(خفايا عاشق) النقد

[ابو عودة المضلعانى]

بسم الله الرحمن الرحيم
يا راكب اللي يطوي البعد ممشاه ****** جيب جديد بخشمه العز مرسوم
الفين وخمسه يطرب الراس مسراه******لا تله السّواق والخط مردوم
تله غياب الشمس والعج يقفاه ******واشماغ شواقه على الراس مبروم
ابيض مصندق من يشوفه تمناه ******من فوق بيبانه تواقيع وارقوم
من بعد مشواره على القرم ملفاه ******يلفي بمرسولى معه ظرف مختوم
يلفى على اللي من فعوله عرفناه****** تلفى على اللي للصعيبات زيزوم
اللي فتح بيبان بيته لمن جاه ******اللي مبهر دلته دايم الدوم
عبيد الله ابن عيد يا حي طرياه ******قرم ولد قرم تسلسل من اقروم
للمضلعانى باقه الورد مهداه******واحلى تحيه عطرها ريح قيصوم
سلام يا اللي جاب صيته بيمناه******يالله عساك بخير وافعالك ادوم
يا صاحبى بنخاك من تاهت اخطاه******بين الرجاء والياس ضايع ومهموم
ينخاك عاشق جاب قافه من اقصاه *****من بعد خله ما تهنا ولا يوم
لا وعذابي يا خوي عقب فراقاه ******اربع اسنين وبيننا الوصل معدوم
غرو عشقني لين خلاني اهواه ******من يوم شدو ما تهنيت بالنوم
يا خوك مانى قادر أدله ولا انساه ******والمشكله من شوفها صرت محروم
والله لولا الخوف من الله واخشاه ******واخاف من ضحك الرجاجيل واللوم
أنى لاضمه واطبع اشفاي بااشفاه ******واقول احبه واللي مقسوم مقسوم
وانى لقول ابغاه وابغاه وابغاه ******وابوح بسر داخل الصدر مكتوم
واقول بأعلا صوت قلبى تمناه ******هاتوه قبل أكون بالسجن محكوم
يا المضلعانى جاك قافى بشكواه ******آخر فصيدي فوق الأرواق منظوم
عسا قصيدي يعجبك يوم تقراه ******و ياالله عسا معناه واضح ومفهوم

[عماد الحربي]

ياراكب اللي يطوي البعد ممشاه=ماحلبت أمه يوم صاح الصغيري
البيت للشاعر ---حمدان محمد الشنوطي


السلام علكيم ورحمة الله


شف يالغالي ترى قصيدتك هذي قريتها واعجبتني كثير
لكن يالغالي لا تزعل مني
هل القصيده هذي انت اللي كاتبها ؟؟؟
انا قريت لك كم قصيده وشبه اني فهمت مقدرتك بالشعر وقوتك وغيره

القصيده هذي ما يوقولها الا شاعر جزل وفحل وقوي ومتمكن ؟؟؟
وفيها كم شطر فيه خلل وابصم انه مطبعي لان باقي القصيده هوووول

عبيد الله ابن عيد يا حي طرياه ******
هل فيه خطاء املاءي هنا ؟؟؟ ان لم يكن هناك كسر

لا وعذابي يا خوي عقب فراقاه ******
هل فيه خطاء املاءي هنا ؟؟؟ ان لم يكن هناك كسر
يا خوك مانى قادر أدله ولا انساه ******والمشكله من شوفها صرت محروم
خاطبت مذكر كمل وذكر لا تقول شوفها ؟ مؤنث
وابوح بسر داخل الصدر مكتوم
هل فيه خطاء املاءي هنا ؟؟؟ ان لم يكن هناك كسر

يا اخوي انا استغرب كيف شاعر يكتب قصيده طويله ويجي عنده كسرين او ثلاثه ما بين عشرين بيت

حيرتني يالغالي

لك احترامي وخذ كلامي برحابه صدر واخوه

لك احترامي

[ابو عودة المضلعانى]

لا توجد اخطاء املائية
والقصيدة ليسة لي بل لشاعر يريد عرضها

[عماد الحربي]

اخوي الغالي شكرا لمصداقيتك

في عالم المنتديات ( يجب ان تذكر اسم صاحب المشاركه او بذكر كلمة منقول )
لحفظ الحقوق الادبيه وللمصداقيه


عبيد الله ابن عيد يا حي طرياه ****** مكسور
عبيد الله عيد يا حي طرياه ******سليم شلنا ابن

لا وعذابي يا خوي عقب فراقاه ****** مكسور
لا وعذابي يالخوي عقب فراقاه .... سليم

يا خوك مانى قادر أدله ولا انساه ******والمشكله من شوفها صرت محروم
خاطبت مذكر كمل مذكر ..لا تقول شوفها ؟ مؤنث


وابوح بسر داخل الصدر مكتوم........مكسور
وابوح سرٍ داخل الصدر مكتوم....... سليم


هذه الملاحظات مع تعديلها

[ابو عودة المضلعانى]

يعطيك العافية
بس يا عماد انت كيف توزنها ؟؟؟؟
بالتلحين ولا بالتفاعيل
اذا كان بالتفاعيل
اشرح على
(( لا وعذابي يا خوي عقب فراقاه))