فداك الركن ياهادي

[علي قياض]

كل ذكرى تقطع أحبال الفجـر=ماوصل في بيدر الروح المداد


ممحل الوادي ولاسقيـا مطـر=واشهد ان العين ما وفت فؤاد


رب كلمه ما يصدقهـا خبـر=لين ترقى للسما روح العبـاد


ماعرفت الحب في يوم وشهر=يوم يلعبِي على كـل اعتقـاد


عادتي لا سلهم الِِيـل اندثـر=مثل ريحٍ بعثرت تبر الحصـاد


مايخطي للقضا حكـم القـدر=غير منهو ياخذالسكـه عنـاد


وانت ياللي تنبش جروح البشر=وش تبي بجروحنا ماهي جداد


لا تحملنـي عتابـات الشعـر=الشعر دمي ونامانـي جمـاد


ساحتك بيضا وراياتي خضـر=اتفقنـا واختلفنـا لا ســواد

ابوعزوز=,

[علي قياض]

ياعاقله وش فاد صبري من سنين=وقلبي معك ياعاقله تلعبيبه



صرت الغريب ومابقالي عناوين=مذهب ودوَر ضيعتي وهتديبه


اطرد اماني والاماني بلادين=حتى غديت مشردك ياعريبه


يامارسمتك في سمايا بساتين=ويامالمحتك في عيوني قريبه


وانتي ولاانتي داريه وش تكونين=وانتي ولانتي سامعه يامجيبه


تدرين انتي من عرفتك الى الحين=ونامعك مثل النظر والرقيبه


(ياعاقله طال انتظار المجانين)=وقلبي معك ياعاقله تلعبيبه


عيثي فساد بداخله كان تبغين=ون معجبك قلبي بيديك احرقيبه

(ابو عزوز)=.

[علي قياض]

على مركب ليالينا معك يانجمي الآفل=اهيم ومالقيت الا بقيا جروح تجمعنا

[علي قياض]

ياخي .وينك حالي اليـوم مغبـون=وزادت جروحي مع جروحٍ جـدادي



ياذيبي اللي لانخيتـه عـن الهـون=يقطـع فيافـي مايهـاب الرقـادي



ياخوك.وافزع لي فنا حيل مطعـون=تسعين حنجـر بالظهـر والأيـادي



وصوتي تقطع من كثر ماانشد الحون=علـى وليـفٍ جـاد لـي بالعنـادي



قالو مريـضٍ قلـت فعـلاً ومجنـون=قالوا علاجك .قلت شوفـت مـرادي



أنا مولـع فـي هواهـا ومفتـون=ولا غيرها يسكـن بداخـل فـؤادي



عذروب خلي اسود اهداب وعيـون=وتقول يلعـج فـي ثمانـه زبـادي



وجبينها شمس الضحى يضوي الكون=وخدودهـا مخلـوط فـلِ وكـادي



مياس قد ومابـه حثـول وخفـون=ظبي الفـلاة ومرتـعٍ لـه بـوادي


ابوعزوز=.

[علي قياض]

والفرق واضح مايبي قول وشلـون=بسمة عشيري شكلها غيـر عـادي


هـذا جمـالٍ كافـرٍ حيـل ملعـون=هيبة شياهيـن القنـص بالهـدادي


وحكم الزمن مابه شريعـه وقانـون=به ظلـم واضـح للهواوي وكـادي


هذا الهوى اثر على عيال سعـدون=وذوب قلـوبٍ بالحرايـب هـوادي


وعندك خبر محسن على ابن لعبون=وشيـوخ تذكـر بالعلـوم البعـادي


ياخوك.تكفـى .لاتونـى يضيعـون=واكد أثرهـم كـان تفهـم مـرادي

ابوعزوز=.

[علي قياض]

الا يارقة خدودك رهيفة كنها المنديل=عطاك الله جمال الكون وصبه وسط وجداني

ولا ياليت ماجيتك ولاشفتك بذاك الليل=ولاعودت بالحسره اقضي العمر بحزاني

[علي قياض]

اهــــــداء الى متعب المتعب


ولي عجوزٍبيدها حبل الاموات=حدرت مع الوادي تبي لليمامه

جتنا تمشى مشيها غير مافات=عميا تقول ان العرب هم اسامه


وياصاحبي ربعك دبش شفهم اسكات=وماينفع العوجا مشاهدسنامه

خله يولي ذيبها ياكل الشات=دام الرويعي ماستشار بكلامه

[علي قياض]

شفتك حقيقه وحترق خاطر اليود=واليود وصل شوفتي لاحتراقي


لاسايلٍ سيله ولاهو بموجود=لكنه ابعد مايشوف اعتناقي



ياليود عقبك ماتخيلت بي فود=ولاظنتي تقوى على المشي ساقي



ابوعزوز=

[علي قياض]

تمشي الهوينا في عروقي ونااشوف=اخاف اموت وماعرفت الهوينا

سيدة عتق

كفاني ان اهرب


ياجسدي فيك

انظر اليها

اهرب ساعه

واعود ساعه

خوفاً الى اين الوصول

هل بقي شي.,كم بقي

اخشى الوصول

الى مكانه



،

قد احرقوه وتلاشى


ياسيدة عتق

وعصاء اتكائي

الى اين اسير

مازلت ابحث في الوجود

هل لي معين


ابقي هنا

حتى اعود



فنبضك الهادي طريق


والليل جيش الاحتلال

حطم انوار المكان

ابقي هنا

لاجل السلام وعيون الامل

لاجل الامن لاجل الحياة


تدرين

لاجل العصى اللي اتعبت

والا انا يمكن اموت

فالليل جيش الاحتلال

[علي قياض]

هيجنة دمعه

في ظل ابوها المستحيل

!

حان الرحيل


المد وكفوف النظر

اصبح قتيل

..

،

ياريحة الارض


وتراب الحنين

.


غبتــي


وغيَبك السهـــر


حتى الصبـاح اللي حضر

في داخلك ماهو صباح

..

ليتك عرفتي البارحه

دمعي عليك اسقى الحجــر

..


يـا مزنة الارض

وجذور الاولين.

!

للأرض عين اتطالعك


للأرض روح تلاحقك


وانتي مغيبك السهر

!

تخشى عليك

وتطلبــك

لا تقطعي عرقٍ شقاه يخاطبك


!

هو.وش بقى.في داخلي



عــــــود انكــــسر


والطــير مايظلله الحــجر


والياتعداني انتحــــر

[علي قياض]

انا بشير مطفف الكيل بالويل=والجدي لا زاح المزن نهتديله


وادري مافيه لسنة الله تبديل=الواحد الرحمن منجي خليله


واليازرعت ازرع على شاطي النيل=وبيدٍ مايروي رد جوفه نثيله


وافضل يصير ايمين سوق الفناجيل=وتدرون مايوم الشهر مثل ليله


رد الخبر عني لراعي المعاميل=الارض ماجا من سماها تشيله


ولاظل فيها يارفيقي مداخيل=من كال ياخذ كيلة مثل كيله


قالوا زرعت وقلت حفنة قناديل=في واديٍ(فيه) الرجا يوم اجيله


ياسهيل وينك ماتشوف التعاليل=بارضٍ بها من كل نزل وقبيله


ياسهيل عطشا والعرب مابهاحيل=والنار موعدها على اول فتيله


ياسهيل والبارح قضيناه تحليل=بالمعتلي عند الرجوم الطويله


يومٍ ناسك يقطفون المحاصيل =انا بنيت الرجم وارجي حصيله


كم ليلةٍ جيته واجر المواويل= والمعتلي يكشف لك اللي تخيله


صيف وسحاب وعتمةٍ ترهب الخيل=وعابر سبيل ايمر محدٍ دريله


شاف السحابه برقها يجرح الليل= وشاف السواري ضاع منها الدليله


يالمنتظر تبت ايدين الرجاجيل= اللي اقطعوا عن وادي الحق سيله


تشوف سور الصين في وادي السيل =سدٍ منع عن كل فرعٍ مسيله