مساحه حره

[بندر السلقاوي]

عفت الحلا من مــر وقتي تغذيت = قبل الطعم تستقبل الـمـر عيني
عايش براءه فـي مدينة طواغيت = واصرخ على الجدران ايه دفنيني
ودام الكفن خارج نطاق التوابيت = طـال انتظاره يـوم يسمع ونيني

[بندر السلقاوي]

سلم العرب دايم عن الحلف تبشيع =وصويحبي كل العمايل عملها
دايم يفتح في خفوقي مشاريع =ودايم يجيب امن المصايب دبلها
كل مانهيته ياعرب ماهو امطيع =ونفسي عن الزينات مبطي ختلها
وسيوف غدره في خفوقي قواطيع= اقطع من اللي هرجته ماتفلها

[بندر السلقاوي]

احمل على صدري وسام التحدي =شاعر وعني قو الابيات تنبيك
اركي على العدوان لاعلنت صدي =واصلي به العدوان مثل التماتيك
((وسياسه اللي ماوقف معي ضدي =اقشر من الصابون فوق السراميك))
وافهم مردي كان تفهم مردي =بعض البشر تستر صلعها البواريك


ملاحظه:ما قوس للداهيه / خلف المشعان

[بندر السلقاوي]

شفت الشوارب غطت خدود منصور =الله واكبر كل وجهه شوارب
شوفة عديمن لادبر الوقت مخبور =فعله كبير ويفتخر بالتجارب
وتقول ربعه للمناعير مذخور =وطبعه من وجيه المناعيرهارب
والا الكرم ماضيله اسنين وشهور = لاقامت ابطون الضعافا تكارب
يوسط الخرفان للناس مظهور =في ساعةً فيها الخلايق تحارب
والا الحقيقه ياهل العرف والشور =مكلخ كلام وبانين (سد مارب)

[بندر السلقاوي]

هذا الجسد منهك له اسنين وايام =تعبت من كثر الالم والمفاجع
بعدك حياتي كلها الاام با لاام =تعتب اغني للمسافر مواجع
عايش حياتي كلها عضه ابهام =عندي امل قول المخاليق راجع

[بندر السلقاوي]

عايش حياتي بين ضيقن وكربه =كني على وضع المعاناة مفطوم
حالي تعيسن مالقى من شعربه =حثلوم جاني يافتى ذابح الكوم
والضيق معلن يافتى االجود قربه =جاني غريب وجيته الحين ملزوم
مثل المهاجر طاير اليوم سربه =صويب مايقدر على معانق الحوم

[بندر السلقاوي]

هنا هنا ماهي محطات منفاي
...... هنا هنا مولد جديد الفرايد
مادام حطيت القلم فوق مركاي
.....مايرفعه ياكود جزل القصايد
فكري يقديني وعيني على خطاي
...... في ملاذ الحرف قبل القلايد

[بندر السلقاوي]

ايه اضحكي للناس دامك من الناس ......... لاكنهم غربان وانتي ( حمامه )
فيك القصايد نابعه صدق واحساس......... ياروح شاعر فيك ضيع كلامه

[بندر السلقاوي]

عفواً ترى بقلوبكم عشعش الخوف
.................. مافيه داعي ننحر الكذب بكتاب
المسئله ماهي من الجوف للجوف
................. ولاهي نوايا لابس اليوم جلباب
المسئله هجنن على الجن معسوف
..............ولا فيه خيالن على راس مرقاب
كل الحكايه تندفن داخل اظروف
................مثل الحقيقه تندفن وسط سرداب
لا لا تفكر حاجب السمع والشوف
............مادام في يمنى الكريمين مضراب

[بندر السلقاوي]

الحال ماهو على خبرك
................... وسط الالم عايش ايامي
مادام سايل لنا حبرك
.................والوقت ميت مع احلامي

[بندر السلقاوي]

دونك جوابي داخل القاف منظوم
................... ياللي تعيش العمر فرصة جمايل
هذا الجواب ودايم القول مختوم
.............. شاهد عيان وتاخذ القول ...مايل

[بندر السلقاوي]

البارحه وجدي على ناعم العود
..........................توجيد شايب مالقى من يعونه
مشلول جمسه والسبب طيش عبرود
.......................ميت جسد ماغير ترمش عيونه

[بندر السلقاوي]

تدري متى تستطعم ابلذه الموت ...... لاصرت درعن دون طيحة خويك

[بندر السلقاوي]

ترى النقي لو مات فقري ومديون ....... يبقى لنا مضرب مثل في نقاءه

[بندر السلقاوي]

شدو حرسنا يافتى وقت الاذان
.....................اللي على الباصات واللي لواري
لاجل الوطن شدو صناديد ويلان
...................يشهد على ماقول صوت البواري

[بندر السلقاوي]

مرثيته بالمرحوم / نواف حماد العنزي ( رحمه الله)



مابه فقيده بالبلد عقب نواف= والابه فقيده بالعرب والحمايل
جاب الخبر منهو يشيله بالاسعاف=بالهاتف الجوال ساق الرسايل
مضمون قوله بالخبر موت نواف=ووقفت انا مذهول والعلم هايل
راح الصديق ودمعي اليوم ذراف=راح الصديق بنخوته والفعايل
راح الصديق ومنزله راس مشراف= اللي على مكه يسوق الرحايل
اللي سواليفه عذيات والطاف=اللي يسولف بالذكر والنفايل
دايم ضحوك وبسمته دوم تنشاف=في بسمته ياناس ماله مثايل
والاهاب يومن فيه لارياق نشاف=يوم تساوا به رعاة وعوايل
لن المصاحف خوته وين ماطاف =ومسواكه اللي داخل الفم مايل
ودقات قلبي يافهد ترجف رجاف=واشيل همن ماله اليوم شايل
وصورة جنابه داخل العين بغلاف=والا فيه غيره داخل العين صايل
دمعي يسيل والاكن الدمع شفاف=والنار في جوفي تشب الفتايل
لاياوجودي وجد من شاف سياف=حكمه قصاص والا شفعت له قبايل
وياوجودي جود مشلول الاطراف=امه نخته وفزعته دمع سايل
ولا ياوجودي وجد من حط بكتاف=ساقوه للموت الحمر في دلايل
عمه تهمه بذبحة الاب ماخاف=طماع في ملك الاخو ويتحايل
حتى المحقق للطماع كان غراف= وثبت عليه القول والشك زايل
هذا الوداع ودمعه العين تنشاف=دام الفجايع ترسل بالرسايل

[بندر السلقاوي]

ماخان دلوي لو تخون المحاحيل
.... مادام فكري يجرف القاع لاسال
واعطيك جمله قلتها بعد تحليل
....جمله بسيطه بوزنها توزن اجبال
كانك تسوي للمراجل محابيل
.... ترى المراجل ماتبي كادس المال
الطيب فزه والكرم للمشاكيل
....ماجابها رجلن على الطيب محتال
وان كانها بمكيل البن والهيل
.... حتى الردي في مجلسه صفة ادلال
الكد احصانك يافهد واطرد الخيل
.... وقدامك الرايه على راس ماطال