ترى شعر الملوك اليابغيته مقلع اقلاعي

[متعب المتعب]

السلام لكل شعراء ملوك الشعر
خروج فقط عن أجواء الرتابه للإبتسامه

هذه محاورة للجميع وهي على المربوع
نتمنى من جميع الشعار المشاركة فيها
ونحرص على ان تكون بقالب كوميدي إذا شئتم
واللي يرد على مشاركة معينه يسوي لها اقتباس لكي يعلم الجميع .



والبداية اسمحولي من عندي ولايهون الجميع :




نوينا اللعب من يبدى وخط الشعر قدامه=ونبي منهو تحدانا يجينا رافع الهامه
يهدي سرعته من قبل يبدا خط مرسامه=ترى شعر الملوك اليابغيته مقلع اقلاعي



7
7

[الوضيحي]

صح لسـآنكـ يـآ متع ــب


وبـإنتظـآر شعرآء ملـــوكـ يردون


موفقين

[][ـالـــــورد][]

صح لسانك يالمتعب ’’ بأنتظار الشعراء

[متعب المتعب]

صح قلبك يالوضيحي ..

وشعرائنا هم النبراس ..


7
7




يالوضيحي ماشوف اليوم لاعالم ولاسالم=وكل من غاب له عذره يجينا والشعر والم
ونورك يالوضيحي نور يسوى كل هالعالم=نعم شعر الملوك الياحضرتي مقلع اقلاعي


7
7

[متعب المتعب]

حياك الله إختي العزيزه الورد ..

صح كلك .. ومدامك النائبه والحكومه هنا:p

لابد تصيرين الحكم للملعبه الشعريه ..




هلا يالورد فالملعب مدرب والعدل واجب=تصيري مدربة شعار وبيدك كرت للشاجب
ومن لايقبل شروطك ياويله اعقدي الحاجب=وشغلك شغل زاجالوا وحكمك مقلع اقلاعي


7
7


ربي يحييك يالعزيزه مرورك رياحين ..


7
7

[مسفر القحطاني]

بسم الله الرحمن الرحيم

اخوي متعب صح لسانك

جزل

ياليت تحكم اللبيت ببيت بعده على شان نعرف القوافي


تقديري

[متعب المتعب]

هلا اخوي طرقي

حياك ربي

المربوع يقوم على 3 ابيات بقافيه واحده
حسب ماصاغها القائل
والقفل الأخير ثابت القافية


واللي تشوفه سر ونحن معك ..

تحياتي لك ياغالي

[منبــــع الطيب]

وين الشعر يامتعب وانا عالي على القمه=انا وياك ودي نقتحم دربً كثر سمــــــــه
نبي نكشف خوافي علتً لينا تبي زكمـه=ترى جزل الحروف اليابغيته مقلع اقلاعي

[متعب المتعب]

هلا بك مرحبا طيار نبيك وخذبنا سجـه=وغير جونا الغايم وأبعدنـا عـن الرجـه
وترى ماعندنا قيمة تذاكـر عندنـا دجـه=الاسهم ضفضفت كلش وانا بك مقلع اقلاعي

[منبــــع الطيب]

هلاوأهلــين يابن الجود من قلبــــــي ومعلوقــــــي=أنا طيار ياعالم وأعـلــــم ناس من ســــوقــــــي
أكيد أني أجيد اطير ومعها لاحــــت بروقــــــــــــي=انا معرف ترى سعر السهم يامقلع أقلاعــــــي

[عمر الشيبي]

هلاوأهلــين يابن الجود من قلبــــــي ومعلوقــــــي=أنا طيار ياعالم وأعـلــــم ناس من ســــوقــــــي
أكيد أني أجيد اطير ومعها لاحــــت بروقــــــــــــي=انا معرف ترى سعر السهم يامقلع أقلاعــــــي


يا الله حيكم يا شعار ابتدوها بالدحه =ولا تقولوا القلب انهار من صوب الرقص بحه
ترى الطير مهما طار لا بدن يجي نحه = يوم العسير افكار يا مقلع صلح لقلاعي

[متعب المتعب]

ضبطنا لك صفوف اللعب والدحه شماليه=ونبيها الليله يالشيبي صباحيه صباحيه
وابيك تنور الملعب وصفك ميه بالميه=مدام العيد باكر يالسنافي نقلع اقلاعي