مجاراة بن بديع وابن شلحاط

[ابـن عـاجـر]

هذي قصيدة مانع بن شلحاط



لعيون عايـض بآمـر اخشـوم الأقـلام=ترقـص لبـو عثمـان بأجمـل بيانـي
شاعـر قبيلـة و اتحـدث باسـم يـام=عجمـي و لا سولفـت مانيـب اثانـي
انقـا و لـي مبـدا و نظـرات قــدام=و اقـرب وسيلـة للقلـوب الاذانــي
و الشعر ما هـو مرجلـه لكـن اقسـام=و اخذت قسمـي عـارف و ش مكانـي
و اهدي سلامي لا عترض ريح الانسـام=يفـوح ريـح الهـيـل و الزعفـرانـي
يكسب رضاكم و د و اعجـاب و اهيـام=و يـزف لرجـال الجنـوب التهـانـي
هنا محل الطيـب و حضـوره احشـام=جمعا هـل الطـولات قاصـي و دانـي
و تحيـة ٍ تخضـع و فـا عبـر الايـام=تبقـى مـدى التاريـخ تحفـظ كيانـي
تكسب رضا شهران في شعـري اشمـام=زبـن الدريـك و مـرجـع ٍ للعـوانـي
ربع ٍ تسـرك لا غـدا الموقـف زحـام=و الكـل منهـم صـامـل ٍ مرحبـانـي
اهل الوفـا الوافيـن و رجـال الاقـدام=يــوم الـزمـان الفـايـت القلبـانـي
بطولـة ٍ يفخـر بهـا وجـه الاسـلام=مـوت ابرهـه دون المقـام اليمـانـي
و ليا اعتزا ابن مشيط ثم وقـف و هـام=ما قـال يـآل رشيـد قـال شهرانـي
صكوا عليه بشلـف ورمـاح و حسـام=وراع الذلـول بصـف راع الحصـانـي
و نادوا بناهس و ارتكا الحـظ ثـم قـام=و البيـض لإبـن فاهـده فـي البيانـي
و جاك الفويه بشعلـة تضـرم ضـرام=يقـدع بنـي واهـب رجـال التفـانـي
و ان قربوا الرمثين من جمع الاخصـام=عز ٍ لابـن شكبـان مـا هـو يهانـي
و بنـي منبـه تـودع العايـل حطـام=مـا يقلـط ابـن عميـر بالمشبهـانـي
و بالقرب فـي ساحـة الحـرب مقـدام=بـأولاد مفلـح مـا دخلهـم جبـانـي
و ان جر ابن هشبل غشى الصبح الاظلام=و زعزع بجاد و موخـر اليـوم شانـي
و بني سلول احنوا على مشاري و صام=عـن الشـراب الينـه اروا السنـانـي
و جاك الصوع في كود ما سمـع لـوام=و افنـى الجمـوع و دك كـل المبانـي
و ابن رزيّم في ضنـى آل غمـر قـدام=اليـا تفهـق فـي اللـزوم الهـدانـي
و ابن سنا مـا يمسـك الغـوج بلجـام=لا زعـزعـوا زلاّل فــك العـنـانـي
و رمح ٍ لاين شفلوت في الضـد ملحـام=يقدع بنـي سامـه فـي كـل المعانـي
و فزعة بني ماجور تركـز لهـا اعـلام=في ساحة ابن الذيب مـا هـي تهانـي
و من لاذ بآل عجير ما هـوب منضـام=و سرحان مـع حجـاج درع المحانـي
و من لا ذكرت اسمه له و شاح و و سام=و ارجـوه يغفـر لـي خطايـا لسانـي
ذا حد عرفي يـا هـل العـرف بسهـام=من دونكـم شعـري كسـول ٍ ووانـي
صفر المحازم لا طغـى الضـد ثـم زام=قضّايـة الــلازم مـقـر الحسـانـي
شهـران ماردكـم علـى الكايـد حيـام=و وقت الرخا فيكم و صـوف الجنانـي
مـن حـد بيشـة للسـروات مــا دام=غيـر اسمكـم يـا معربيـن المجانـي
ربعـي و صحبانـي مطانيـخ و كـرام=الله يـآنـي فـيـكـم أزود يـانــي
و بيت لبـن سـرّار يبقـى لـه انغـام=ما للعمامـة مـع هـل الـروس ثانـي
هذا و تـم القـاف و انـا صـدى يـام=و في الختم لا سولفت مـا نيـب أثانـي

ورد الشاعر عبدالرحمن ابن بديع الشهراني

البارحه هوجسـت والجفـن مانـام=ومانع ولـد شلحـاط قافـه شعانـي
قضيت كل الليـل غنـى و درسـام=يومن هيضي مـن فراشـي حدانـي
قعدت احـط ارقـام وامسـح ارقـام=وعزمت اعسف القاف مهما عصانـي
حييت ياخـط بـك اخبـار واعـلام=اعداد من صلى وصـام ارمضانـي
ترحيبـة ن بنيتهـا بنـي الاهـرام=فيهـا عبيـر الـورد والقحويـانـي
صورت يامانع لـي المشهـد العـام=والشوق لبيـوت القصايـد دعانـي
قاف ابن قضعان وقاف ابـن وسـام=وقافك بقت في الشرق رمز ومعانـي
ثلاثة ن يطـرح لكـم راس الابهـام=وعسفتوا ابيوت القصيـد اعسفانـي
ومدحت شهران ومعك عرف والهـام=ومدحـك دفعنـي لـردود وخذانـي
ودون اشهران اشيوخ وابدود والحـام=قـول تسلـم واخـذ ردي عيـانـي
المدح في العجمـان يلزمنـي اللـزام=امـدح رجـال ن فعلهـم ماخفانـي
لاجـا نهـار فيـه لـروح ســوام=تصمد وتصـدم بلجنـوب المتانـي
ترد الحرايـب وردة المنهـل اهيـام=وتعدي على اظهور المهار اعديانـي
غاراتهـم اتعقـب امـوات وايتـام=واهل الكرم وقت القسـى والليانـي
ياربع ابن حثلين يا اهل الوفـا التـام=اللي بقالـه فـي الجزيـره مكانـي
راكان بن حثلين شاعـر وضرغـام=شيـخ شجيـع فـارس صيرمانـي
عجزوبه الاتراك والشـرق والشـام=مشهور واشهر من سهيـل اليمانـي
شلفاه تشدي فـي المهمـات لا قـام=شلفا ذيـاب اللـي تفـض المحانـي
شيخ على العجمـان فـارس ومقـدام=ربعه هـل القالـه اطـوال اليمانـي
وال ناجعه نصيتهـا مدحـي اشمـام=زبـن الدخيـل امعربيـن المجانـي
وال ضاعن اللي صيتهم في الزمن دام=عوق الخصيـم امرفعيـن المبانـي
قيدومهـا الدامـر محنـك وجــزام=الفـارس اللـي مارضـى بلهوانـي
اللي دمر مخلاص شمـر مـع يـام=يومه رفـع سيفـه وجـر العنانـي
والملتقم لاما زهم عـوق الاخصـام=ال هادي اللي تقتضـي كـل شانـي
وابن منيخر لا حصل حرب وزحـام=هلل وكبر فـوق سـرج الحصانـي
لا قال يـال سفـران دام الظفـر دام=غصب ن على الحساد قاصي ودانـي
وال مفلح اللي تبرم الساحـة ابـرام=في الحرب لا جا لركـاب ارزمانـي
وال صالح اللي ترغم العاصي ارغام=ربع لبن طفـلان مـروي السنانـي
ويبقى ل ال سليمان تاريـخ ووسـام=العـزوه اللـي مادخلهـا الهـدانـي
وابن عصيـدان بيـده القنـا السـام=اللي يجيله فـي الكبـود اقضعانـي
والبيض ل ال مصرا شجيعين واكرام=جماعة ابن وذين مـروي الضمانـي
وان صاح ابن مكراد للخيل ثم حـام=تفازعو ال محفوض له فـي ثوانـي
اللي بعضهم حل في الـرص واقـام=اهـل الجميـل امكرمييـن العوانـي
والبيض ل ال حبيـش ورجالهـا لام=اهل العلا اللـي ماتحـب الطمانـي
ربع الطويل اللي حكم حكم الاعـدام=فـوق الاعـادي والزمـن قلبـانـي
وجريس بن جلبان لـروس صـرام=لا صيح الصيـاح والحـرب حانـي
وال شامر اللي لا كسى الهية اعسـام=تركي لهـا مثـل البعيـر العمانـي
وابن زنيفـر فـي المهمـات همـام=يرد الوغـى يـوم الـردي مايدانـي
ومنصور بن مطلق لهم درع واحـزام=ذرب اليميـن المنهـل الريهجـانـي
صيته بقى للنـاس عـام بثـر عـام=راعي كرامـه لـو يشيـن الزمانـي
ومواقف ال خويطر اكبـار واجسـام=حرابهـم يبطـي كسـيـر يعـانـي
وال ريمه اللي تشعم النيـره اشعـام=اهـل الفعايـل كاسبييـن الرهانـي
في مدحي العجمـان مانـي ابمـلام=واثنيه لـو يزعـل فلانـي الفلانـي
ان جو مجالسهـم سلاطيـن وحشـام=وقوم شياطين ن اذا الوقـت شانـي
تاريخهـم سجلـه ابـواب واقسـام=وبكل اللغـات يصوغـه الترجمانـي
قلته وانا ربعي هل الموقـف الهـام=شهـران لا سـد الكضيـم اللسانـي
ترسي وتجعـل للعـدا حـد والجـام=مثل البوارج لا رست فـي الموانـي
وربعي بني واهب على جـور ليـام=سجلهـا التاريـخ رمـز وبيـانـي
فوق الرمك والجيش دكـه ودرهـام=ويبركون الحيـل فـوق الصوانـي
ربعـي اكعـام للمعاديـن وخــزام=وتروي القنا والسيف وقت الطعانـي
تامن بهم طـراف وحـدود واقـوام=والـذود يامـن والغـروس المثانـي
تروح فرسـان العـدا منهـم اقـزام=وتفرهـم فـر الـرشـي لسـوانـي
واذا غزا الطماع في حمـر الانعـام=من فعلهـم بتصيـر عشـره ثمانـي
واذا غزوا دار العدا صارت احطـام=يشدون سيـل يجعـل الحـي فانـي
يشدون سيل جـارح ضكـه اعجـام=صوته يروع لاصفق فـي المحانـي
مثّلهـم الزلـزال فـي منطقـة بـام=يـوم اقتلعهـا مالبحـر لصفهـانـي
يطـول بيرقهـم علـى كـل لعـلام=مـن باسهـم يبقـى عيـان بيانـي
ربع الفويه اللي العـدا منـه تنضـام=خيـال سبـلا يـوم مـس البطانـي
بشلفا تفض المخ لـو دونـه اعظـام=شيـخ الشيـوخ وفـارس مايهانـي
من شاع لا بيشه بها اجموع واكـوام=وتمتـد شـرق لا حـدود اقحطانـي
اقصى جنوب ديارهـم دار ال خـذام=واسفـل منازلهـم نزلـه ادرعانـي
واليوم يامانع عليـك الرضـا التـام=منـا وتستاهـل اشحـوم السمانـي
مدحت شيخي والجماعـه والاعمـام=واظهرت مني واحـد مـن اخوانـي
وحنا ترا ربع وبنـي عـم وارحـام=وابغي الروايـه واضحـه للعيانـي
والله يديـم الحكـم لـعـز حـكـام=ال سعـود اموسسـيـن الكيـانـي
القاده اللـي طبقـوا ديـن الاسـلام=وفي حكمهم عشنا النعـم والجنانـي
مافيـه مظلـوم ولا فـيـه ظــلام=عدل وسعـادة روح وامـن وامانـي
لجل المواطـن حققـوا كـل لحـلام=وتحققـت لشعـب كـل الامـانـي
وتحفـظ ملكنـا الفـذ للامـه امـام=يارازق الجنـه ومعطـي الحسانـي
يامنـزل سـورة تبـارك والـف لام=ياللي كسيـت العظـم لحـم وبنانـي
هذا وسقت القاف ليـن اذعـن ورام=وانا عطيتـك يـوم ربـي عطانـي
افخر وفاخر يابن شلحـاط فـي يـام=وانـا بفاخـر وافتخـر بشهـرانـي



وسلاامتكــــــــــــم ..