي ياريم في شفت الكيــ بورد=ويااكثر مابي من حكي ودي اقوله
ابفـل مافـي جعبتي وابتـدي بالسـرد=وشـو له اخفي ماتخيلت . وشـوله ؟
اشوفك مص...ادر للعسل , يارحيق الــورد=أنا كيف اشوف المصدر ولا اقدر اطوله
أناديك ياجمرالغضى , عن ليالي البـرد=تخيلت . ولا انتـي بعيـــده ومجهوله (!)
كأنك جفول الريم , متعوده لــــ طرد=وكأني مـرور الغيـم . والريم مجفوله .!!

[جمال الرويلي]

(صوووت وصدى )
يقول الشاعر العذب / سلطان معجب الدوسري :



لولا القمر والفيس وتويت والوات=قلي يا ولد مغيض كيف يتواصل. /
اللي معه صوره وخمسة بنيات=ليله سرا كله معاهن مواصل /




ويقول /جمال مغيض :



قبل الجواب . ابعتذر منك بالذات=ماهو بعذراُ . بس تحصيل حاصل /
انت اللبيب وتكتفي بالأشارات=يعني على . نقطه . وهمزه . وفاصل/
وش جاك ياسلطان .غير المعانات=تزرع وفاء . تلقى الخيانه . محاصل /
تقول . أنا شيخه . وبنت الرجالات=وأقول . أنا يابنت بالحيل وااصل /




مع صااادق المودة الأخويه ...

[جمال الرويلي]

تخيلوا لو يضربون القمر سات=ويصير . لا انتر . ولافيه . جوال ...
والفيس . وتويتر . وكل المحطات=تصبح من الماضي على كل الاحوال ...

[جمال الرويلي]

نمشي ورا .. والناس يمشون قدام=والعولمه ضااعت بسوق البعارين

[جمال الرويلي]

الجديد الحين خذ مني جـــــــديد=والقديم أن ضاق صدري يعجبك
عطني أعجابك وانا اعطيك الفريد=لعنبــو راس ٍ يضيّق مذهبك
وان تعاندني ترا طبعي عنيـــــد=أمسحك . وأرجع بحرفي وأكتبك

[جمال الرويلي]

• (( سدد الطعنه على شخص ٍ وثق بك )) ....
.................................................. ........................


أشارتك جتني على صفحة الفيس ...
................................... وأنا غشيم . ولا فهت الاشاره ,,,
قلت أتاكد منّها والعن أبليس ...
....................................... وان كان ماردت فهمت العباره.
لاإنتي مثل ليلى ولااني مثل قيس ...
........................ ......وان ماخسرتي...ني . فلا انتي خساره ...
مايطعن الصاحب سوا النذل والهيس ...
..................................... وخيانتك لاتعتبرها شطاااره
حتى تحسبها في جميع المقاييس
........................................ تشوف دوله دمّرتها سفاره

[جمال الرويلي]

غرد العصفور ياورد الصباح ...
............................... مع صباحك يالورود اليانعه .
والمؤذن قال حي ع الفلاح ..
.............................. وقمت ابصلي وروحي قانعه
في خيالي شي لشاعر مباح ..
................................ قام يمنعني وقمت امانعه

((صباحكم جووري))

[جمال الرويلي]

الصمت لايعني الرضا .. يعني الحقيقه . موّجعه .. والسيل لامنه بطا
مايبطي الا من كبر ..
تدري على طاري الكبر . وش ننتظر قدامنا .؟
صبر .صبر . حتى القبر ! والموت لاحان الصحيح .
الإ على طاري الصحيح . وعلومنا .
وعـ ـــــلامنا ..
أسألك بالله أعترف : هل تنتمي لإسلامنا ..؟؟

[جمال الرويلي]

لاتوجعين القلب يكفيه مافيه .....
................................... واذا يريح خاطرك وجّعيني
بس المهم اذا كشفتي خوافيه ...
............................ تكفين صيري بين قلبي وبيني

[جمال الرويلي]

ياهيه ماتدرين وش فيني اليــوم << ضايق من العالم وجيت أتونس

ياالله دخيلك كلها هموم بهموم ........ والحلم متوفي وحظي معنس

[جمال الرويلي]

مافيه احد يامنيتي وابتدى النور ,,؟
.......................................... واليل ولى مع سكون المدينه ..
والشوق مصبح داخل الصدر محشور ,,
......................................... والحزن ماله غير نفسٍ حزينه
... سولف معي مليت من وحشة الدور ,,
......................................... تعال نبّحر فوق متن السفينه

(كيبورديه مع والتحيه)

[جمال الرويلي]

ليه التظاهر بالفرح .. وانت ضايق ,,
........................................ ترا كذا تقضي حياتك بضيقه ..
خلك حقيقي في ربيع الحقايق ,,
................................... خوف الندم يشعل بصدرك حريقه ..
دام العمر محسوب لك بالدقايق ,,
........................................ بالله قلي .. كم بقالك دقيقه ..!!؟
ماهو عمر (نوح).. وقضى بالعوايق ,,
..................................... كم حاجةٍ صارت علينا عويقه ..
كل الادله .. ثابته بـــ/الوثايق ,,
.................................. يضرب بعرض الحيط عرض الوثيقه ..

[جمال الرويلي]

2- طفيتني .. خلك بحالك ظلامك .. ؟
.......................................... ماتدري .. انه لاطفى ضوي أظلمت ..!!
كم ليلةٍ زرتك بعارق منامك ..؟؟
............................................... والا .. تقول أنك بعد ماتحلمت ..!!
أ

[جمال الرويلي]

الى حصه ال الشيخ .. و ( كنغري )

غرد ولو في تالي الليل غرد ..
........................................ .بس أنتبه تشطح بتغريدة الليل ..
من حر حصه بالشريعه تبرد ..
......................................... وحنا نخايل بالسما طير أبابيل ..
متى يابو متعب عليهم تورد ..
.......................................... بل الكبود الناشفه بالشهاليل ..
والا . ترانا يامليكي مقرد ..
.......................................... نشيلها هقوه . وتفزع رجاجيل

[جمال الرويلي]

:: صباح الجمال والكيبورد ::

أشتااقلك . ياليتني قادر . أنسااك ،،،
ضاع العمر . وأنا ، كما ، كنت مشتااق ..
لولا . بعض وقتي مخصص لذكراك ،،،
والا . فراقك صاار ماعاد . ينطااق ..
تعاال خذ . باقي حياتي . بلقيااك ،،،
خذها . وخذ معها قصيدي والاوراق ..
حتى تشوف اللي كتبته . برجواك ،،،
وابيك تكتب فوقها .. : دمعة فراق ..!!