شروط ســـــراب.. [الأرشيف] - منتديات ملوك الشعر

ســـراب

12-17-2008, 02:14 AM

لي الشرف برد اطرف شاعر...بدون ذكر أسامي...

بلعب معاك اليوم......بشــــــروط...
واللي شرط لازم تنفذ شروطــــــه...
القاف لايسري معك باول الشــــوط..
وإليا سرى كنسلت شرطه وشوطه..

شمايل

12-17-2008, 02:20 AM

فكره رائعه سروبتنا
وانا متابعة لجمال طرحك ننتظر الشاعر

عبدالعزيز الهذلي

12-17-2008, 03:53 AM

الله يحيى من يبا اللعب مزبوط=ماهو خضار وبيع فلفل وقوطه
الخط الاحمر ماتجي بعده إخوط=لوكل شاعر غايته في خطوطه

ســـراب

12-17-2008, 04:15 AM

رديت فــي بيتيــن والقـــاف ع (الأوط)=وأنــا بديت بها على طــــرق (اوطـه)
إحذر يجي وزنك على الطرق مخلوط=وكب الطــــروق اللي تجيك مخلوطـــه

عبدالعزيز الهذلي

12-17-2008, 04:35 AM

القاف تحت امري وانا ماسك السوط=وليا عصاني جبت للقاف سوطه
لوصار في الاوزان خابط ومخبوط=انا اللذي يعرف علاج الخبوطه

شمايل

12-17-2008, 04:56 AM

صح لسانكم وعلا شانكم

متابعه بشوق

ســـراب

12-17-2008, 04:59 AM

القاف كبوت ودركسون وجنوط=وكم واحد(ن)بالقاف كسر جنوطه
اشوف جنطك مسرع وصار مضغوط=وانابهون اسير ماني قنوطه

عبدالعزيز الهذلي

12-17-2008, 05:09 AM

القاف بين الشك والريب محطوط=مرضى على الطيب من الشك حوطه
لاتحسب إن الجنط لستك وممحوط=مير الكفر يتلف وتكثر محوطه

ســـراب

12-17-2008, 05:21 AM

<< عبد العزيز شكلك مفحط درجه اولى ...ههههه
لاهنت..وابشر بالرد

عبدالعزيز الهذلي

12-17-2008, 05:26 AM

هههههههههه والله مااحب التفحيط بس احب مشاهدة المفحطين ههههههه

ســـراب

12-17-2008, 05:46 AM

الجنط ما يحتاج مفروط مفرط=عندي وعندك يوم تكثر فروطه
لاصار خبل القوم ماهو بمربوط=فالله يعين ان كان فكو ربوطه

ســـراب

12-17-2008, 06:03 AM

صــــــــــح لسانك اخوي عبد العزيز انتظر الرد ..
واشكرلك وجودك اليوم وجداستمتعت بوجودك...
الصبح طلع علينا والدوامات بدت وحن هنيا...هههههه:)
انتظرك مع اني اتمنى الختاميه عندي بس خيرها بغيرها
الوقت خذانا جمل الله حالك وصح لسانك...

عبدالعزيز الهذلي

12-17-2008, 06:10 AM

الجنط عندي واحمد الله مظبوط=لاكن جنطك ويش خرب ظبوطه
لاصار شر إبليس هابط ومهبوط=ياجعل قافك نبتعد عن هبوطه

عبدالعزيز الهذلي

12-17-2008, 06:14 AM

صح لسانك وبدنك
ونا اللي استمتعت بوجودك
والايام كثير ومصير الحي يتلاقى
وتصبحين على خير

ســـراب

12-17-2008, 06:28 AM

ياللي ذكرت بليس وابليس محقوط=لاح الزراق..الصبح بانت خيوطه!!

لاهنت يالوافي وبليس ملعون

ســـراب

12-17-2008, 06:37 AM

لاهنت يالوافي ابيض وجه

][ـالـــــورد][

12-17-2008, 02:55 PM

الله عليكم ’ ربي يسعدكم ’’ وصح لسآنك سروبتنا وصح لسانك الهذلي ’ أبدعتو ’

متابعه مع الأمنيات بعدم الانتهاء !

ســـراب

02-14-2009, 05:53 AM

رجعت اقرا واستمتع متمنيه لأخوي عبد العزيز يرجع لنا قريب سالم غانم
وابشري الورد الله يدوم الوصل...

ســـراب

06-25-2009, 12:48 PM

بكل صــــــــــــراحه....كلي شرف وانا ارجع واعيد واقرا كل حرف كتبته
بهذه المملكه وستبقى هذه اجمل وارقى ما سأتذكره من هذه المملكه وملوكها...
ولن اندم على وجودي بينكم مهما كانت الحاله....شرف لي اخواني وبالخص عبد العزيز الهذلي...تقبلو عودتي ...بشعوري وليس شعري
...

فـارس الحـرف

06-25-2009, 12:59 PM

صحححححححح لسانكما

واشوى انكم ماخبرتو الطريق بهالتفحيط ~~p

والشرطه ماشافت شي

تحياتي

البدوي

10-09-2009, 11:06 AM

اضحكني الطاروق والهوب مخروط=يبغي يباري طالع في شحوطه
دام القوافي واومع الطه مشحوط =ياشين عسر الهرج ليجا هقوطه

من جد ضحكت من قلبي على هذه القافيه ياسراب وبيض الله وجيهكم انتي وعبد العزيزطبعا الهقوط عنا البعير الهايج اللي ياكل (موكول)هههههههههه

غربة مشاعر

10-09-2009, 03:27 PM

هههههههههههههههههههه

تجنن سراب وعبد العزيز يعطيكم ربي العافيه على هالشوط الحلو

ننتظر المحاورات بفارغ الصبر
متابعه للجميع

دمتم بود غربه

ســـراب

10-09-2009, 04:44 PM

لاهنت يالبدوي ويسعدني استمتاعك بمحاولاتي وشطحاتي الفكريه...
وكل الشكر للمتواجدين...ولاهنتوا...
تقبلوني.